1 Dam: dalhang Mo"so: mung dao: ngo jhao" joe" mung: Yerusalem: vo re ceru:2 ein: zag: yao yang: ta" wa, – Mo"so ceru: ga: mho: ra" , ni" ve, qae" ayo, mae khae: yu: ra" jeju re re: , nao in" to" ra" jhid' de; myid re re: , qhovo: qhoshi: magai: khyo" ra" jo, qo mae nao Nga" thao cao" lo: ra"3 gu: re re: Ngo beim: so" ra". – Ai: au: mae Israel amyu" wa Mo"so: tau: shao lho" mung: sao qhid' mhang" ra" gaug zo maui: lam: ngaid ko". Yao: bam re mhug' vhain" zo" ra" mo, qobo qo" ko" ra". Ai bam: adao mae qug: khai: kyi" khyag' joe" genae" ga: Mo"so mho: ra".4 O" Yaku' amyu" we' Israel amyu" akaung aboe: jham we" Mo"so: mung dao:5 re tae" gyo: ge, . – Mo"so mho: ru wa naonhaung" phug' pho" qe wa Ngo we' va" lin: lo" mung: akeim aseim gau: khyo cao" lo" mung: akeim aseim boe" lo" sho' Ngo mae khoru" qobo re the' myao veko" i"?. –6 Yao: bam ngonhaung" re Egutu mang: mae" jhui" pyaung" lo mung: seyo segae: , ma coe dam: we' dung: gyain: myo" ra" mug: myid gaoso yo we' shid zug: nghoe' gam: mug: myid khyo" jhui" lai: phyid' lo: ra" Mo"so wa khai: mae na: i"? ga: mamyid:7 ko" ngaid: ra". – Na gai gaug qo" ra" mug: myid , gaug zo maui: lam: we' xau gae jham re zo: geshao: ein: Ngo naonhaung" re jhui" vhao" mung: naonhaung" vao: joe" lao" naonhaung" wa Nga" mug: myid re anyain: avho: poe" pye' vegenhaung8 i"?. – Khin jaung qe wa Mo"so khai: na: ga: mamyid: ko" , jham: ba pho" qe wa Ngo re maba mase" ko" , nhag' bo ade, qe wa Ngo re zai" shaid' nghung: veko". Lapa qe re: Bala' mo"so mae ngha mung: pe" so' ha" maqo" ra" gau: khyo mae cao" lo" ko" ra".9 Ai: mathao mae naonhaung" we' zo: dau qe re ca: pyam" nae" ga: Mo"so mho:10 ra". – Kitim: gogyo: kao" khyo gau" de; ye: mung: ye: cao" qu" qu" ge, kedara: mang: khyo byu nhao mung: ai re" ru: boe" qu" va" i" ? gelho: qu" yu yang: myid: nghae" ca:11 qu" ge, . – Getau: byumyu" qe wa Mo"so mangaid' ra" yao: bam: mo"so re tha" lhai" qu" ko" ra" i" ? Nga" amyu" qe kam" wa pe" so' ha" maqo" ra" mau" zo" mae yao: bam: ham" hung: myo, nho nga: lao: re tha" pye'12 vegenhaung i"? – Mug: nyug lasung" jham we" ai: mau" zo" re mug' hao: mung: gyo, shi: qid qid mung sho' sae za: na: na ge,13 wo". – Nga" byu qe wa kao so' qid thug' ngaid: ra" Ngo re nhaung thao" phaug' mung: qid mabo qeim: jo; ra" qid dung: khung: re dau" ra" khyo" yang qobo shid' ja: re zai" thug' veko".14 Israel wa jeim ngaid: ra" i"? jeim nau" ngaid: ra" i"? pe" mung yang: lhaid' yu: lo"15 ru qhug' ko" i"? – Lo:tin: jham wa yao: re myang thoe mung yang: kyid' veko". Yao" mang: re phyo' pye' veko". Yao" vomo" jham myi: ngha" pye' va" mathao khag'16 re: mana lo: ko". – Nopha: we' Tahapa- ned: vobyu qe wa ni" au: mae" lhugmaug17 myhag' khyoe' pye' veko". – Nao re jhui" lo: ra" ni" Mo"so re nhaung thao" phaug' ra" mathao mae ai re" ru: qobo dae phau:18 va" mangaid: i"? – Ana" nao Sehora' qid shaug' nae" tau: Egutu khyo pe" mung: cao" ye" i"? Uphared' qid shaug' nae" tau: Asuri' gau: khyo pe" mung: cao" ye" i"? –19 Nao zai" shaid' ra" qobo: yang nao re mho" li" nae". Nao phaug' lhag' lo" ru wa nao re qobo byid' li" nae". Ai ru: mung: ni" Mo"so re shepye' ra" mau" , Ngo re magyaug phug' lo: na: ra" mau" wa magai: ra" ave, kho" ra" mau" ngaid: ru re ba nae" ga: gug: mang: din" gam ug Mo"so mho: ra".20 Qhid' phyao: nao vin: ra" kyau: , nao re taui" to" ra" taui: re Ngo nag: khyug' pheim: pye' mung: nao wa mashaid' manghung: lo: na naeva" ga: dao: so: to: ngaid: qe re: myhao: ra" bam khao: