1 Mo"so mae" mung: Yeremia jhao" mae2 Mo"so: mung dao: joe" li" ru wa – Pa" caung: yham kham: dung: mae ye; jo, mung: ta" nae" mung dao: wa- Mo"so re goe; pa" nae" ga: ce: kham: dung: khug khyo vao li" ko" ra" Yuda amyu" zo: qe we" Mo"so: mung dao: re tae" gyo: ge, . –3 Israel amyu" Mo"so , gug: mang: din" gam ug: Mo"so ceru: ga: mho: ra". Naonhaung" cao" li we' ave, re tha" pye' ge, . Ai ru: kaid' gelao" naonhaung" re ce: jo, qo mae Ngo4 na nhao nae". – Ce jham wa Mo"so: pa" jhaung: yham , Mo"so: pa" jhaung: yham , Mo"so: pa" jhaung: yham ga: ta" mhug' na5 mo, mae dakhug ngha ge, . – Naonhaung" cao" li we' ave, re jab sho' tha" lhai" pye' ko" re , vobyu tham: byu we' yham kyo: cao: mau" zo" mae vin tang: za: tarha" vao:6 ra" khyo" dao: phyid' ko" ngaid: re – na: ye; lhang: qin" ra" byu bang" , cug' zo: cug' mo" re mayhin" pyam" , qobo mabo: ra" sa: re mazai" yhug' , yao: yao" so' ha" re phyo' qheim" mung: getau: mo"so qe: thao khyo7 macao" lo: na ko" ngaid: re – naonhaung" phug' pho" qe re apyaid ato byid' to" ra" ce: jo, qo mug: myid mae naonhaung" re Ngo na: na nhao nae".8 Qu" ge, naonhaung" wa so' ha" maqo" ra" mhug' vhain" dao: mae ngha: na ko"9 ra". – Naonhaung" wa su: zai khug' ko" ra". Byu se' ru , su: myi: shaid' , su: lao shaid' ko" ra". Madang mamain: jham tang: ko" ra". Bala' mo"so: qhid' kheim: mae nae ham: xeim: hab' ngaui" mung: yao: yao: maba: ra" mo"so: thao cao" mung: –10 Nga" mang khyao" yang mhang" to" ra" ce: yham Nga" qhid' kheim: mae ceru" maca' majhaid' mau" zo" re zaui: so: mung: ngon- haung" khyaid' yu: ru qhug' bam va" ein:11 gai: ta" nae" i"? – Nga" mang khyao" yang mhang" to" ra" ce: yham re naonhaung" wa cang tau: laug aug' jho ko" i"? Ce: mau" zo" jham re Ngo yao: the' myao va" ga: Mo"so mho: ra".12 Geco' ne, Nga" mang khyao: gang: tang: ra" Shilo" vo khyo ye: mung: Israel amyu" shaid' nghung" ra" mathao ai: Nga" jo, qo re Ngo khoru: kaid' pye' ru re ye:13 qu" qu" ge, . – Ana" Mo"so ceru: ga" ra". Naonhaung" wa ce: mau" alhab' geim" re kaid' ko" mung: Ngo no' no' to" mung: alhang lhang ta" ngaid yang: re: naon- haung" matae" gyo: ko". Ngo khai: yao14 qe re: macao" matau: ko" mung: – Shilo" vogaung: re kaid' pye' re" ru: Nga" mang khyao" yang mhang" to" ra" naonhaung" khug ngha: ra" ce: yham mo" naonhaung" phug' pho" jham re byid' to" ra" mug: myid15 jo, qo jham re Ngo kaid' pye' nae". – Naon- haung" mao: nhaung: Ephrim: amyu" na mae" na re khe' thug' ke' ru: naonhaung" re Ngo mae" mung: khe' thug' sin" pye' nae".16 Nao re: ce: byumyu" qe: tau: pe" dakaid' , yao: bam: tau: jhaung: damho' , Ngo re daju" phyo' , ni" dao: thoe re Ngo17 tae" gyo: byid: nae" mangaid: . – Yuda vogaung: jham we' Yerusalem: vogaung" khyo khain mae yao: bam pe" kaid' na18 ko" ru re nao mamyao i"? – Ngo re nhag' gyid' veshao: ga: yao: bam wa mug: gaung: jhaung zug: myhi" tau: cin main" yho' kaid' mung: getau: mo"so jham: qhid' kheim: mae vhe' sheim: caung da" nae" tau: zoshao jham thao: qho , pho" zang jham myi: maid , myhi" zang jham cin main" nai:19 lhag' ko" ra". – Ai re" ru: Ngo re kaung: kag' ke' ko" i"? Yao: yao" nga: gyoe, nae" khyo: yao: yao" gaung re yhin" ru maboe"20 ko" i"? ga: Mo"so mho: ra". – Ai mung: Mo"so mho: ru wa ce: mug: myid jo, qo mae na: ra" byu , gug' nyhug' gug' du: , sag' gae , qhovo: qhoshi: adao mae Ngo wa nhag' gyid' ra" myi: re vhe' sheim: gyain" ke' mung: ai: myi: wa mashid lo: nga" na: li" nae".21 Israel amyu" Mo"so , gug: mang: din" gam ug: Mo"so mho: ru wa- naonhaung" phaid' xeim: re getau: xeim: jham we' daga" to" to: mung: nung: sho: re zo: ge, . –22 Khoru: ga" re naonhaung" phug' pho" jham re Egutu mang: mae" Ngo jhui" pyaung" lo: ra" au: phaid' ngaui" xeim: ru" ra" akhyo23 re ta" kyo: pin: to" ru majo, . – Ngo yao: bam re pin: to" ra" ru wa Nga" dao: re tae" gyo: ge, . Ai ru: ngaid: re Ngo naonhaung" Mo"so boe" na nae". Naonhaung" re: Nga" amyu" boe" genae". Naonhaung" na gai gaug qo" sho' Ngo to" to" ra" cao" khyao jin kham jham re cao" pyang" ca" genae"24 ein: pin: to". – Ngaid qere: naonhaung" wa matae" gyo: , no: dao la lhaui: , nhag' lam: qao: ru we' dakhyo: kaid' mung: myo, nho malhang: lo , nhaung thao" phaug' yang:25 na ko" ra". – Naonhaung" phug' pho" qe Egutu mang: mae" thug' ra" ba mae" ru ana" ba joe" aung Ngo wa ne, khao: ngo" no' no' to" mung: Nga" daui mung mo, lapa jham26 re nhao: ke' ngaid qere:-– naonhaung" wa Nga" mho dao: matae" gyo: , makhae: yu lo: na mung: yao: yao" au: re qao nhao: ru: yang myhi" pho" qe tho' mae je: mashab27 makhyang: ko" ngaid: ra". – Nao wa ce: dao: kheim: jham re ta" kyo: ngaid qere: yao: bam matae" gyo: ko". Khai ngaid yang: re: matau: byid: ko".28 Ai ru: mung: nao we", ce: amyu" qe wa yao: yao" Mo"so: dao: thoe re matae" gyo: ko" ru we' mho" shid' ru re makhae: yu: ra" amyu" , vin tang" ru re phyo' ra" amyu" , dang main" ra" dao: maba: jhau , dao: so: mazaung: ra" amyu" ngaid ko" ra" ein: yao: bam re ta" kyo: wa, .29 Ni" dao: so: , xae re qaug: pye' wa, . Myhao: ra" bug mae kaug' myain" qhu: thoe mung: lhau wa, . Khoru: ein: re Mo"so wa yao" amyu"; nhag' yo: nhag' gyid' main: qi" ra" amyu" re shelhaui"30 pye' va" ra". – Mo"so ceru: ga: mho: ra". Yuda zo: myid: qe wa Nga" qhid' kheim: mae mashab makhyang" mau" kaid' veko". Nga" mang khyao" yang mhang" to" ra" yham mo" re anyain: avho: kaid' veko". Anyain: avho" ra" zai jham re ci: vhao"31 to: veko". – Yao: bam wa Hinom" myid: zo: jham lao: khaung: myhao: ra" Tophed' bug gaung mae zhaug' to: mung: yao: zo: myiqe: yaug gai jham re phaid' ngaui"32 veko". – Ai: mathao mae Mo"so ceru: ga: mho: ra". Ai: lao: khaung: re Tophed' ga: re: , Hinom: zo: qe: lao: khaung: ga: re: mho genae" mangaid: . Tophed' jo, qo mae gung" ru majo, lo: sho' mao nyhab' genae"33 ngaid: ra". – Ce: amyu" qe: su shid mao gaung jham re mug: le; phyo: mae" ngho' jham we' seyo: zoqhid jham: zo: pho: boe" genae". Ai: gug' nyhug' jham re khag' qo"34 khe' genae" mangaid: . – Ai: ayo, mae Yuda vogaung: jham , Yerusalem: vogaung" khyo dang jham mae ngaui bau: ngaui lho" thoe , qi sam: su: thoe , pho" sag' thoe , myhi" sag' thoe jham re Ngo tae" lo" nhao nae". Damang: din" geim" re: cae: jhug tag boe" byaug: li" nae" ga: mho: ra".