1
Pharaoh jhaung zug: Gaza: vo re maphyo' shi: re Philisti amyu" zo: qe re qang mung: lapa Yeremia khyo" yang joe" li" ra" Mo"so: mung dao: wa ,2
mug: am: shaid' khyo" qid je" li" mung: mang: din" re nhug' pye' ra" bang: lae boe" yang: damang" geim" we' mang: khug mae jo; ra" vo gu: we' vo mae na ko" ra" mo, re je" nhai" lo" mung: yao: bam zag: hug' gyi: li" genae". Mang: byu jham wa kaug'3
myain" qhu: thoe mung genae". – Yao: bam jui" ra" myao: khyid sin: thoe we' tao" lo: ra" lhin" ce' myang thoe: mathao yao: pho" bam wa lo, qam: pyain" mung: yao: zo: jham re re: maqo" lhang: qu" lo:4
ko". – Khoru: ga" re Philisti amyu" jham re phyo' pye' nae" ba na , Turu' we' Sidon: vo re gye qam: qo" bao" ra" dang: na shi" ra" mo, alhab' nai: mhain" pye' nae" joe" mung: Kabtora' mang: byu jham re sham"5
shao: khyo" pye' nae". – Gaza: vomo" wa xae qaug: pye' ru qhug' va". Ashakelung: wa dang: jo, shi" ra" lao: khaung: jham byo; baui: va". Khomyhao" joe" sho' yao"6
sho: re lhai" caid' na nae" i"? – Mo"so: shae we" nao khoyo, khokhin: mae thang nae" i"? Ni" byao mae sae za: vao: laung"7
jo, wa, . – Ashakelung: we" bang: lae mo" re phyo' qheim" pye' nae" tau: Mo"so mho: to: va" mathao khoru: sae za: gai: na: jo; nae" i"? Ai: mau" zai" poe" nae" Mo"so nhao: to: va".