1 Egutu mang: Migedola , Taphain: mem: phi: vo we' Pathru jo, qo mae na: bam ko" ra" Yuda byu alhab' re qang yang: lapa Yeremia jhao" joe" ra" mung dao:2 khyo" yang – Israel amyu" Mo"so gug: mang: din" gam ug yaug Mo"so mho: ru wa- Yerusalem: vogaung: we' Yuda vogaung: khyi" khao: ngo" adao mae Ngo khyo" ke' ra" qug: khai: re naonhaung" the'3 myao veko". – Qu" qu" ge, . Ana" ba ai: vogaung: jham wa byu mana , byu sheim manae cae: jhug tag boe" va". Khoru: ga" re qhid' phyao: na ko" mo, wa yao: yao: re: maba , phug' pho" qe re: maba: qu" ra" getau: mo"so jham re sheim nae pyo" ra" ja: phaid' hab' ngaui" mung: goe; pa" ko" ru yang Ngo re nhag' yo" gyid' veshao: ga" ra" zai" shaid' qobo: mathao ceru: boe" ru4 ngaid: ra". – Nga" jeim lapa jham re Ngo no' no' to" mung: naonhaung" na: ra" khyo apaug' apyae nhao: ke' yang: Ngo manug ma-o: ra" ceru" maca' majhaid' mau" re5 dakaid' ge, ein: ta" ngaid qere: – yao: bam wa getau: mo"so re sheim nae pyo" ja: re dangha" hab' qobo yug: no re jao" ge, ein: akhyo tae" gyo" ru mabo , magyo" khae:6 yu lo: na veko". – Ai ru: mung: Ngo nhag' kyid kyid yo" ru re vhe' sheim: mung: Yuda vogaung: jham Yerusalem: hau" mo" jham mae nhag' gyid' myi: ngha" yang: yao: bam wa ana" ba: ne, boe" re" ru: sham" shao:7 pyaid' pye' ra" jo, qo boe" ko" ra". – Ana" Israel amyu" Mo"so gug: mang: din" gam ug Mo"so ceru: ga: mho: ra". Naonhaung" wa naonhaung" yao" gaung re phyo' qheim" nae" re: , mug: myid dao mae byu amyu" myu" mae jung" khyoe' nhang: jao:8 boe" nae" re: – naonhaung" ye: khug: na: ra" Egutu mang: mae getau: mo"so jham re sheim nae pyo" ja: ngha" ngaui" zo" re yao: yao: kaid' shaid' ra" mau" yang Ngo re nhag' yo" gyid' nhao ko" mung: naon- haung" dayaug re: madang lo: nae" khyo: Yuda amyu" yaug gai myiqe: zoshao qe we' nug' shaug' ra" zo: nau" jham alhab' re phyo' qheim" sho' ce: yug: no qobo aqi: re naonhaung" nhag' myid re pe" mung:9 kaid' ko" i"? – Yuda mang: mae re: Yeru- salem: hau" mo" khyo mae re: naonhaung" phug' pho" qe zai" shaid' ra" yug: no , Yuda jhaung zug: jham: yug: no , jhaung zug: myhi" jham: yug: no qobo , naonhaung" yao: zai" shaid' ra" yug: no qobo , naon- haung" yao" yham sang myhi" jham zai" shaid' ra" yug: no qobo jham re to" myhid'10 pye' veko" i"? – Ana" ba: ne, joe" sho' yao: bam nyham: khyo" nae" nhag' myid mabo ko". Gyaug phug' ra" nhag' myid mabo , Nga" tarha" khyo mae macao" , naon- haung" mae" mung: naonhaung" phug' pho" jham: qhid' kheim: mae Ngo to" ra" khang" dao: re macao" pyang" ko".11 Ai mung: Israel amyu" Mo"so gug: mang: din" gam ug yaug Mo"so mho: ru wa naonhaung" re yug: no qobo kaid' ko" mung: Yuda amyu" zo: qe alhab' re qab: lhaui" pye' nae" tau: Ngo myo, nho phyo'12 khyain" nae". – Egutu mang: khyo ye: phao: khug nae" ga: myo, khung: qang: ra" Yuda amyu" mae" dang shi" gu: re Ngo jhui" yu mung: yao: bam wa ai: mang: mae shid: gain genae". Shae lhae gye , vae: moe; qid shab' gye phau: mung: ngai: thao" yaug mae" qi" thao" yaug joe" sho' shae lhae gye , vae: moe; qid shab' gye: yang na: jeim" lo" khyo joe" mung: nhang" ru , mug' ru , nhang: kheim: phau" ru , jung" khyoe'13 khang: nhau: jao: boe" genae". – Yerusa- lem: vobyu jham re shae lhae gye , vae: moe; qid shab' gye , no qam" gye re Ngo khyo" byid' ru re" ru: Egutu mang: mae na: ra" mo, re Ngo qobo dae byid: yang: –14 Egutu mang: mae ye: khug ngha: ra" Yuda amyu" dang shi" gu: wa Yuda mang: khyo dam: lo" na nug ko" ngaid yang: qug: khai: mae" dayaug re: maloe, genae". Dayaug re: madang lo: nae". Qo" khao" khyaid' phao yaug za: aqo" phao: joe" nae" ga: mho: ra".15 Alao" yao" yham sang myhi" jham getau: mo"so re sheim nae pyo" ra" ja: phaid' ngaui" ko" ru