1 Mo"so ceru: ga: mho: ra". Babilon: vogaung: we' Ngo re tau: lhain: myid bo: ra" mo, re se' jheim" pye' nae" tau:2 la re nhao: ke' nae". – Bo" lang" yang ba: pyao" ra" mo, re Babilon: khyo Ngo nhao: ke' yang: yao: bam wa damang: geim" re pyao" shaung: khyo" pye' genae". Ai re" ru: boe" ra" ayo, akhin: mae yao: bam wa vo yae lhang" mae yao: re lham: khaid' li"3 genae". – La: ci: ra" yaug jo, to' bau: ve; ra" mo, re la: thaung mung: bag ge, . Vo khug: zolau: jham re o: mado lo: vobyu na mae" na re shao" pyaid' sho' phyo' qheim"4 sin" pye' ge, . – Ai re" ru: sulhe: jham wa Khalade" mang: hau" mo" khyo dang mae thaung" lhang" ru phau: genae".5 Israel amyu" we' Yuda amyu" zo: qe jo, qo mang: wa Israel amyu" shao gyang" Mo"so: re shaid' nghung" ru byang" yang: re: yao: bam: AsAng gug: mang: din" gam ug Mo"so wa yao: bam re shepye' nae"6 mangaid: . – Babilon: vo mae" phao: thug' ge, . Dayaug we' dayaug yao: yao" kao khyi ge, . Vobyu jham: qobo mae dabo: nab ge, . Ce: ayo, akhin: wa Mo"so dae co' phaug' nae" ayo, ngaid: ra". Yao: wa ai: vogaung:7 re dae co' phaug' nae" ngaid: . – Babilon: vogaung: wa Mo"so: lo, khug ngaid mung: mug: myid gye, geim" re yid: vhang: nhao: ra" hhang keim thaung: ngaid: ra". Ai: keim mae bo: ra" sabyi' qang: re byu amyu" myu" jham wa shaug' mung: ago8 boe" veko". – Babilon: vomo" wa ana" jao" yao: byo; qeim va". Yao" tau: kaug' ngug ge, . Yao" no phyo: gai: re gai: lo veshao: .9 Balam: gae agyid: re yu: lo ge, . – Ngon- haung" wa Babilon: vo no phyo: gai: lo nae" kaid' qere: magai: lo ngaid: ra". Yao: re to" to: co' mung: yaug khao: ngo" ngon- haung" na qao: mang: khyo lo" gelang: . Yao: phau" ra" qobo wa mug: gaung joe" mung: jham thaui: mae myhi sho' ngaid:10 ra". – Mo"so wa ngonhaung" dang main" ra" akhyo qhu" byid: va". Li" geri: . Ngon- haung" AsAng Mo"so: mau" re Ziun: vo mae ta" hau" kyo: gelang: .11 Myo: khe' jham re jhao" ge, . Go re ci ge, . Mo"so wa Medi jhaung zug: jham re nhug' to" ke' ava". Babilon: vo re phyo' pye' nae" tau" da: jo; ra". Khoru: ga" re Mo"so dae co' phaug' ru pa" jhaung: yham phyo' ra" qobo dae byid' ru ngaid: ra". –12 Babilon: vo yae mae khyi taui: to' ge, . Lhaug' zaung" mo, myo: sho' to: mung: lhaug' zaung" ge, . Gyab lao: dau" lhang" ge, . Mo"so Babilon: vobyu qe re tau" qang: to" ru we' dakhyo: zaui" pin" ava". –13 Qid gyaung: myo: sho' anhae mae na: na mung: jo, nho" dai kham dao mae zaung: na: ra" yaug we" ni" ayo, gain: ru we' ni" myo, no, so' kho' ru byo; qeim nae" ayo,14 joe" va". – Gug: mang: din" gam ug Mo"so wa yao" mang khyao: lao: mung: nhang: kheim: ke' ru wa- nao re khyag' phaung" jham we' byang" sheim nhao: re" ru: byu myo: sho' we' byang" lo nhao nae". Yao: bam ni" akhyo re hug' yhai: li" genae".15 Yao: wa yao" kheim: so' qam: o" yang mug: gaung myid gaung re phain: to: va". Yao" juyi laba lajhao: yang myid kin re zhaug' tang: to" ava". Yao" juyi anyain: nhag' myid: yang mug: gaung re lao"16 lhung" to: va". – Yao: thoe mo" mung: ke' ra" au: mug: qu: thoe boe" ra". Mug: myid athao" mae" jham thaui: re to" lo nhao: