Yeremia Pa Dao:-1

(SHAO GYANG" JHAM: PAUG' )

切换到福音影视网-新版圣经

  • 1 Yuda jhaung zug: Amon" yao: zo: Yoshia' tao" zaung daxe: sam zin: gu: mae
  • 2 re: , – Yuda jhaung zug: Yoshia' yao: zo: Yehoiakim: ta mae re: , Yuda jhaung zug: Yoshia' yao: zo: Zedekia tao" zaung daxe: dazin byang" mung: lho" ngo" khye' mae –
  • 3 Yerusalem: vobyu qe re sham" pyaung" tai: lo" ra" ayo, joe" sho' mae Benyamin: mang: Anatug' vo mae na: ra" khin jaung qe mae" Hilakia' yao: zo: Yeremia mung dao: wa ceru: ngaid: ra".
  • 4 Mo"so: mung dao: ngo jhao" joe"
  • 5 mung: mho: ru wa – nao re ni" myhi" aung mae malaui shi: mae" nao re Ngo ba va". Makhau shi: mae" nao re shao kyang" mung: byumyu" qe: lapa boe" nae" tau: Ngo nao re aya: dang" to: va" ga: mho:
  • 6 ra". – Alao" ngo re: Mo"so we" ngo wa pe" maba: ta" shi" zoshao angaid: ga: tau"
  • 7 ra". – Mo"so wa ngo zoshao ngaid shi" ein: data" , khoyaug jhao" Ngo nao re nhao: re , ai: yaug na: ra" khyo nao ye: ca" nae". Ngo nao re mho: to" gu: re ta" kyo: ca" nae". –
  • 8 Yao: bam re dagyaug nao re khyi: khyaid' yu nae" tau: nao we' daga" Ngo na nae" ga:
  • 9 mho: ra". – Ai: thao yao" lo, yheim" qang: li" mung: nga" nhaid' mae li" the' tin: byid' ra". Qu" wa, ni" nhaid' mae Nga" mung
  • 10 dao: ke' to: byid: va" ga: mho: ra". – Qu" wa, nao wa naid: lhaui" pye' yang: phyo' tau: lhang: nae" re: , zhaug' tang mung: qho" ke' nae" re: , byumyu" aja: ja" mang: din" jham: adao mae Ngo ana" ba nao re khyin: to: va" ga: mho: ra".
  • 11 Dam: dalhang Mo"so: mung dao: ngo jhao" li" mung: Yeremia we" nao pe" nam re the' myao: i"? ga: myid: lao" ngo wa Badain: lashe' akaung re myao: ein: tau:
  • 12 lao" – Mo"so wa nao myao: ru dang main: taung" ba: myao va" ra". Khoru: ga" re Nga" mung dao: byang" loe" lo nae" tau: Ngo lao" na nae" ga: mho: ra".
  • 13 Mo"so: mung dao: shid' lhang ein: lhang ngo jhao" dam: joe" li" mung: nao pe" nam re the' myao: i"? myid' re ngo wa zhau: ma: na: ra" ug' re the' myao: , mug: am: khyo myo, nho qang: ra" ein:
  • 14 mho lao", – Alao" Mo"so wa mug: am: shaid' mae" qug: khai: wa ce: mang: din"
  • 15 adao khyo joe" thug' li" nae". – Khoru: ein: re mug: am: mang: byu aja: ja: alhab' re Ngo khai: yu mung: yao: bam yain" li" mung: Yerusalem: kham: dung: jham mae re: , vokham" lhang" gam: mae re: , Yuda mang: vo khao: ngo" mae re: , yao: bam: la
  • 16 kin tao" re li" to" to: genae". – Mang: din" byu qe wa Ngo re nhaung thao" phaug' ko" qobo , getau: mo"so jham re nae ham" ja: hab' ngaui" ko" qobo , lo; yang kaid' yu: ra" ja: re goe; pa" ko" qobo alhab' geim" mathao mae yao: bam re ca: qu" mung: yao: bam we' main: qi" ra" qobo dae Ngo
  • 17 byid: nae". – Ai ru: mung: nao wa phyid' cui: tang tang cui" ci mung: to" wa, Ngo pin: ke' ra" gu: alhab' re yao: bam re ta" kyo: wa, yao: bam: qhid' kheim: mae qho' maphau: nae" tau: yao: bam re dagyaug . –
  • 18 Qu" ke' qu" wa, Yuda jhaung zug: , jhaung zug: nau" , khin jaung qe mang: din" byu aga" gu" qhid' kheim: mae nao re ana" ba jao" yao: vokham" kyae" ra" vogaung: jo, to' zang we' gyid: bo" khinqae: atha" boe"
  • 19 nhao nae". – Yao: bam wa nao re lham: khaid' ko" ngaid yang: re: , aung doe, genae" mangaid: . Nao re khyi: lhoe' yu nae" tau: nao we' daga" Ngo na nae" ga: Mo"so mho: ra".
回到本卷目录 回到本版本目录 回到首页