1 Benyamin: amyu" zo: qe we" Yerusa- lem: vo mae" phao: thug' mung: loe; beim sho' phao ge, . Teko" vo mae labo" maid ge, . Bethakherim: vo mae ve, lho qhu" ge, . Khoru: ga" re qi" thao" ra" qug: khai: ga" byo, qeim: akhyo wa mug: am: shaid'2 mae" thug' li" nae". – Gaung khyao yaung" lho" mung: nau" nhae" ra" Ziun: zomyi:3 zo: re Ngo byo; qeim: lo" nhao nae". – Yao zaung" mo, wa yao: yao" yao zhain we' yao: jhao" li" mung: yao: yaug yao" zaung jham re kaid' mung: yao: yaug yao" gyo,4 zo: jao: mae gyo, zo" li" genae". – Yao: re gye khaid' nae"seim" ge, to" ye: gelang: . Ba gaung tau: yo, mae do, ye" lo" gelang: . Ba gae" lo" na va". Mug: caid' lo: na: ava". –5 To" ye" lo" gelang: . Myi" mae ye: mung: yao" yham jham re phyo' sin" qheim" pye'6 gelang: ga: mho: li" genae". – Gug: mang: din" gam ug: Mo"so ceru: ga: mho: ra" sag' gae jham re thau: lhang" pye' ge, . Yerusa- lem: vo yae mae gyab lao: dau: ge, . Ce: vogaung: wa mho" shid' ca" ra" vogaung: ngaid: ra". Vo khug mae se' da: be, khyaid'7 jho" yhin" pyam" ru za: boe" ra". – Qid thug' mae" qid yug: thug' li" re" ru: ai: vogaung: mae" makhyang: mashab: ru boe" thug' nhao: ra". Vo khug mae lhaid' zo: lhaid' shaug' phyo' qheim" thoe the' gyo" ra". No phyo: qug: qae" we' dae bab: dae khao: jham re malam: lai: Ngo the' myao:8 na: . – Yerusalem: vogaung: we" mho" shid' ru re khae: yu wa, . Ai ru: mangaid: re Nga" nhag' myid nao we' va" lin: lo" mung: nao re sham" khyo" pye' yang: byu mana cae: jhug tag boe" nhao nae".9 Gug: mang: din" gam ug: Mo"so ceru: ga: mho: ra". Sabyi' shi: gyo" gaug: re" ru: yao: bam wa dang: na: jo; ra" Israel byu qe re shao" sho' khe' thug' pye' li" genae". Sabyi' shi: phyo' yaug re" ru: ni" lo, re gyain khug khyo ni" lo, dalhang dam:10 le; to: wa, .– Yao: bam ba: tae" gyo: sho' Ngo khoyaug re nhao mung: ta" kyang: nhao nae" laug i"? Yao: bam: no: khye' wa nyaug phyid' makhae: yu: ra" no: khye' ngaid mung: yao: bam maqo" ba: tae" gyo: ko" ngaid: ra". Mo"so: mung dao: wa yao: bam: jung" khyoe' jao: ngaid: ra". Ai: mung11 dao: re ma-o ngaui ko" ngaid: ra". – Ai ru: mung: Mo"so: nhag' lam: laung: ru we' ngo byang" jo; kyi: . Khoru: tho' zang: qhao" na nae" i"? Vogaung" khyo mae na: ra" zoshao qe: dao mae re: , ham phaung: na ko" ve, qae" jham: dao khyo nga" nhag' gyid' ru vhe' gyain" ke' nae". Yham sang pho" yham sang myhi" re re: , kao qi: mo, we' mao: zo: mao: gug' alhab' geim" re sham" tai:12 pyaung" lo" li" genae". – Yao: bam: yham we' yothaung: yo gug myi: zo: jham wa labug: lo, khug vao lo" genae". Khoru: ga" re mang: din" byu jham re Ngo dae pyam"13 nae" ga: Mo"so mho: ra". – Yao: bam alhab' wa ngai: thao" yaug mae" qi" thao" yaug joe" sho' myo, no, so' kho' nhag' myid bo ko" ra". Lapa qe mae" da du khin jaung jham alhab' geim" wa mhug' vhain" gau:14 khyo cao" ko" ra". – Mayaug mayo mung: na qere: ngaui pyo: yaug yo: , ngaui pyo: yaug yo: ga: ta" yang: Nga" amyu" zo: qe re dajhid' dathao za: mocid' pho: mhug' byid:15 ko" ra". – Yao: bam wa maca' majhaid' kaid' mung: ba: qho' ko" ra" i"? maba: qho' ko" ngaid: ra". Myo, nho re: malai: ko" ngaid: ra". Ai ru: mung: yao: bam wa dayaug: thao dayaug tha" lang: genae". Ngo ca: qu" ra" au: nyham: khyo" pye' ru qhug' genae" ga: Mo"so mho: ra".16 Mo"so ceru: ga: mho: ra". Khyo mae ye; jo, mung: cao" lhang: qu" ge, . Genhae" yo, mae" khyo xug' re qho yang: gai: ra" gau: khyo khogau: ngaid: ru myid' ca: qu" mung: ai: khyo cao" ge, . Ai ru: ngaid: re nhag' myid yaug yo: ru qhug' genae". Ngaid qere: ngonhaung" wa macao" su: nae" ga:17 dam: tau: ko" ra". – Ngo kam" wa naon- haung" re lhaug' zaung" mo, nha: to: nae". Labo" maid thoe tae" gyo: ge, ein: mho: re ngonhaung" wa matae" gyo: nae" ga: dam:18 tau: ko" ra". – Amung: labug byumyu" qe we" yao: bam mae pe" boe" lo nae" akhyo re tae" gyo" yu ge, . Byu mo, phaung jham19 we" ba: gyo" se" yu ge, . – Mug: myid sosu byu qe we" gyo" yu ge, . Ce: byumyu" wa Nga" dao: re matae" gyo: , Nga" tarha" re macao" ko" mathao yao: bam: myid: tau" da: to: ko" ru we' dakhyo: Ngo yao: bam: adao mae qug: khai: kyin" nhaung" ru khyo" ke' byid: nae".20 She:ba' mang: lo:bain: re: , mug: va" mang: mae" nae: ham" phaung: cug re Ngo jhao" pe" ein: yu: li" ko". Naonhaung" ngha" hab' ngaui" xeim: re Ngo mangaui , naonhaung" caung da" ra" xeim: aja: ja:21 re Ngo nhag' madag ma-o ngaui . – Ai ru: mung: Mo"so ceru: ga: mho: ra". Ce: amyu" jham: qhid' au: mae tha" lang: jao: Ngo to" to: nae". Yao: pho" we' yao: zo: daga" tha" thu: lang: genae". Yham kyo: cao: we' ba nam sang: tin: jham daga" byo, qeim phau: genae".22 Mo"so ceru: ga: mho: ra". Byumyu" damyu" mug: am: shaid' khyo" joe" li" nae". Byumyu" qi: damyu" re mug: myid athao"23 mae" Ngo nhug' peim" ke' nae". – Yao: bam wa la: we' lhae ci ko" ra". Mashab makhy- ang: ngaid beim" ra" amyu" ngaid mung: nhag' myain: nhag' khyag' myid mabo ko". Yao: bam: dao: thoe wa bang lae mo" ru: myang: hau: ra". Ziun: zomyi: zo: we" nao re gye kaid' nae" tau: yaug nge, myao: jui: jui: mung: seim" na veko" ra". Nao jhao"24 li" lo genae". – Ai: lau dao: re ngonhaung" the' gyo: mung: khyid lo, pyain" byaug va". Zo: khau no no: ra" myiqe: re" ru: ngon- haung" qug: khai: kyi" khyag' qhug' bam25 va". – Taung yo yothaung: khyo daye: ge, . Khyo mae dasu" lhau ge, . Khoru: ga" re gyevo: shae lhae wa khyi" khao: ngo" mae26 qug: khai: byid: ba: ra". – Nga" amyu" zomyi: zo: we" jid: mo" mai lao" yang" ve, mung: myiqe, bam mae lhau: wa, . Zo: te: zo: shid: ru re" ru: nhag' kaug' mung: qam: ke' ngug wa, . Phyo' qheim" nae" yaug wa ngonhaung" jhao" nyag tin" labaug joe" li" nae".27 Nao wa Nga" amyu" jham: na sam" ye, bao re ca: qu" mung: ba: yu nae" khyo: ca nae" aya: mae zho: cang yham ru" ru boe"28 nhao: to: va". – Yao: bam alhab' geim" wa tang: tug' tau: lhain: mo, ju" phyo' mo, ngaid ko" ra". Yao: bam wa gyid: we' jo, to' shao shao ngaid mung: phyo' qheim" ra"29 mo, shao shao boe" ko" ra". – Myhao" koe mae myi: ngha" yang: xa gain: yug: shao" va". Kyang" yu yaug khonho" maid: kyang: yang: re: so' ha" maqo". Magai magyang" ra" gu: gai: khyin: kho' yu nae" mangaid: . –30 Mo"so yao: bam re shelhaui" to: co' va" mathao mae to" pye' gai: ra" ngaui ga: yao: bam re mang mhang" genae".