ra". Mug: qu: lo: ru we' lhe' caid' caid' lo: ra". La re re: dai kham bain" mae"17 phoe' thug' ke' ra". – Byu ga: ru wa yao: yao" au: naug' yang gug' nyhug' re" ru: boe" ra". Alho sheim: mo, wa yao: yao: kaid' ra" alho: yang shaid' nghung" na va". Khoru: ga" re co' kyaung" lhang" yu: ra" alho akeim aseim ngaid: ra". Yao: mae re:18 so' mabo ngaid: ra". – Ai ru" ra" jham wa akeim aseim shao shao ngaid: ra". Mho" pyag' ra" ja: re: ngaid: ra". Ca: pyam" ru re qhug' phau: nae" ayo, wa baui" lo" li"19 nae". – Yaku' amyu" tau: ngaid: ra" Mo"so wa ai jham we' dau: ru mangaid: . Jo, mae" jo, na mae" na re phain: to" ra". Israel wa yao" dai kham Ma ngaid: ra". Mang khyao: wa gug: mang: din" gam ug yaug AsAng Mo"so ngaid: ra".20 Jo, to' dau we" nao wa Nga" mang: zin: sin: ngaid: ra". Nao re Ngo ci mung: amang: mang: adin" din" re be; khyug'21 mhain" pye' va". – Nao re ci yang: myao: we' myao: jui: sulhe: jham re re: lhin" we' lhin" jui: sulhe: jham re re: Ngo be; khyoe'22 pye' va". – Nao re ci yang: yaug gai we' myiqe: jham re re: zolau: zomyi: jham re23 re: Ngo be; se' pye' va". – Nao re ci mung: yao zam: we' yao zhain jham re re: , yo phaug' yaug we' nung: jaung re re: , zug: qe we' sin: thu jham re re: Ngo be; khyug'24 pye' va". – Ngaid qere: Babilon: vobyu Khalade" mang: byu alhab' wa Ziun: vogaung: mae kaid' ko" ra" zai" shaid' qobo bo ko" ru we' dakhyo: Ngo yao: bam re naonhaung" myo, qhao: tae mae Ngo yao: bam re dae co' phaug' nae" ga: Mo"so mho: ra".25 Mo"so mho: ru wa phyo' qheim" myid bo mung: mug: myid dagye, geim" re phyo' qheim" ra" bam mo" we" Ngo nao re lham: khyug' nae". Nga" lo, qang: ke' mung: laung: mo" baui dao mae" nao re deim" phyid' khyo" ke' mung: myi: nga" ra" bam26 boe" nhao nae". – Yao: bam wa ajheim we' qao: tae mae" laug baui dabaui re: nao jhao" mae" phoe' qo" yu genae" mangaid: . Malam: lai: byo; qeim: jo; li" nae" ga: Mo"so mho: ra".27 Ai: mang: mae khyi tau: to' ge, . Mang: khao: mang: ngo" mae labo" maid mung: byu amyu" myu" jham gye khaid' nae" seim" jin" ge, . Ararad' mang: , Mini mang: , Ashkered' mang: jham qham phaung ge, . Sin: thu mo" re nhao mung: sho: mug' kyaung: ra" khyag' phaung" re" ru: myao: jui: sulhe: jham re gye to" nhao ge, . –28 Byumyu" myo: sho' we' daga" Medi jhaung zug: mae" ru sin: thu jham zug: ade, jham Medi mang: byu jham alhab' gye khaid'29 nae" seim" jin" ge, . – Babilon: mang: wa laui" nain" mung: dang" lham" lo" nae". Ai: mang: wa byu mana , sham" qab: shao: pye' nae" tau: Mo"so tau" yaung: to" ra"30 tau" da byang" loe" li" nae". – Babilon: gye sulhe: jham wa gye makhaid' lo: zho: cang yham mae na genae". Qam: shain mung: myiqe: jham re" ru: boe" ko" ra". Vobyu na jao: re myi: ngha" mung: kham: kyao" jham31 re be; khyug' pye' veko". – Gyevo jham wa vomo" shaid' khao: shaid' ngo" khyo" vao veko" ra" ein: re: khyo kao: re jhid' kyo" to: mung: qid lao: nhae mae" yham re myi: ngha" pye' mung: gye sulhe: jham gyaug:32 nin" yang: na bam veko" ein: re: – Babilon: jhaung zug: re qo" ye: ta" kyo: sho' tao: qao: ra" mo, dayaug we' dayaug