1 Ammon: amyu" zo: qe re qang mung: Mo"so mho: ru wa Israel mae yaug gai nau" mana lo: i"? Melkong: mo"so wa pe" mung: Gad' mang: re sang: yu: i"? Yao" byu qe wa Gad' vo mae pe" mung: na: bam ko" i"? –2 Amung: Mo"so ceru: ga: mho: ra". Ammon: amyu" zo: qe: jo, qo Raba: vo gye khaid' thoe re Ngo re the' gyo: nhao nae" ayo, joe" lo: li" nae". Ai: vogaung: wa azau: akhyain" boe" mung: yao" zomyi: qe re: myi: ngha" ru phau: genae". Ai: au: Israel amyu" re sang: yu: ra" mo, re Israel dam: sang: yu:3 li" nae" ga: Mo"so mho: ra". – Heshbon: vo we" kaug' myain" qhu: thoe mung wa, . Ai: vo byo; va". Raba vo: zomyi: qe we" kaug' ngug ge, wo". Jid: mo" mai bau: ve, mung: nyung zo" re" khyae jin cao" yang: mug: am: mug: za: tao" qin" ge, . Khoru: ga" re Melkong: mo"so wa yao" khin jaung yao" zug: qe we' daga" sham" tai: lo" ru4 qhug' genae". – Ngo jhao" pe" gye joe" zai mangaid: ga: myid yang: yao: yao" na gai: ru mae ngha yang: shaid' nghung" ra" zomyi: we" nao wa lao: khaung: mae pe" mung: bau" nghao" na: i"? Ni" lao: khaung:5 sa: sheim jao: boe" nae". – Gug: mang: din" gam ug yaug Mo"so mho: ru wa , ni" avai: ayae mae na: ra" mo; mathao mae gyaug: din nae" akhyo re Ngo boe" nhao nae". Naonhaung" yaug nge, wa khe' thug' ke' ru dang dang qhug' genae". Byo: sin" lo" ra" mo, khai: zhang: nae" byu re: mabo6 nae". – Ngaid qere: sham" tai: lo" qhug' ra" mo, re Ngo dam: zhang" jhui" lo nae" ga: Mo"so mho: ra".7 Gug: mang: din" gam ug yaug Mo"so wa Edom: mang: re qang mung: mho: ru wa , Temain: mae juyi gain veko" i"? Juyi sozo: du" ra" mo, wa juyi maqo" ba: byid: lo: ko" i"? Yao: bam: sozo: du" ra" laba8 lajhao: gain veko" i"? – Dedain: vobyu qe we" qui" phao ge, wo". No; gug' ra" jo, qo mae na ge, . Eso" phau: nae" qug: khai: , mho" shid' ru re khae: yu: nae"9 ayo, re Ngo joe" nhao nae". – Sabyi' shi: phyo' mo, nao jhao" vao: zaui: ko" re sabyi' gyo" to: co' genae" mangaid: i"? Khug' mo; vao: re yao: o: gu: za: yu: lo"10 nae" mangaid: i"? – Eso" mai bau: re Ngo khyaid' shao: pye' nae". Yao: qo" vho' gug' na: ra" jo, qo re Ngo qhu" myhao" byid: nae". Yao" mao: nhaung: , yham kyo: cao: qe wa byo; qeim mung: yao: yao" gaung11 re: byaug: lo" li" nae". – Nao mae myhi" pho" mabo: ra" zoshao qe re nha: to: co' wa, . Ngo qu" gam caung nae". Ni" cug' mo" jham wa Ngo re khug ngha vege-12 shao: . – Mo"so ceru: ga: mho: ra". Keim re shaug' nae" mamain: qi" ra" mo, shaug' ru dang: ngaid: re nao wa qobo maphau: lo: qo" loe, nae" mangaid: . Gai gai: yao: nao maqo" loe, nae" dang dang yao: shaug'13 ca" nae". – Bozara' mang: wa mug' pho: jung" khyoe' pho: byu sheim manae: jao: , nhang: myain" nhang: thoe mung jao: boe" nae". Yao" vogaung: jham alhab' re: mathang mano: sham" shao: khyo" pye' ru boe" nae" ga: Ngo yao" mang mae jham tang: va" ga: Mo"so mho: ra".14 Mo"so mae" lau dao: ngo the' gyo: va". Naonhaung" zang" ham mung: Edom: mang: re khe' khaid' nae" li" lo ge, ga: labug: byumyu" jham jhao" logyo: nhao: ke' va"15 ra". – Byumyu" jham mae ngai: thao" ra" sosu byu: khug mae nga: khyoe' ru phau:16 nae" tau: mae Ngo kaid' nae". – Laug aug' laug khyaung khain mae na mung: bam nyaug re khug yaug ngaid: ra" mathao ni" gyaug pho" ru wa ni" nhag' lam: wa nao re jhui" pyag' ava". Nao wa zeim baung: re" ru: myhao: ru mae said' said' yang: re: ai: jo, qo mae" Ngo lao" phyid' khyo"17 nae" ga: Mo"so mho: ra". – Edom: mang: wa mug' pho: boe" mung: su" lai: qin" ra" mo, yaug nge, mug' genae". Yao: phau" ra" qug: khai: kyi" khyag' mathao: yang18 jung" gaui: ru kaid' li" genae". – Sodom: we' Gomora' vo mae" re jhao" lhang" vo jham byo; lo" ru re" ru: boe" mung: