1 Yeremia jhao" joe" li" ra" Mo"so: mung2 dao: wa – ce: dao: thang" kheim: re tae" gyo: ge, . Yuda mang: byu , Yerusalem: vobyu qe re Israel amyu" qe: Mo"so: mung3 dao: ye: ta" kyo: nae" ru wa – ana" ba: na ngaid: ru we' dakhyo: nung: nug' we' byo: yhid yug: ra" mug: myid re Ngo byid: nae" ein: naonhaung" phug' pho" qe re dao: so:4 to" to" ru gang: tang: na nae" tau: – Naon- haung" wa Nga" byu jham boe" mung: Ngo wa naonhaung" Mo"so boe" na nae" khyo: Nga" dao: re tae" gyo: mung: Ngo5 pin: to" jham re cao" pyang" na ge, . – Jo, to' myi: khyeim" ga" ra" Egutu mang: mae" jhui" thug' yu: ra" au: yao: bam mae Ngo to: byid' ra" dao: thang" tarha" re matae" gyo" cao" ra" yaug wa nhang: kheim: phau: veshao: ga: ta" re ngo wa Mo"so we" um wo" (Amen) ein: yhin" yu va".6 Mo"so ngo re dam: mho: ru wa- ce: mung dao: re Yuda vogaung: jham we' Yerusalem: hau" mo" jham mae ye: ta" hau" kyo: nae" ru wa naonhaung" wa ce: dao: thang" kheim: re tae" gyo: mung: cao"7 pyang" ge, . – Khoru: ga" re Nga" dao: kheim: re tae" gyo: ge, ein: naonhaung" phug' pho" qe re Egutu mang: mae" jhui" thug' lo: ra" ba mae" ru ana" ba joe" sho' Ngo no' no' to" mung: paug' lo geyhag'8 mho" shid' ngaid qere: – yao: bam wa matae" gyo: , magyo" yu lo: za: yaug nge, wa yao: yao" nhag' myid qao: ru mae cao" lo" ko" ra" mathao mae Ngo yao: bam re khang" ngaid qere: yao: bam macao" ko". Ce: dao: thang" dao: kheim: alhab' re Ngo yao: bam: dao mae khyo" ke' naeva" ga: mho: ra".9 Mo"so ngo re dam: mho: ru wa Yuda mang: byu qe , Yerusalem: vobyu qe wa10 aphaug' alhain: kaid' na veko" ra". – Nga" dao: ngag: ha ko" ra" phug' pho" jham: ave, cao" nae" lhang: phaug' lo" veko". Getau: mo"so re goe; pa" nae" tau: cao" lo" veko". Yao: bam: phug' pho" qe we' agyo: mae Ngo to" to" ra" dao: thang" re Israel amyu" we' Yuda amyu" jham phyo' pye' veko" ra". –11 Aru: mung: Mo"so mho: ru wa yao: maqo" loe, nae" qug: khai: re yao: bam: adao mae Ngo khyo" ke' nae". Yao: bam zag: yao ko" ngaid yang: re: Ngo matae" gyo: lo: na12 nae". – Ai: ayo, akhin: mae Yuda vobyu qe we' Yerusalem: byu qe wa yao: bam sheim nae nam hab' ngaui" ko" ra" mo"so jham jhao" ye: mung: ye: zag: yao gengaid yang: re: qug: khai: qhug' ra" ayo, mae ai: mo"so jham wa pe" yaug yo: ru maqo" byid: lo: na:13 li" genae". – Yuda mang: we" ni" vogaung: jham myo" laug: ra" nho" mo"so re: myo" laug: ra". Yerusalem: vogaung" khyo dang myo" laug: ra" nho" naonhaung" qho' caid' gyaug caid' ga" ra" Bala' re sheim nae ham" ra" ja: ngha" ngaui" nae" phain jham re kaid' qaung" to: veko" ra".14 Ai ru: mung: nao re: ce: byumyu" tau: pe" dakaid' , zag: yao yang: jhaung: re: damho' , qug: khai: kyi" khyag' qhug' ra" ayo, akhin: yao: bam: zag: yao thoe re15 Ngo matae" gyo: nae". – Ngo jhid' de; ra" zo qae: myhi" wa byu myo: sho' we' zam" ra" mathao Nga" yham dang: we' khoru: gai: tin: nae" i"? Nao byid' ra" shao lho" ra" nung: sho: pe" so' ha" nae". Magai: ra" mau" kaid' na: au: lao" re: ngaui bau" na16 nhaung i"? – Nyug lao qam" mung: gai lho" ra" ashi: zaui" ra" Zhainlun: gae ga: Mo"so nao re mang byid to: qe re: thoe mo" ke' mung: ai: agae re myi: ngha" yang: akaung17 aboe: jham nga" gyoe; gyo" veko". – Israel amyu" we' Yuda amyu" jham wa Bala' mo"so: qhid' kheim: mae sheim nae pyo" ra" ja: re ngha" hab' ngaui" mung: Ngo re nhag' gyid' nhao nae" ga: yao: bam: magai: mau" re kaid' ko" mathao nao mae qho" yhaug' yaug gug: mang: din gam ug Mo"so wa nao re tau" phyid' nae" ga: mho: ra".18 Mo"so ngo re qhu" myhao" byid: mung: ngo ba va". Yao: bam kaid' ra" mau" zo" re19 AsAng qhu" myhao" byid: va". – Se' nae" tau: she: ye" lo" ra" yao nau" re" ru: ngo boe" va". Yao: bam wa yao" mang khyao: byaug: baui" lo" nae" tau: ashi: we' agae daga" za: myid kin: dao mae" phyaug' pye' gelang: ga: nga" akhyo re yao: bam myid:20 to: ko" ru re ngo maba byid: . – Aung khug: nhag' myid re myao: kyao" mung: dang main" ra" khyo: dao: phyid' ra" gug: mang: din" gam ug Mo"so wa yao: bam re qobo dae byid' ga" ru re ngo myao: ba nug: ra". Nga" akhyo Mo"so re ta" sho' kyo:21 va". – Ai mung: Mo"so mho: ru wa Anatug' vobyu qe khyo" nao ngonhaung" lo, mae mashid nae" khyo: Mo"so: mang khyao: khyo" yang lapa dapa ga: mho mung: ni"22 kao re se' seim" seim" ko" mathao – Ngo wa yao: bam re pyam" mung: zoqae jham wa shae lhae mae shid genae". Zomyi: zo: we' zoshao qe wa vae: moe; qid shab' mung: shid genae". Dayaug re: madang23 genae". – Ai re" ru: pyam" yhin" ra" ayo, akhin: ga" ra" qug: khai: qam" re Anatug' vobyu qe: adao mae Ngo khyo" ke' nae" ga: gug: mang: din" gam ug Mo"so mho: ra".