tao" ye: mung: dayaug: thao dayaug tha" lo tha" vao ko" ra".33 Israel amyu" Mo"so gug: mang: din" gam ug yaug Mo"so ceru: ga: mho: ra". Babilon: zomyi: zo: wa gaug nao: jao: re" ru: boe" va". Gaug yaid yo, jhao" li" va". –34 Babilon: jhaung zug: Nebukhaneza: wa ngonhaung" re bin" caid' zo: mung: yhin" pyam" va". Ngonhaung" re pe" mabo: ra" ug' akeim boe" nhao venhaung . Mao jaung: myug: re" ru: ngonhaung" re myug mung: ngonhaung" min nyho' ra" ja" yang yao" vae: dug: byang" nhao venhaung . Yao: ngonhaung" re khe' thug' ke'35 venhaung . – Nga" gaung we' nga" gaung sho: mae qhug' ra" qug: khai: wa Babi- lon: vogaung" adao mae joe" veshao: ga: Ziun: zomyi: zo: ta" li" nae". Yerusalem: re: nga" sa: wa Khalade" mang" dao mae36 joe" veshao: ga: ta" nae". – Amung: Mo"so mho: ru wa ni" mau" zo" re Ngo qu" gam nae". Nao qhug' lo: ra" qobo re dam: byid: nae". Yao" bang: lae re re: , yao" qid thug' re re: Ngo kin" kyaug' ho: lo" nhao nae". –37 Babilon: vogaung: wa boe, said bam , zag ne jham na: ra" jao: , mug' pho: jung" khyoe' gaui mho jao: , byu sheim manae38 cae: jhug tag boe" nae". – Mo"so ceru: ga: mho: ra". Vobyu qe wa lo:tin: kyid' ra" thoe , lo:tin: nau" myang thoe re dalhang:39 dae myang genae". – Yao: bam ngaui pyo: nhag' dag genae" tau: Ngo yao: bam re poe kaid' byid: yang: yao: bam bau: gengaid qere: apyaid ato yab pyo: genae" tau: mae yao: bam re shaug' pho: byid: jhaug' yhid'40 nae". – Ngo wa yao: bam re se' nae" tau: yao nau" , yao lo: , caid' be, lo: re" ru: she: yu nae" ga: Mo"so mho: ra".41 Sheshag' vo re khaid' lhaid' venhaung i"? Mug: myid mae mang qi" vo re lhaid' yu venhaung i"? Babilon: vogaung: wa amang: mang: jham mae mug' pho: boe" byaug42 venhaung i"? – Qid dae mo" wa Babilon: khyo joe" do, lo mung: bang: lhung" jham:43 yang nhai" pye' va". – Vogaung: jham wa sham" pyaid' pye' ra" jao: kyaug' ho: ra" gaoso yo boe" va". Khag' re: magai: na , sosu byu dayaug daqo: re: ai: khyo dang44 re masu: malai genae". – Babilon: vo mae" Bela' mo"so re re: Ngo dae te' nae". Yao: myug: pye' ja: re dam: phoe" thug' nhao nae". Byu amyu" myu" wa thao dalhang yao: mae magai: lam nae". Vokham" re: gyang: gyoe; gyo" jo; li" nae".45 Nga" byu jham we" Babilon: vo khug mae" phao: thug' ge, . Mo"so: nhag' gyid'46 ru mae" yao: yao" kao khyi ge, wo". – Ai: mang: din" mae the' gyo" ra" lau dao" mathao nhag' lam: dabyo, ge, . Dagyaug ge, . Dazin: tho' dazin lau dao: thug' nae". Mang: din" khug mae lhaid' zo: lhaid' shaug' ru boe" na mung: zug: dayaug we' dayaug jho" pyam" jho" yhin" li" genae". –47 Ai: thao mae Babilon: vo mae kaid' ra" alho jham re Ngo dae te' mung: damang: geim" myid myo: myid laug mug' byaug ko" mung: sulhe: alhab' geim" wa vo khug mae lang" be; shid nae" ayo, joe" lo: li" nae". –48 Ai: ayo, mae mug: gaung myid gaung mae na mae" na alhab' wa Babilon" akhyo mae ngaui bau: zhao: yao thoe mung genae". Khoru: ga" re yao: re phyo' nae" mo, wa mug: am: shaid' khyo" joe" li" genae" ga:49 Mo"so mho: ra". – Babilon: vo: mathao mae Israel amyu" sulhe: jham lang" shid: ru we' dakhyo: