1 Mo"so wa Babilon: vogaung: we' Khalade" mang: re qang mung: lapa Yere- mia khyo" yang ta" ra" Mo"so: mung dao: wa ,2 Sosu byumyu" jham re lau dao: ye: ta" kyo: ge, . Manyham" vho' to: lo: khyi tau: to' ge, . Ta" hau: nae" dao: wa Babi- lon: re li" khaid' yu veko". Bela' mo"so qho' phau: va". Merodaid' mo"so gyug' gyang: pye' va". Babilon: alho jham wa qho' phau:3 mung: gyoe; gyang: gyo" jo, veko". – Mug: am: shaid' mae" byu damyu" li" lo mung: Babilon: re phyo' khyo" pye' li" nae". Na nae" byu mabo . Byu jham we' gug' nyhug' jham gain sho' phao: thug' lo" li" genae". –4 Mo"so ceru: ga: mho: ra". Ai: ayo, akhin: mae Israel amyu" zo: qe wa Yuda kaung we' daga" lo: li" genae". Yao: bam gyaung: su: zo" ngug byid ngug nhe' we' yao: bam:5 Mo"so re qho: li" genae". – Ziun: vo khyo myo, khung: qang mung: gau: khyo qho: li" genae". Khonhae" re: magai: to" myhid' ra" dao: thang" khyo" yang Mo"so jhao" qui" ye: mung: zam" khug: li" genae".6 Nga" byu jham wa byaug: lo" ra" yao boe" veko". Yao zam: mo, yao: bam re zai" lhae" ke' veko". Bam nyug lao phyo: khyo nha: lhae" ke' veko". Yao: bam wa bam dabam mae" dabam khyo lae" ze: lo" mung: yao" yab jao: re to" myhid' pye' veko". –7 Yao: bam re thaung" qhug' ra" mo, wa yao: bam re zo" pye' genae". Gyevo jham wa yao: bam: phug' pho" yaug yo za: khug ngha: jao: Mo"so re shaid' nghung: ko" ra" mathao ngonhaung" zo" pye' yang: re:8 qobo mangaid: ga: mho ko" ra". – Babilon: vogaung: mae" phao ge, . Khalade" mang: mae" thug' phao: lo" ge, . Yao zhain: qhid'9 kheim: mae" yao lo: ru: kaid' ge, . – Khoru: ga" re mug: am: shaid' mae" mang: din" qi: jham re Ngo khai: qham mung: Babi- lon: khyo jhui" lo nae". Yao: bam wa vo yae mae li" na mung: khaid' yu: li" genae". Yao: bam: la: myo: wa bag jhao yaug sulhe: pho" myo: khe' ru: mashaid' lo: zao" nae". –10 Khalade" mang: wa zai gyo" ru: boe" mung: ai: zai gyo" re zo: mo, wa vae: gyi: genae" ga: Mo"so mho: ra".11 Nga" dai kham Ma re lhau: phyo' ra" mo, we" naonhaung" ngaui bau: zhao: yao veko". Gyo, zo: jao: mae xao geim tau" ra" nung: jaung zang re" ru: qam: bo: ra"12 myao: lo: re" ru: myang veko". – Amung: naonhaung" myid: nghae" mug' yang: aug' o" na genae". Naonhaung" re khau: ke' ra" yaug wa qho' phau" li" nae". Mang: din" alhab' geim" mae malho" thao" mang: , sham" shao: jhaid' pye' ra" jo, qo , kyaug'13 ho: ra" gaoso yo boe" nae". – Mo"so: nhag' yo" gyid' ra" mathao ai: mang: mae byu gai: na lo: nae" mangaid: . Cae: jhug tag: jo, qo boe" nae". Babilon: avai: ayae khyo" su" lai: lhau mo, mug' mung: yao: phau" ra" qug: khai: re gaui qu" yang: jung" khyoe'14 genae". – La: bag jhao mo, we" Babilon: vo re lhang" kham" ci ge, . Yao: wa Mo"so re zai" shaid' ra" mathao myo: khe' re15 pe" o: mado lo: bag ge, . – Vo yae lhang" gam: mae zag: hug' ge, . Yao: yhin" yu va". Vokham" we' gye byu gai" jham gyoe; bai: gyo" va". Mo"so dae co' phaug' ru ngaid: ra" mathao mae yao: re dae co' phaug' ge, . Yao: lhaung" kaid' lo: ru we' dakhyo: yao:16 re re: kaid' ge, . – Babilon: vo mae myug: shi: sin: yaug we' yaid: ra" yaug re be; qab: khyo" pye' ge, . Yhin" pyam" ba: ra" shae re gyaug yang: byu