1 Mo"so we" ngo Nao we' jho" phyo" qham: au: Nao wa dang main" ra". Ngaid qere: tarha" dao: phyid' ra" akhyo re myid' qu" nug: ra". Matarha" ra" mo, wa pe" mung: na gai ko" i"? Dao: so: mazaung: ra" mo, alhab' wa khoru: mung: na: gai2 ko" laug i"? – Nao yao: bam re qho: mung: yao: bam wa agyi: tang mung: qi: qhang yang: ashi: zaui: veko". Nao wa yao: bam: nhaid' thoe we' jhao" mung: nhag' myid3 we' va" lin: ako". – Mo"so we" AsAng wa ngo re ba: ra". Ngo wa AsAng we' myid qhug' ru re ca: qu" yang: ba va". Se' nae" tau: yao jham re she: thug' re" ru: matarha" ra" mo, alhab' geim" re se' nae" tau: she: thug' yang: se' nae" seim" nyhang" wa, . –4 Mang: din" byu qe kaid' shaid' ra" qobo: mathao mae mang: din" wa khomyhao" joe" sho' kaug' myain" qhu: thoe mung: na zai i"? Mang: din" geim" mae" mhin: zo: laung la jham wa khomyhao" joe" sho' jhoe' nyhug' jo, zai i"? Ngonhaung" phau" ra" qug: khai: kyi" khyag' re Mo"so mamyao mabeim: ga: mang: byu qe ta" ko" mathao: yang gug' nyhug' we' ngho' jhid' ngho' zo: jham byaug: byaug veko".5 Nao khyid khyo" su: mo, tao" mai qhi" mung: myaung: lao" myao: we' khoru: qo" tao" mai qhi" nae" i"? Yaug yo: ra" mang: din" mae zaung: na: jo, ngaid qere: Yodain:6 gyaung: je" li" re khoru: kaid' nae" i"? – Ni" mao: nhaung: , ni" pho" yham byu qe lao" nao re dao: so: phyo' mung: ni" thao mae zag: yao mung: cao" ko" ra". Yao: bam dao: gai jhau gengaid yang: re: dalam" lhe".7 Ngo wa nga" yham dang: to" pye' co' mung: nga" dai kham jo, nho" jham re shepye' co' va". Ngo gyai jhid' de; zoqae: myhi" re gyevo: lo, mae qhaug' pye' co'8 va". – Nga" jo, nho" dai kham wa seyo mae thaung" qhug' ra" lo:tin: ru: boe" byaug va". Ngo re kyid' yang: kyaug' ra" mathao mae9 ngo yao: re manug nhag' gyid:. – Nga" jo, nho" dai kham wa makhyang" ra" ngho' zoqhid ru: boe" va". Zoqhid jham li" lhang" gam" to: veko" ra" i"? Gai gai: yao: sho: zo: nae" ga: din" yo mae" zoqhid jham alhab'10 zang" ham: lo vegeshao: . – Myo" laug: ra" yao zam: mo, wa nga" sabyi' khyae re phyo' sin" mhain" pye' veko". Ngo qo" ang: ra" gae bam re zab: nhaug' pye' veko". Ngo o ngaui qo" ang: ra" gae bam re byu mana11 cae: jhug tag boe" nhao: pye' veko". – Yao: bam ai re cae: jhug tag boe" nhao: pye' veko" mung: ngo re kaug' qhui nhao veko". Damang" geim" byo; qheim: lo" ngaid qere:12 khag' pe" shui manho ko". – Seyo mae" bug pyaid khyo lhaid' zo: lhaid' shaug' mo, do, lo" veko". Gai gai: yao: mug: myid dashaid' mae" dashaid' joe" sho' Mo"so: shae lhae: yang phyo' qheim" yang: dayaug13 re: qo" loe, genae" mangaid: . – Yao: bam wa saung so myug: sin: mung: zau: gae re za: yaid: yu ko" ra". Myaung: dug sho' qam: ke' gengaid yang: re: pe" so' maha" ko" ngaid: ra". Mo"so nhag' gyid' ra" mathao naonhaung" wa yao: yao: zaui" thug' mau" mae qho' phau" li" genae".14 Nga" amyu" Israel re Ngo byid' to" ra" dai kham re zai" qheim" ko" ra" yham kyo: vo myae qe re Mo"so ceru: ga: mho: ra". Yao: bam: mang: din" mae" Ngo qab: pye' nae". Yao: bam: akhug mae" Yuda amyu"15 re Ngo she: phoe' thug' pye' nae". – Yao: bam re she: thug' pye' thao mae Ngo nhag' dam: myain: mung: yaug nge, re yao: bam: mug: myid khyo yaug nge, re yao: bam:16 mang: din" khyo dam: dai" nae". – Ai ru: mung: yao: bam wa Bala' mang lao: yang: Nga" amyu" re jham tang" mho" ko" ru we' dakhyo: Mo"so wa daui: na: ga: Nga" mang khyao: lao: yang: jham tang: zo" re" Nga" amyu" qe: akhyo re ada" zo, mho" xeim: yu ko" ngaid: re yao: bam wa Nga" amyu" jham: phaung gaung: mae qo" gai: na ye,17 genae". – Mangaid: lao" matae" gyo: lo: na ko" ngaid: re Ngo ai: amyu" re qab: lhaui" pye' mung: byo; baui" lo" nhao nae" ga: Mo"so mho: ra".