1 Mo"so ceru: ga: mho: ra". Ai: ayo, mae Yuda jhaung zug: jham: shoqug: shoqae , khaung: mhao: jham: shoqug: , khin jaung jham: shoqug: , lapa qe: shoqug: , Yeru- salem: vobyu qe: shoqug: jham re lab2 mae" pug: yu mung: – yao: o ngaui: ra" , caung da" ra" , cao" qho: cao" ra" ba , lho" we' mug: gaung: dao mae" ajham ataung: qhid' kheim: mae she: khao" to" li" genae". Ai: shoqug: jham re sham" zhang: genae" mangaid: . Gaug: nyhab' ru majo, nae". Myid kin: dao mae poe' ru" ru boe"3 genae". – Ngo khe' thug' nha: to" ra" jo, qo mae dang: na shi" ra" ce: makhyang: mashab: ra" amyu" jham wa kao daui: na nae" tho' mae shid no re khyin: yu: li" genae" ga: gug: mang: din" gam ug: Mo"so mho: ra".4 Nao wa yao: bam re Mo"so ceru: ga: mho: ra" ein: ta" shid' kyo: nae" ru wa- lang: yaug wa madam: to" zai i"? Khyo nghung: nghung: yaug wa madam: gai: lhang" tug'5 lo lo: zai i"? – Ai ru: ngaid: re ce: amyu" ga" ra" Yerusalem: vobyu qe wa pe" mung: apyaid ato phaug' lhain" lo" ko" laug i"? Yao: bam wa mhug' pyag' vhain" ru mae au: am" lo" byaug ko" mung: ngonhaung" wa madam: tug' lo lo: ga: au: qao dao: ta"6 ko" ra". – Ngo gelho: za: tae" gyo" qu" au: yao: bam din" ra" khyo" majhau mata". Ngo pe" nam zai" shaid' va" laug i" ? ga: myid: mung: khag' re: naung myid maqo" ko". Mang: khe' ra" myao: re" ru: yao: yaug yao"7 gau: khyo tao" phao: lo" ba: ako". – Mug: le; phyo: mae dao" lhang" qin" ra" voqu re: ayo, akhin: re ba: ako". Ngho' khyag' ngho' fai: we' ngho' jhid' ngho' zo: jham re: yao: dam: phao dam: lo yo, re ba: ako". Nga" amyu" qe kam" wa Mo"so: cao" khyao jin kham jham re maba: gyo: ko".8 Ngonhaung" wa juyi bo mo, ngaid: . Mo"so: tarha" wa ngonhaung" mae jo; ga: yao: bam khoru: gai: ta" genae" i"? Gai gai: yao: tung" su qe: mhaug' thaung: mhug'9 ru za: azai" thug' ko" ra". – Juyi ba mo, wa qho' phau: veko". Gyaug: din mung: lha" mae myi" veko". Mo"so: mung dao: tarha" re lhaui" pye' veko". Yao: bam mae10 juyi khonho" bo ko" i"? – Ai: mathao mae yao: bam: yham sang myhi" jham re byu bang" qe: lo, mae Ngo qhaug' pye' nae". Yao: bam: yothaung: yo gug jham re su re sang nhao: pye' nae". Ngai: thao" yaug mae" qi" thao" yaug joe" sho' alhab' geim" wa so' kho' myid bo ko" ra". Lapa qe mae" da du khin jaung jham alhab' wa mhug'11 pyag' vhain" ko" ra". – Yaug yo ngaui pyo" ru majo, ngaid qere: yaug yo ngaui pyo" ga: ta" mung: Nga" amyu" zomyi: zo" no phyo: re dajhid' dathao za: pho: mhug' ko" ra". –12 Yao: bam wa anyain: avho: kaid' mung: ba: qho' ko" ra" i"? Maba: qho' ko" ngaid: ra". Myo, nho re: masham ko". Ai ru: mung: dayaug: thao dayaug tha" lang: genae". Ngo li" ca: qu" au: nyham: khyo" pye' ru qhug' genae" ga: Mo"so mho: ra".13 Ngo yao: bam re shao" sho' phyo' qheim" pye' nae". Sabyi' naui mae sabyi' shi: zaui: nae" mangaid: . Pho' ham" gae pho' ham" shi: re: mazaui: nae". Avho' re: jhoe' byaug: li" nae". Yao: bam re nghoe' gam nae" yaug re Ngo nhao: ke' nae" ga:14 Mo"so mho: ra". – Ngonhaung" pe" mung: zaung: nai" na: bam: yha"? Ham phaung gelang: , vokham" gang" ra" vo khug khyo vao mung: yaug yo cae: tae: za: na gelang: . Ngonhaung" Mo"so re shaid' nghung" ra" mathao mae ngonhaung" re Mo"so wa ngonhaung" re khin cid' we' phaung: ra"15 qid re jhaug' va". – Nyhao: nhaung" yaug yo nae" ru re myid: nghae: ngaid qere: gai: ra" ru mathe' myao . Na gai nae" ru re myid: nghae: ngaid qere: qug: khai: kyi"16 khyag' ru za: qhug' phau" ra". – Yao" myao: myang thoe re Dain: mang: mae" the' gyo". Yao" gye khe' myao: kyid' thoe re the' gyo: mung: damang: geim" lhaui" nin" ko" ra". Yao: bam joe" li" mung: mang: din" we' mang: din" mae" na mae" na jo, mae" jo, jham re re: , vo tham: we' vobyu jham re17 re: zo" pye' li" genae". – Qu" ge, . Kheim: ke' yang: maqo" aung: ra" lhao maui , daug thin: ra" maui bab: re naonhaung" na: khyo nhao: vhao" ke' yang: naonhaung" re thoe: genae" ga: Mo"so mho: ra".18 Ngo nhag' kaug' ru baui: sho' khoru: kaid' zai i"? Ngo myid myo: myid laug:19 na: . – Nga" amyu" zomyi: zag: yao thoe re mug: va" mang: mae" the' gyo" ra". Mo"so wa Ziun: vo mae mana i"? Jhaung zug: wa vo khug mae mana i"? Gemang: gedin" we' tin" ra" ja: we' alho jham khyo" yang yao: bam wa Ngo re pe" mung: nhag' gyid' nhao20 ko" i"? – Xaung: gaung qhovo: jham: yo, lai va". Zin vao kheim: re: lai va". Ngon- haung" wa khyaid' yu: ru maqhug' lo: . –21 Nga" amyu" zomyi: dae no: ra" mathao Ngo re: dae no: ra". Ngo nhag' kaug' na: ru we' nhag' caid' no: yaug: ru phau" na: . –22 Giled' mang: mae agyid: yug: ra" mocid' gae , naui jham majo, i"? Ai: mang: mae mocid' ba: pho mo, mana i"? Jo; ngaid: re Nga" amyu" zomyi: wa pe" mung: no: na: ru mae" maqo" to" i"?