Yeremia Pa Dao:-52

(SHAO GYANG" JHAM: PAUG' )

切换到福音影视网-新版圣经

  • 1 Zedekia wa kao shid' xe: dazin mae la kin tao" zaung mung: Yerusalem: mae daxe: dazin ug: ra". Yao: ,myhi" wa Libana: vobyu Yeremia yao: zo: Hamutala' ngaid:
  • 2 ra". – Ai: jhaung zug: wa Yehoiakim: kaid' ru we' dakhyo: Mo"so: qhid' kheim: mae
  • 3 qobo re kaid' ra". – Mo"so wa Yuda mang: byu , Yerusalem: vobyu jham re yao: mae" makhe' thug' ke' shi" au: nhag' yo" gyid' mung: Zedekia wa Babilon: jhaung zug:
  • 4 re tau: lhain" ru kaid' ra". – Zedekia tao" zaung: ru gug zin lho" daxe khye' daxe ba mae Babilon: jhaung zug: Nebukhaneza: wa gye mo, thaui: mo" we' daga" Yeru- salem: khyo li" lo yang: vo lhang" gam: mae gyab lao: dung: khung: dau: yang: li"
  • 5 lhang" kham" na: bam ko" ra". – Zedekia tao" zaung: ru daxe: dazin joe" sho' vo
  • 6 re lhang" kham" ci ko" ra". – Ai: zin lho" byid khye' gug ba: ne, mae vo khug mae zo: nam majo, lo: yang: vobyu jham wa zo:
  • 7 nam majo, lo: ko" au: – Khalade" byu jham wa vokham" re kyaung" phung" mung: vo re lhang" kham" ci ko" ra" mathao vobyu sulhe: jham wa myi" gae gaung: mae vokham" shid' pyae: agyo: bin: khyae nhae mae" kham: dung: khyo" thug' mung: jao:
  • 8 dae khyo phao ko" ra". – Khalade" gyezo: jham wa jhaung zug: Zedekia re cao" khe' mung: Yerikho" jao: gyu" mae lo" khe' myhi mung: Zedekia sulhe: jham phao: sin" lo"
  • 9 ko" ra". – Gyevo jham wa jhaung zug: re myhag' taung: taui" yu mung: Babilon: jhaung zug: na: ra" Hamaid' mang: Ribala' vo khyo jhui" lo" ko" ra". Babilon: jhaung zug: wa Zedekia re ca: pyam" mung: –
  • 10 Zedekia yao: zo: jham re yao: pho" myo, qhao: tae mae se' ra". Ribala' vo mae Yuda agyi khaung: mhao: jham re re: se' pye'
  • 11 ra". – Zedekia re myo, jid' thug' phaug' pye' byid: mung: kyam: xao" mung: Babi- lon: khyo jhui" lo" ko" ra". Shid: ra" ba na joe" sho' kyam: mae lhaung" to: ko" ra".
  • 12 Babilon: jhaung zug: Nebukhaneza: tao" zaung: ru daxe: gug zin lho" ngo" khye' daxe ba mae lhaug' zaung" mo, re ug: ra" Nebudzaradain: wa Yerusalem: khyo dam:
  • 13 li" mung: – pa" jhaung: yham , jhaung zug' yham , zug: qe: yham we' myaung sho: mo; yham jo, mae" jo, re myi: ngha" pye'
  • 14 ra". – Lhaug' zaung" mo, re ug: ra" yaug mae bo: li" ko" ra" Khalade" gyezo: jham wa Yerusalem: vokham" re dau" phain" be;
  • 15 phyo' khyo" pye' ko" ra". – Alao" lhaug' zaung" mo, zug: Nebudzaradain: wa vo khug na: dang: ra" sho: jhin mo, Babilon: jhaung zug: jhao" phao: vao: na ko" ra" vobyu , dang shi" ra" gu: alhab' geim" re
  • 16 sham" jhui" tai: lo" ra". – Ngaid qere: sabyi' khyae jham re nyhang" qu" caung nae" myaung sho" ra" mo, daqhae: re tang" nha: to: co' ra".
  • 17 Pa" jhaung: yham mae gyid: bo" zang re re: , gyid: qid lao: re re: , gaung cid' thaung: lao: akhyid apain jham re re: Khalade" byu qe wa be; khyug' jab mung: gyid: bo" alhab' geim" re Babilon: khyo
  • 18 sham" tai: lo" ra". – Ug' the" , ce' bao" , nye, zai" , ug' khug', yaug gaung: mae" dadu gyid: bo" alhab' jham re re: yu: lo"