Babilon: vo khug mae" mang: byu sulhe: alhab' geim" lang" shid: li" genae".50 Shae lhae gye mae" loe; ra" mo, we" lo ge, . Daye; na: jo, ge, . Va" ra" jao: mae" Mo"so re beim: so: mung: Yerusalem: vo re51 re: nhag' taui" na ge, . – Ngonhaung" wa jung" khyoe' dao: re the' gyo" ra" mathao qho' ru , myo, nho nga: ngai: ru na: bam va". Labug: amyu" jham wa pa" jhaung: yham mae shao gyang" ra" qe, khug khyo52 vao ye: veko" ra . – Ai mung: Mo"so ceru: ga: mho: ra". Babilon: mang: lam khug goe; pa" ra" sulho , alho jham re Ngo dae te' mung: damang" geim" mae dae te' ru bo: zao" ra" mo, no kyang: kyang" ra" ayo,53 joe" lo: li" nae". – Babilon: vo wa mug: gaung khyo do, mung: vokham" amyhao re gang: tang sho' kaid' to: qe re: Ngo nhao: ke' mung: phyo' qheim" nae" mo, yao: bam: na jao: khyo joe" li" genae" ga:54 Mo"so mho: ra". – Babilon: vogaung: mae kaug' ngug thoe re re: Khalade" mang: mae myo: sho' byo, qeim: lo" va" ga" thoe55 re re: the' gyo" ra". – Khoru: ga" re Mo"so wa Babilon: re phyo' pye' mung: yao" thoe mo" re thang nhao va". Yao" bang: lhung" jham wa qam: qi: mung: qid bang: lhung" re" ru Vung Vung ga: myang: ru: yang qi"56 ra" thoe mo" re ke' ba: ako". – Babilon: re phyo' nae" yaug joe" li" lao" vobyu sulhe: jham wa gyevo: lo, khug vao lo" genae". Yao: bam ci: ra" la: jham re nag: khyug' pye' genae". Mo"so wa dae co' phaug' ba: ra" Mo"so ngaid mung: yao: wa dang dang57 dae co' phaug' li" nae". – Babilon: jhaung zug: nau" , juyi byid: khaung: mhao: , sin: thu , mang: gyi , sulhe: we' qam: bo: ra" mo, re Ngo shaug' yid nhao yang: yao: bam wa mabeim: maso: lo: apyaid ato yab pyo" lo" li" genae" ga: gug: mang: din" gam ug ga: mang khyao: qo" ra" jhaung58 zug: mho: ra". – Gug: mang: din" gam ug yaug Mo"so ceru: ga: mho: ra". Gyai thau: ra" Babilon" vokham" re gain sho' phyo' sin" khyo" pye' mung: myhao: ra" kham: jham re re: myi: ngha" pye' li" genae". Byu amyu" myu" jham wa aje amyid zaui: so: mung: myi: mae myaung: qhaid' ru qhug' genae".59 Masea yao: myid: Neria yao: zo: Seraia wa Yuda jhaung zug: Zedekia tao" zaung byid zin ein: zin mae jhaung zug: we' daga" Babilon: khyo do, lo" ko" ra" au: lapa Yeremia yao: re pin: ke' ra" dao:60 ceru: ngaid: ra". – Yeremia wa Babilon: re qang yang: ai: vo: adao mae joe" nae" ra" qug: khai: kyi" khyag' re tung" dang: mae61 tung" to: mung: – Seraia re nao Babilon: joe" lao" ce: dao: kheim: alhab' re gelho:62 za: qu" mung: phaid' kyo: ca" nae". – Ai: au: nao wa Mo"so we" AsAng wa ce: jo, qo mae byu mana , gug' nyhug' mana , apyaid ato cae: jhug tag: jo, qo boe" nhao mung: phyo' sin: sham" shao: khyo" nae" ga: mho: to: gau ngaid: ra" ein: ta" ca" nae". –63 Ce: tung" dang: re bin: nghe' phaid' lao" tung" dang: re laug baui taui" te' mung: Uphared' qid gyaung: agaung: mae khyo"64 nhab' pye' yang: – Babilon: vogaung: wa ce re" ru: nab nae". Ngo khyo" byid' ra" qug: khai: mae" magai: qo" to" ye; lo: nae". Vobyu jham qam: gain yang: na: li" genae" ein: ta" kyo: ca" nae" akhyo re Yeremia pin: ke' ra". Ce gu: wa lapa Yeremia dao: kheim: jham ngaid: ra".