1
Israel amyu" qe we" naonhaung" re Mo"so ta" kyo" ra" dao: re tae" gyo: ge, . –2
Mo"so ceru: ga: ta" ra". Labug: amyu" qe: lam khug: cao" khyao jham re dacao" ge, . Yao: bam din: gyaug: ra" mug: gaung: ve, lho jham re naonhaung" dagyaug ge, . –3
Labug: byumyu" qe: sam" ve, li jham wa akeim aseim ngaid: ra". Yao: bam wa seyo mae" sag' gae thau mung: lo, mau" zaui: yaug ai re vo: zaung" yang pyo' lhang" yu:4
ru we' – ngaui hhang: yang yaung" sho' thab' pye' mung: maqui" lhau nae" tau: jo,5
to' ceim re dau: yang be; jin" to" ra". – Yao: wa xaung" pa gae re" ru: ngaid mung: dao: maba: jhau . Yao: yao: za: maqo" gai: su" du" ra" mathao vo; su: ca" ra". Ai jham re dagyaug ge, . Qug: khai: qo" byid: nae" mangaid: . Gai: ru , magai: ru re: qo" kaid' zai mangaid: .6
Mo"so we" Nao we' dau: ru khag' mana . Nao wa qi: qhang gang" tang: ra". Ni" mang khyao: re: phung bao ham" hung"7
qi" thao" ngaid: ra". – Byumyu" cao jab: jhaung zug: qe we"- AsAng re gyaug phug' myao: gai mung: Nao re maphug' magyaug na nae" i"? Byumyu" zo: qe: juyi bo mo, alhab' mae re: , mang: din" alhab' geim" mae re: Nao we' dau: ru dayaug lao" mana8
ko" ngaid: ra". – Yao: bam alhab' wa gug' nyhug' nhag' myid bo mung: nhag' caid' no: yaug mo, ngaid ko" ra". Alho: akhyo mho" shid' ru wa sag' thaung" akhyo re9
mho" shid' ru za: ngaid: ra". – Pyo' lhang" co' kyaung" lo, mau" sheim" yhaung" ra" yaug ci: ra" ngaui pye: re , Tarshu' vo mae" hhang re Uphared jo, qo mae" yu: lo: ru ngaid: ra". Ve, nae" tau: mae mai nyhug mai mo, re ve, ba: ako". Ai wa juyi bo yaug:10
lo, mau" zo" za: ngaid: ra". – Mo"so wa dang main" ra" AsAng ngaid: ra". Yao: wa apyaid ato daui: na: ra" Mo"so ngaid: ra". Yao: nhag' gyid' lao" mug: myid laui" nain" ra". Sosu byu qe ai: nhag' gyid' ru re maqo" zang: qhao" khae: yu ko" ngaid: ra". –11
Labug: byumyu" jham re ta" kyo: nae" dao: kheim: wa- mug: gaung we' myid gaung re maphain: ra" mo"so jham wa ce: mug: gaung gyid' , ce: myid gaung dao mae" baui" lo" byaug: li" genae".12
Mo"so wa yao" kheim: so' qam: o" yang mug: myid re phain" va". Yao" juyi yang mug: myid re zhaug' tang: to: va". Yao" ba jhao: ra" nyain" yang mug: gaung re lao"13
lhung" to: va". – Yao" thoe mo" ke' ke' lao" mug: gaung mae qid phaung jham myang: hau mung: mug: myid athao" mae" nhag' hhid' jham to" lo: ra". Mug: qu: lo: ru we' daga" lhe' caid' caid' vhag' ra". La re re: yao" jo, nho" bain" mae" phoe' thug' ke' ra". –14
Byu sosu ga: ru wa yao: yao" nyain: sozo: khyo" yang gug' nyhug' ru" ru ngaid: ra". Alho re co' lhang" kyaung" sheim: thab' mo, yaug khao: ngo" wa yao: kaid' ra" alho: yang shaid' nghung: veko" ra". Kaid' to" ra" alho re: mhug' ru za: ngaid: ra". Yao: bam15
mae so' mabo . – Ai ru" ra" jham wa akeim aseim za: ngaid: ra". Lho she' ra" zai jham ngaid: ra". Ca: pyam" ru qhug' nae" ayo, akhin: mae baui" lo" byaug: li" genae". –16
Yaku' amyu" tau: wa ai ru" ra" zai jham we' dau: ru mangaid: . Jo, mae" jo, na mae" na re phain: yaug Mo"so ngaid: ra". Israel amyu" wa yao" Ma dai kham amyu" ngaid: ra". Yao" mang khyao: wa gug: mang: din" gam ug AsAng Mo"so ngaid: ra".17
Zho: cang yham mae na: ra" yaug we" mang: din" khug mae jo; ra" ni" zai yo jham18
sham" zhang" yu wa, . – Mo"so ceru: ga" ra". Ngo ana" yao: jao" mang: byu jham re khe' sin" thug' pye' mung: gyevo: lo, khyo joe" nhao nae" tau: pyam" nae" ga: mho: ra".19
Ngo phau" ra" dae de; zau: zao" ra" mathao: yang byu xa: vo: qoe, qhug' va". Ngo qhug' ra" qug: khai: kyi" khyag' re zang: qhao" khae: yu nae" ein: Ngo mho20
va". – Nga" seim zaung re: byo, va". Nga" taui: jham alhab' re: byid: byaug veko". Nga" zo: dau jham re: Ngo mae" thug' byaug: lo" byaug: veko". Thao dalhang Nga" seim zaung re kaid' byid nae" byu , Nga" qe, kyo pin: cug' lao" khao: byid: nae"21
byu mana . – Khoru: ga" re yao zaung" mo, wa gug' nyhug' myid bo geyang: Mo"so re maqho ko" mathao mae ma-aung myaug ko". Yao jham wa myhi" so: sin:22
boe" veko". – Hau: thoe the' gyo" ra". Yuda vogaung: jham re phyo' sin" pye' mung: zag ne jham: na jao: poe" pye' nae" tau: thoe mo" ke' mo, wa mug: am: shaid' khyo" joe" li" nae".23
Mo"so we" byu sosu wa yao: yao" gau: khyo re maqo" ug ko". Su" ye" lo" au: khu bye re lao" maqo" khang" ko" ru re Ngo ba:24
ra". – Mo"so we" Ngo re mho" shid' nae" ngaid: re byo; qeim sho' mangaid: lo: ga"25
ru: za: mho" shid' kyang: la, . – AsAng re maba: ra" labug: amyu" qe: adao mae re: , ni" mang khyao: re mamho' mayao ko" ra" akaung aboe: adao mae ni" nhag' gyid' ru re vhe' sheim: wa, . Khoru: ga" re yao: bam wa Yaku' amyu" re gain sho' zo" pye' mung: yao" na jao: jo, qo re cae: jhug tag poe" pye' veko".