re ba: ra" yaug gai qe: anhae mae ye; na mo, myiqe: jham , volo mo, thaui: jham alhab' lapa Yeremia re mho16 ko" ru wa – Mo"so: mang khyao: mae ngha yang: nao ta" dao: re ngonhaung" matae"17 gyo: nae". – Ngonhaung" we' ngonhaung" phug' pho" jham , ngonhaung" jhaung zug: qe we' zug: ade, qe wa Yuda vogaung: jham we' Yerusalem: vogaung" hau" mo" khyo mae kaid' lo: qu" va" ru we' dakhyo: mug: gaung: jhaung zug: myhi" tau: sheim nae pyo" ra" ja: ngha" ngaui" mung: vhe' sheim: xeim: caung da" nae" ga: dao: so: to" ru re cao" pyang" nae". Alao" ngonhaung" qhug' zo: qhug' shaug' na gai: ru we' qug: khai:18 maqhug' lo: – mug: gaung: jhaung zug: myhi" re sheim nae nam maphaid' ngaui" , vhe' sheim: xeim: re macaung da" lao" myaung sho" ru , shae lhae gye , vae: moe; qid shab' gye: yang byo, qeim: ru qhug'19 ra". – Mug: gaung: jhaung zug: myhi" re sheim nae nam phaid' hab' mung: vhe' sheim: xeim: caung da" ra" au: ngonhaung" yaug gai jham mabo: bo lo: cin main" yho' kaid' mung: vhe' sheim: xeim: caung da" ko" ra" i"? ga: dam: mho ko" ra".20 Ai re" ru: ta" ko" ra" yaug gai myiqe: alhab' re lapa Yeremia dam: mho: ru wa –21 naonhaung" we' naonhaung" phug' pho" jham jhaung zug: qe , khaung: mhao: qe , mang: byu jham wa Yuda vogaung: Yerusalem: hau" mo" khyo khain mae ngha" ngaui" ru sheim nae: ru re Mo"so mabeim: maso: maba lo: na: na: ra" i"? –22 Naonhaung" yug: no , maca' majhaid' mau" jham re Mo"so maqo" zang: qhao" lo: mung: naonhaung" mang: wa ana" ne, re" ru: byu mana , cae: jhug tag mug' pho: nhang: myain" nhang: thoe mung: jao:23 boe" va" mangaid: i"? – Naonhaung" wa sheim nae nam phaid' hab' ngaui" mung: Mo"so re zai" shaid' ko" mathao: yang re: , Mo"so: amyin" re matae" gyo: , cao" khyao jin kham , sagso: khang" dao: tarha" khyo macao" ko" mathao re: ce: qug: khai: wa ana" ne, boe" ru ru: naonhaung" mae joe" zao" veko" mangaid: i"? ga: mho: ra".24 Dam: dalhang myiqe: jham we' volo byu alhab' re mho: ru wa Egutu mang: mae na: ra" Yuda byu qe alhab' we" Mo"so:25 amyin" dao: re tae" gyo: ge, wo". – Israel amyu" Mo"so gug: mang: din" gam ug yaug Mo"so ceru: ga: mho: ra". Naonhaung" we' naonhaung" yham sang myhi" jham wa ngonhaung" wa mug: khaung: jhaung zug: myhi" tau: sheim nae nam ngha" mung: vhe' sheim: xeim: jhaung qhu" caung da" nae" dao: so: we' dakhyo: kaid' nae" ga: nhaid' ta" mung: lo, qaug kaid' ko" ru we' dakhyo: xo' yang: kaid' cao" mung: dao:26 so: we' daru: kaid' ge, . – Amung: Egutu mae na ko" ra" Yuda byu qe we" Mo"so: mung dao: re tae" gyo: ge, wo". Mo"so mho: ru wa AsAng Mo"so daui: na: ru we' dakhyo: ga: mung: Egutu mang: damang" geim" mae Yuda byu dayaug re: Nga" mang khyao: magai: ta" magai: yao nae" khyo: Ngo wa Ngo yao" mang khyao: mae jham tang: va".27 Yao: bam re so' ha" byid: zai mangaid: . Qobo kaid' nae" tau: Ngo lao" na: ru mung: Egutu mang: mae na: ra" Yuda byumyu" alhab' byo, qeim: ru mae joe" sho' shae lhae gye , vae: moe, qid shab' gye we' byo;28 baui" lo" li" genae". – Ngaid qere: shae lhae gye mae" loe, mung: Egutu mae" Yuda mang: khyo dam: lo" nae" mo, wa nang: phyao: ngaid: li" nae". Nga" dao: dang madang naonhaung" dao: dang madang ein: ru re Egutu mang: mae khug ngha ye" lo" ra" Yuda amyu" dang shi" gu: ba:29 li" genae". – Ce: jo, qo mae naonhaung" re Ngo mho" shid' mung: naonhaung" mae qobo joe" nae" tau: Nga" dao: wa dang: ru re naonhaung" ba genae" akhyo Ngo byid'30 ra" ve, lho wa ceru: ngaid: ra". – Yuda jhaung zug: Zedekia gyevo ngaid: ra" Babi- lon: jhaung zug: Nebudkhaneza" lo, khug khyo Zedekia re qhaug' ke' re" ru: Egutu jhaung zug: Pharaoh Hophra' kao re qho: ra" gyevo: lo, khyo ai: jhaung zug: re Ngo qhaug' nae" ga: Mo"so mho: ra".