yaug nge, wa yao: yao" byumyu" na jao: khyo dam: lo" mung: yao: yao" mang: khyo phao: lo" li" genae".17 Israel wa jo, qo khyi" khao: ngo" byo: sin" lo" ra" yao boe" va". Lo:tin: jham nhaung" khoe' veko". Sao qhid' Asuri' jhaung zug: yao: re bin" caid' zo: va". Thao mae Babilon: jhaung zug: Nebukhaneza: wa yao" shoqug: shoqae jham re nag:18 khyug' pye' va". – Ai ru: mung: Israel amyu" Mo"so gug: mang: din" gam ug yaug Mo"so mho: ru wa Ngo Asuri' jhaung zug: re qobo dae byid' ru we' daru: za: Babilon: jhaung zug: we' yao" mang: din" re qobo19 dae byid: nae". – Israel re yao" na qao: jo, qo khyo Ngo jhui" lo nae". Yao: wa Kara- mela' bam we' Bashain: bam dao mae gyo, zo: mung: Ephrim: bam we' Giled' bam dao mae yao" nhag' myid yaug yo nae". –20 Ai: ayo, akhin: Israel qobo re ca: qu" yang: re: mamyao nae". Yuda ave, asam" re qho qere: mamyao nae". Ngo tang" to" ra" mo, qobo re Ngo khyaid' shao: pye' nae" ga: Mo"so: ta" ra".21 Tau: lhain: ba: ra" mang: , mho" shid' gai: ra" mang: byu qe na: khyo gye to" ye: ge, . Yao" amyu" akaung aboe: jham alhab' gain sho' phyo' sin" pye' ge, . Ngo mho: to" ru we' dakhyo: kaid' ge, ga: Mo"so mho:22 ra". – Ai: mang: mae mang: khaid' thoe , qi: sho' phyo' qheim" ra" thoe re the' gyo"23 ra". – Mug: myid dagye, geim" re be; ra" jo, to' dau wa gyug' gyo" venhaung wo". Babi- lon: vo wa byumyu" cao jab mae mug' pho:24 boe" venhaung wo". – Babilon: vogaung: we" ni" tau: taui: Ngo khae yang: nao mabeim: maso: mung: taui: mae myi" va". Mo"so: kheim: so' re tau: lhain" ra" mathao gye thaung" qhug' mung: aung: yu veko". –25 Mo"so wa sin: cao jab kug qe, re phung" mung: nhag' yo" gyid' ra" sin: jham re phoe' thug' va" ra". Ce: mau" zo" wa gug: mang: din" gam ug yaug Mo"so Khalade" mang:26 re kaid' ra" mau" ngaid: ra". – Vo dashaid' mae" dashaid' joe" sho' zin" yu ge, . Gaug jhi jham re phung" mung: gaug bam re" ru: bam: to: ge, . Dajhid' re: madang matang"27 lo: phyo' sin" pye' ge, . – Yao: bam: nung: jaung: lo: jham re se' pye' ge, . Se' ra" jao: khyo gyo" lo" ge, . Yao: bam wa byu xa: vo: qoe, veko". Gai gai: yao: bam: ayo, wa28 mho" shid' nae" ayo, joe" va". – Ngon- haung" Mo"so nhag' shid: ru , pa" jhaung: yham re phyo' pye' ra" qobo we' dakhyo: qobo dae byid' ru re Ziun: vo mae lau dao: kyo: nae" Babilon: mae" phao: loe; lo" ra" mo, dao: thoe the' gyo" ra".29 La: ci mo, re Babilon: vo khyo khai: yu ge, . Ba: bag: ra" mo, alhab' vo avai: ayae lhang" gam: mae na ge, . Vobyu qe dayaug re re: dalhoe' ge, . Ai: vo: ave, we' dakhyo: qobo dae byid: ge, . Yao: wa Israel amyu" shao gyang" ra" Mo"so: dashaid' mae ngaid30 beim: bau" nghao" venhaung wo". – Ai mung: vo khug: zolau: jham wa khyodang jham mae gyang: lang: mung: gye khe' sulhe: jham wa gyoe; seim: lo" genae" ga:31 Mo"so mho: ra". – Gug: mang: din" gam ug yaug Mo"so mho: ru wa- nhag' myid qi: ngaid beim" ra" yaug we" ni" dashaid' mae Ngo na: . Gai gai: ni" ayo, mho" shid' ru32 phau: nae" ayo, wa joe" va". – Nhag' myid qi: ngaid beim" ra" yaug wa tha" thu: lang" ru mae" khag' re: maqo" lab genae". Ngo re: yao" jo, qo re myi: ngha" mung: yao" avai: ayae mae na: ra" mo, alhab' re