1 Israel amyu" zo: qe we" nao dam: lhang: lo nug: re gai gai: yao: Ngo jhao" dam: lo mung: ni" maca' majhaid' mau" re Ngo mae" qab: pye' ngaid: re nao re2 khoyaug qo" lhaui: genae" i"? – Nao yao: re: daui: na: ra" Mo"so: mang khyao: re nao lao: yang: dang main" ra" khyo" dao: so: zaung: ru , tarha" dao: phyid' ru , dang main" ra" khyo" yang jham kai" li" nae". Taung bug: byumyu" qe re: yao: bam re min byid: mung: Mo"so re au: ngha zo" re" bau" nghao" lo: li" genae" ga: Mo"so mho: ra".3 Mo"so wa Yuda mang: byu Yerusa- lem: vobyu qe re mho: ru wa- naonhaung" yothaung: phaug' ge, zau: jam" mae myug:4 shi: dasin: ge, . – Yuda mang: byu Yerusa- lem: vobyu qe we" yao: yaug yao: nyaug phyid' ge, . Naonhaung" nhag' myid nyaug re phyid' ge, . Mangaid: lao" naonhaung" mashab makhyang" mau" zo" mathao Nga" nhag' gyid' ru wa myi: re" ru thug' li" mung: khag' re: maqo" se' lo: sho' nga" li" nae".5 Yuda mang: mae labo" maid ge, . Yao: zhang: mung: ham phaung ge, . Vokham" kyae" to" ra" vo khug khyo ngonhaung" vao gelang: ga" lau dao: re Yuda mang: mae hau" kyo: ge, . Yerusalem: vo mae6 pyo: ke' ge, . – Ziun: bam dao mae khyi tau: zhaug' ge, . Loe; beim sho' tao" phao ge, . Daye; thang: na ge, . Khoru: ga" re Ngo wa mug: am: shaid' mae" qug: khai: we' phyo' qheim" ru re she: vhao" nae". –7 Amyu" zo: qe phyo' sin" pye' nae" lo:tin: ga" yaug wa yao" na jao: thao" jam" mae" thug' li" va". Mang: din" lhau: phyo' nae" yaug wa li" na va". Ni" mang: din" re cae: jhug tag kaid' pye' nae" tau: we' ni" vogaung: jham mae byu magai: na lo: sho' myid baid: zho: kyid' sag' khyug' laung: mhain" kaid' pye' nae" tau: yao" na jao:8 mae" thug' li" na: ava". – Ai: mathao mae jid: mo" mai lao" yang" ci mung: ngug byid ngug nhe' we' kaug' myain" qhu: thoe we' zag: gyi: hug' na ge, . Khoru: ga" re Mo"so nhag' gyid' ru kam" wa ngonhaung" mae"9 malai: lo" shi: . – Ai: ayo, mae jhaung zug: we' khaung: mhao: qe wa nhag' lam: gyug' byaug genae". Khin jaung jham wa mug' ru we' lapa jham wa gyaug: din: na: li" genae" ga: Mo"so mho: ra".10 Ngo kam" wa AsAng we" lhe' shae: yang kao mae zao" sho' ngaid qere: naon- haung" wa yaug yo: ru qhug' genae" ga: ce: amyu" we' Yerusalem: vo mae" mo, re ta" to: va" mathao nao yao: bam re gyai lhang: be, venhaung i"? ein: ta" va" ru ngaid: .11 Ce: ayo, mae ce: amyu" zo: qe we' Yerusalem: vobyu we' tin: yang: mho: ru wa la laung wa myhao: jo, qo mae" mung: Nga" amyu" zo: myi: qe jhao" joe" lo: li" nae" phaui: lhug re hug' shao" kyang" nae"12 hug' ra" la mangaid: . – Ai: la tho' je: thin: ra" la wa Nga" nhag' myid re pyang" lhoe" nae" tau: hug' lo: li" nae". Ana" jao" yao:13 bam re Ngo pyam" yhin" nae". – Qu" ge, li" lo: ra" jhaung zug: wa jham thaui: ru: joe" li" nae". Yao" lhin" wa la sham" re" ru: ngaid mung: yao" myao: jham wa zeim baung: tho' phyaid: ra". Ngonhaung" wa byu xa: vo: qoe; bam va". Byo, qeim: ra"14 khyo joe" bam va". – Yerusalem: vogaung: we" nao khyaid' yu: ru qhug' nae" tau: ni" nhag' myid makhyang: mashab: ru cid' shao: kyang" pye' wa, ni" nhag' myid magai: ra" tau" da jham re khomyhao" joe"15 