ngo" dao mae re: , nyug lao qam" sag' gae alhab' aqao: apain mae yoe" jhao" na yang: yaug21 zhang: myhi" akaid' na: ra". – Gai: thao" sabyi' naui agyang" ngaid: ra" nao re qho" to: qe re: , nao wa Nga" qhid' kheim: mae khoqhi" phaug' lhag' lo" mung: sabyi' naui22 ajeim boe" byaug: laug i"? – Nao wa myi: cid' shau: we' gaung cid' mung: xaug' kyang" yu: ra" sa:bya myo: sho' ci ngaid qere: ni" qobo wa de: de: yao: ngaid: ra" ga:23 Mo"so mho: ra". – Nao re: Ngo wa anyain: avho: mangaid' ru we' Bala' mo"so jhao" macao" va" re ein: khoru: gai: ta" nae" i"? Lao: khaung: mae nao lai: ye" ra" gau: khyo re qu" wa, nao kaid' ra" mau" zo" beim:24 so: wa, . – Tao: qao: ra" ma dae myao:25 zang nao boe" venhaung i"? – Ni" khyid zhaung: re dazai" kain" , ni" khyaung: kyaug' ho sho' dakaid' ein: re nao wa nhag' nghae: jao: gai gai: yao: majo, lo: . Mo, je labyu qe re jhid' mung: yao: bam: thao cao" lo" naeva" ga: nao tau" ra".26 Qhug' the' myhag' taung" yu: ra" shae nhin" khug' hab' qe qho' phau: ko" re" ru: Israel amyu" jhaung zug: , zug: nau" qe , khin jaung jham , lapa jham we' daga" amyu" zo: jham wa qho' phau: veko". –27 Naonhaung" wa sag' thaung: re nao wa ngonhaung" yao: pho" , laug baui re nao wa ngonhaung" re khau myhung: ke' va" ga: mho mung: Nga" shaid' myo, khung: malhang nhaung thao" phaug' lo" ko" qe re: qug: khai: thaung" qhug' qere: qhug' khai: thaung" qhug' to" wa, ngonhaung" re khyaid' yu la, ga: mho' yao ba: ako". –28 Yao: yao" tau: nao kaid' ra" mo"so jham wa khai: mae na: i" ? Nao qug: khai: thaung" qhug' au: yao: qo" kaid' re to" yang: nao re khyaid' yu vegeshao: . Yuda mang: we" ni" vogaung: jham myo" laug: ru we' dakhyo: ni" mo"so jham re: myo" laug: jo; ko" ra".29 Mo"so mho: ru wa naonhaung" pe" so' ha" nae". Ngo we' jho" ngag genae" i"? Naonhaung" alhab' wa Ngo re shaid'30 nghung: veko". – Ngo wa naonhaung" zo: dau qe re aje amyid qobo dae byid: va". Yao: bam wa mho" shid' ru re maqhug' khae: yu lo: ko". Naonhaung" shae wa lhaid' yu phyo' qheim" ba: ra" lo:tin: re" ru: naonhaung" lapa jham re byo; qeim nhao31 veko". – Ana" boe" na ko" ra" amyu" zo: qe we" Mo"so: mung dao: re myid: ca: nghae" qu" ge, . Ngo Israel qe: tau: seyo re" ru: mug: caid' no; jo; ra" mang: din" boe" qu" va". Nga" byu qe wa ngonhaung" lae" vhang" qin" mo, boe" bam va" , nao jhao" dam: tug' lo lo: zai mangaid: ein: pe"32 mung: ta" na ko"?. – Zomyi: zo: wa yao" shaung yaung" zai kug jham re , myhi" sag' wa yao" phyid' cui: re gai: to" myhid' nae" i"? Ngaid qere: Nga" byu jham wa matho' qug: nghe' lo" ra" ba ayo, geim" Ngo re to"33 myhid' pye' veko". – Nao wa zoqae: myhi" qho nae" tau: naonhaung" li re pe" mung: nyhang" byao: i"? makhyang" ra" myiqe: qe34 re ju" phyo' venhaung i"? – Ai mae" getau masho: majhin qobo maqo" mo; sa: ni" mai bau: mae de; ru re the' myao va". Yao: bam lhaid' zo: lhaid' shaug' mau" makaid' ko" ngaid qere: ai ru" mo, re nao se' pye' ra". –35 Ai ru" ra" qobo qo" ngaid qere: nao wa Ngo mae pe" qobo made; ra" mathao mae Mo"so: nhag' gyid' ru wa Ngo mae" lai: lo" byaug va" ga: nao ta" na: ra". Qu" wa, nao36 re ca: qu" yang: pyam" yhin" nae". – Ni" ave, akhyo re tha" lhai: nae" pe" mung: ta" myhang" na: i"? Nao wa Asuri' mang: re qho' ru ru: Egutu mang: re qho' gyaug: li"37 nae". – Nao wa ni" au: dao mae lo, kai" ci mung: ai: mang: mae" phao: thug' ca" nae". Khoru: ga" re , nao khug ngha: na: ra" mo, re Mo"so sham" khyo" pye' va" mathao nao khug ngha mung: pe" so' ha" nae".