nga" li" nae" ga: mho: ra".33 Gug: mang: din" gam ug yaug Mo"so mho: ru wa Israel amyu" zo: qe we' Yuda amyu" zo: mae" mo, pyam" yhin" ru qhug' veko". Yao: bam re sham" pyaung" tai: lo" ra" mo, alhab' wa kyam: mae" manhao:34 ke' qaid ko" ngaid: ra". – Ngaid qere: yao: bam re khyi: yu nae" ra" AsAng wa qam: mo" bo: ra". Gug: mang: din" gam ug ga" ra" mang khyao: qo" ra". Ai: AsAng wa yao: bam: akhyo re gelho: za: qu" gam mung: mang: din" jham re yaug yo nhao zo" re" Babilon: vobyu jham re anhaung" akhoe'35 kaid' byid' li" nae". – Mo"so ceru: ga: mho: ra". Shae lhae gye wa Khalade" mang: byu , Babilon: vobyu we' daga" zug: qe , juyi ba mo, alhab' au: dao mae joe" li" nae". –36 Shae lhae gye wa khug pyag' taung" pyi" kaid' ra" mo; au: dao mae joe" mung: yao: bam wa ago boe" genae". Shae lhae gye wa ai: vobyu sulhe: jham: au: dao mae joe" zaug mung: yao: bam wa nhag' lam: main"37 byaug genae". – Shae lhae gye wa myao: jham lhin" jham vo khug mae na ko" ra" byu amyu" myu" au: dao mae joe" mung: yao: bam myiqe: ru: boe" genae". Shae gye wa dai kham jo, nho" bain" dao mae joe" yang: gyevo jham lhaid' yu: lo" li" genae". –38 Kyaug' ho: ra" qug: khai: wa vogaung" qid dao mae joe" zaug mung: kyaug' ho: kin" lo" li" nae". Khoru: ga" re ai: mang: wa alho jham byang" jo; ra". Mang: byu jham wa alho re ngha mung: ngaid beim" bau"39 nghao" ko" ra". – Ai mung: seyo: zoqhid jham wa kha: lae" jham we' daga" ai: vo mae na: li" genae".Nang: Ngho' jham re: na40 genae". – Sodom: we' Gomora' vo mae" re jhao" lhang" vo jham re Mo"so phyo' qheim" yang: byu sheim manae lo" ru ru: Babilon: vo mae khag' re: mana , sosu byu dayaug lao" re: khug ngha: na nae" akhyo majo, lo: ga: Mo"so mho: ra".41 Qu" wa, . Byu damyu" mug: am: khyo" li" lo: ra". Byumyu" we' jhaung zug: myo: sho' mo, wa mug: myid athao" mae" Ngo42 nhug' peim" yu nae". – Yao: bam wa la: we' lhae taid' ci ko" ra". Gyai makhyaid' nho: mo, ngaid mung: nhag' myain: nhag' khyag' myid mabo . Yao: bam: dao: thoe wa qid dae bang: lhung" thoe ru: myang: hau: ra". Babilon: zomyi: zo: we" gye khaid' nae" tau: gye khe' sulhe: jham myao: jui:43 mung: nao jhao" joe" genae". – Yao: bam: lau dao: re Babilon: jhaung zug: the' gyo: mung: qam: o: gyug' ra". Qug: qe" kyin" nhaung" re re: zo: khau: ra" myiqe: re" ru: qug: khai: kyi" khyag' qhug' na: ra". –44 Yodain: gyaung: je" ru wa lo:tin: do, lo: re" ru: gyevo wa gang" tang: ra" jo, qo khyo do, lo: ra" au: na: jo; ra" yaug wa nyag tin" labaug phao nae" khyo: Ngo kaid' nae". Khyin: to" ra" yaug re Babilon: vo: adao mae ug nhao nae". Ngo ru" ru khoyaug na: i"? Nga" ayo, akhin: re kho-yaug qo" mhai" ka" genae" i"? Khoru" ra" yao zam: wa Nga" qhid' kheim: mae qo" ye; na: na nae" i"? –45 Amung: Mo"so wa Babilon: tau: myid: yaung: to" ra" juyi khyug' ru re tae" gyo: ge, . Gai gai: yao: gyevo wa qam: nang" ra" yao zam: jham re lhaid' yu: li" nae". Dang dang yao: bam na: ra" jao: khyo li" mung:46 gyo, zo: jao: re phyo' pye' li" nae". – Babi- lon: vogaung: re khe' khaid' aung: ga" dao: thoe: mathao mug: myid gye, geim" laui" nain" ra". Zag: gyi: hug' thoe re byu amyu" myu" jham wa the' gyo: ko" ra".