sho' zaui" zag: ci nae" i"? – Dain: mang: mae" lau dao: re the' gyo" ra". Ephrim: bam mug: mae qug: khai" lau dao: re hau"16 kyo" na ko" ra". – Mang: khao: mang: ngo" mae lau dao: hau" kyo: ge, . Lhaug' zaung" mo, wa mug: va" mang: mae" li" mung: Yuda vogaung: jham shaid' khyo hug' yhai: na veko" ra" ein: Yerusalem: vo17 re ta" kyo: ge, . – Yuda mang: wa Ngo re tang: tug' tau: lhain: ko" mathao mae yao: bam yothaung: lhaug' zaung" mo, re" ru: ai mang: re lhang" kham" to: veko" ra". –18 Nao cao" na: ra" gau: khyo we' na sam" ye, bao: mathao ceru: nao phau: va" ra". Ai wa ni" mashab makhyang" mau" ngaid: ra". Ai wa kho" ru yag: ru we' nhag' myid no: ru bo ca" ra" ga: Mo"so mho: ra".19 O" Nga" sozo: we" Nga" sozo: we" , nga" aung khug nhag' myid no: ra". Nga" nhag' lam: mamyain: makhyaid' ga" ra" , Ngo khoru: sae za: gai: na nae" yha". Nga" sozo: we" nao labo" maid thoe we' gye khe'20 thoe re the' gyo: venhaung . – Byo, qeim va" , byo, qeim va" ga: ta" hau" na veko". Mang: geim" cae: jhug tag boe" va". Nga" zaung khyae: dazab za: , Nga" myo, kyo" pin: lung: jham ajao" yao: qeim: gyo" byaug21 va". – Ngo wa khomyhao" myao" sho' khyi re myao mung: labo" maid thoe re the'22 gyo: zai i"? – Gai gai: yao: Nga" byu qe wa nhag' magyang: ko". Ngo re maba lo: ko". Mashab: ra" zoshao boe" mung: laba lajhao mabo ko". Gai: ra" mau" maba: zaui: so: lo: ko" ngaid: ra".23 Myid kin re Ngo qu" ke' re pyaid' laid sede: ngaid: ra". Mug: kin re qu" ke' re bo"24 bao majo, ngaid: ra". – Bam jham re Ngo qu" ke' re ai jham laui" nain" na mung: bug dam: bug gaung jham laui" nin" na ko"25 ra". – Ngo qu" ke' re byu mana lo: , mug: le; mae dao" qin" ra" daung de; ngho' jham26 alhab' dao" phao: byaug veko". – Ngo qu" ke' re na gai gaug qo" ra" mug: myid seyo segae: boe" byaug va". Vogaung: alhab' re: Mo"so we' yao" nhag' lam: laung: ra" qhid' kheim: mae abau" akhyaid' ngaid: jo; ra".27 Mo"so ceru: ga: mho: ra" , mang: geim" cae: jhug tag boe" byaug ngaid qere: Ngo ai re gain: thao" sho' phyo' qheim" pye'28 zai mangaid: . – Ai ru: mung: myid kin wa kaug' myain" qhu: thoe mung: li" nae". Mug: gaung wa cag' no; lo" li" nae". Ngo wa ta" to: va" ru re naung malhang lo: , tau" da: to: va" ru re maphyo' pye' nae". –29 Myao: jui: mo, we' la: ci sulhe: qe: yhai thoe: yang vobyu alhab' geim" seyo khyo phao: vho' mung: laung: mo" baui jham: dao do, ko" ra". Vogaung: alhab' re to" pye' co' mung: byu dayaug re: madang lo: . –30 Nao wa byo, qeim: ru thaung" qhug' ra" au: nao khoru: kaid' nae" i"? ne mo, mai bau: ve, qe re: hhang zai: yang shaung: ci yang: re: ni" myo, khung: re mayaung" lo: sho' tung" lhag' ci ngaid qere: ni" yaung" lho" ru wa akeim aseim ngaid: ra". Ni" zoqae: myhi" jham wa nao re shepye' mung: ni" kao re kung" nae" akhyo qho:31 li" genae". – Gai gai: yao: zo: khau no no: ra" myiqe" thoe zo:qhid' khau: ra" myiqe: myhi" no kyang: thoe re" ru: Ziun: zomyi: zo" myaung: qhaid' thoe Ngo the' gyo: va". Yao: wa Ngo byu xa: vo: qoe, va". Byu se' ra" mo; mathao mae Ngo nhag' lam: gyug' byaug va" ga: lo, lae vha mung: ngug yang: na: li" nae".