  • 19 ra". – Hhang zai yo , ngaui zai yo ga" ra" qid lao: , bo" lang" , ug' , ug' the" , myi: tao" , yaug gaung: , mhaid' , kang: , keim jham re hhang ngaid ngaid ngaui ngaid ngaid lhaug' zaung" ug zug: pho" wa yu:
  • 20 lo" ra". – Pa" jhaung: yham mae Sholo- mun: kaid' to" ra" khaung zang shid' zang , qid lao: dalam: , qid lao: zhaung: ra" zang qao: gyid: bo" nung: jaung daxe: shid' lam: mae bo: ra" gyid: bo" wa matho' nghe' lo:
  • 21 sho' myo" laug: ra". – Khaung zang myhao phyao: daxe: she' daung" zang lhang" gam: daxe: shid' daung" qhang: ra" taui: dayab gam: bo: ra". Ai wa akhaung: ngaid mung:
  • 22 thau phyao: lo, byid shi: bo: ra". – Zang nyaug myhao phyao: ngo" daung" bo mung: anyaug lhang" gam: gyid: bo" da bu yag: ru , gyid: bo" shi: sao: ce' amyho jham we' byang" ra". Getau: zang jham re: ai we' dakhyo: dau mung: shi: sao: ce' amyho jham we' kaid' pyang" to" ru ngaid: ra". –
  • 23 Zang damyo, mae shi: sao: shi: amyho gug xe: khyaug' ce' ce' de, mung: dabu dashaid' mae shi: sao: shi: amyho dayo ce' de; ra".
  • 24 Lhaug' zaung" mo; zug: Nebudzara- dain: wa khin jaung Saraia shid' lam" khin jaung Zephani" pa" jhaung: yham kham: zaung" mo, sam yaug re myag: taui" yu:
  • 25 ra". – Gye sulhe: qe re ug: ra" zug: dayaug , vo khug mae the' myao: ra" khaung: mhao: nhaid' yaug mang: byu jham nhug' peim" na: ra" tung" su dayaug , vo khug qhug' the' myao: ra" mang: byu khyaug' xe jham re vo khug mae" khai: jhui" lo" mung: –
  • 26 Babilon: jhaung zug: na: ra" Ribala' vo khyo
  • 27 jhui" pyaung" lo" re – Babilon: jhaung zug: wa Hamaid' mang: Ribala' vo mae ai bam re se' pye' ra". Ai re" ru: Yuda byumyu" qe wa yao: bam: mang: mae" sham" pyaung" tai: lo" ru qhug' veko" ra".
  • 28 Nebukhaneza: sham" pyaung" jhui" lo" ra" byu japhin: wa tao" zaung nhaid' zin mae Yuda amyu" zo: sam taung: shid' xe:
  • 29 sam yaug re sham" jhui" lo" ra". – Daxe: she' zin mae byu she' yo: sam xe: shid' yaug re Yerusalem: mae" jhui" pyaung" lo"
  • 30 ra". – Shid' xe: sam zin ein: zin mae lhaug' zaung" mo, zug: Nebudzaradain: wa Yuda amyu" nhaid' yo: byid xe: ngo" yaug re sham" jhui" lo" ra". Sham" pyaung" jhui" lo" ra" byu alhab' ngaid: re byid taung: khyaug' yo ngaid: ra".
  • 31 Yuda jhaung zug: Yekhonia kyam: laung" ru sam xe: nhaid' zin lho" daxe: shid' khye' shid' xe: ngo" ba: ne, Babilon: jhaung zug: Evilamerodag' tao" zaung: qhid: au: Yuda jhaung zug: Yekhonia re kyam: mae" lhoe' ke' yang: nga: ye,
  • 32 nhao:. – Yao: re dao: lho" jhau mung: yao" la kin re Babilon: mae yao: we' daga" na: ra" zug: qe: dao mae yao" la kin re nga: yhe' byid' ru we' kyam: laung" ve, mai bau: re
  • 33 tha" khyo" pye' byid' ra". – Yekhonia wa kyam: laung" mai bau: re tha" pye' mung: yao: kao daui: na: dalo: gyo: mae jhaung zug' qhid' kheim: mae qo" zo: qo" shaug'
  • 34 ra". – Yao: kao daui: na: dalo: gyo: mae Babilon: jhaung zug: nyhang" byid' ra" zo: nam shaug' pho: yao: re gae: myho" byid' na ko" ra"
回到本卷目录 回到本版本目录 回到首页