Edom: mang: mae byu khag' re: mana nae". Byu dayaug daqo: lao" re: na genae" mangaid:19 ga: Mo"so mho: ra". – Yodain: gyaung: je" lo: re lo:tin: do, lo: ru ru: gyevo wa Edom: mang: gang" tang: ra" jo, qo khyo joe" li" nae". Ngo yao: bam re nyag tin" labaug tao" phao genae" khyo: Ngo kaid' nae". Ngo we' dau: ru khag' na: i"? Nga" ayo, akhin: re khoyaug ka" mhai" genae" i"? Nga" qhid' kheim: mae qo" ye; na nae" yao zaung" ru20 khoyaug ngaid: ra" i"? – Amung: Mo"so wa Edom: mang: re qang yang: juyi khyug' ra" akhyo , Temain mang: byu qe: dao mae qang: ra" juyi khyug' ru re tae" gyo: ge, . Gai gai: gyevo wa qam: nang" ra" yao jham re lhaid' yu: li" nae". Gai gai: yao: bam na: ra" khyo li" mung: gyo, zo: jao: re phyo'21 pye' li" nae". – Yao: bam gyang: lang" ra" thoe: yang mug: myid laui" nain" nae". Yao: bam zag: gyi: hug' ra" thoe wa Edom: bang: lae mo" joe" sho' mae the' gyo: genae". –22 Gyevo jham do, lo: ru wa zeim baung: re" ru: dao: zo" Bozara' vo re daung vho' yang nghoe' gam: li" nae". Ai: ba mae Edom: mang" sulhe: jham wa zo: khau no no: ra" myiqe" nhag' myid re" ru: boe" genae".23 Damasku vo re qang: ra" dao: kheim: jham wa Hamaid' we' Apaid' vo jham wa magai: ra" lau dao: the' gyo: yang: nhag' lam: gyug' ru we' byolae" qab din mung ko" ra". Bang: lae joe" sho' gaung yug sho: byo, nae" doe, mung: yaug mayo ko"24 ngaid: ra". – Damasku vo wa qam: nang: va". Phao nae" tau: myo, khung: lhang: phaug' lo" va". Ko, ko, nin" na veko". Qug: khai: kyi" khyag' wa zoshao khau: ra" myiqe: phau" ru ru: gyai qi: sho' phau:25 veko". – Nga: lho" ra" vogaung: , Ngo ngaui bau: jao: vo wa khoru: mung: magai:26 dang: jo, i"? – Amung: ai: ba na mae zolau: jham wa vogaung" khyodang mae gyang: lang: mung: sulhe: jham seim: gyoe; gyo"27 genae". – Ngo re: Damasku vokham" re myi: ngha" mung: Benhadab' yham jham re nga" nhao nae" ga: gug: mang: din" gam ug Mo"so mho: ra".28 Babilon: jhaung zug: Nebukhaneza: phyo' pye' ra" Kedara:ra we' Hazora re qang mung: Mo"so mho: ru wa- to" ge, . Kedara:ra mang: khyo ye: mung: ba thug' shaid' amyu" zo: jham re zai" kain"29 pye' ge, . – Yao: bam: seim zaung we' yao zhain re re: , qe, kyo jham re re: , ci yhung: zai yo jham , ma dae myao: jham re re: sham" yu: lo" li" genae". Yao" avai: ayae lhang" gam: gyaug pho" akhyo re30 hau" kyo: genae". – Mo"so ceru: ga: mho: ra". Hazora mang: byu qe we" va: va: khyo tao" phao ge, . Gug: yang: no; ra" jo, qo mae na: bam ge, . Babilon: jhaung zug: Nebukhaneza: naonhaung" akhyo re31 magai: ra" khyo: juyi khyug' ava". – Mo"so mho: ru wa to" ge, . Sho' sho' gyao: gyao: za: na mung: myid myo: myid laug maba: ra" amyu" , vogaung" kham: dung: kham: kyao" kyao" maca" yao: yao: za: na: ra"32 amyu" jham jhao" ye: na ge, . – Yao: bam: ma dae myao: we' gug' nyhug' jham alhab' geim" wa zai gyo" boe" genae". Bo: qae qaug: ra" byumyu" jham re khyi" khao: ngo" khyo Ngo byo: sin" lo" nhao nae". Khyi" khao: ngo" mae yao: bam re Ngo qug: khai: khyo" ke' byid: nae" ga: Mo"so33 mho: ra". – Hazora mang: wa zag ne jham: na jao: byu sheim manae: ra" jo, qo boe" mung: khag' re: ye: gai: na zai mangaid: . Sosu byu dayaug daqo: re: maqo" khug ngha nae" ga: Mo"so mho: ra".34 Yuda jhaung zug: Zedekia tao" zaung: qhid: ra" yo, mae Elam: mang: re qang: ra" Mo"so: mung dao: wa lapa Yeremia jhao"35 joe" li" mung: – gug: mang: din" gam ug AsAng Mo"so mho: ru wa Elam" la: ga" yao" qam: o: re Ngo nag: khyug' pye' nae". –36 Mug: myid: myo, nho byid shaid' mae" la byid ja: re Ngo khai: yu nae". Ai: la byid ja" qhid' kheim: mae Elam: mang: byu re Ngo ci: dao" lo" nhao nae". Ai re" ru: khe' thug' ke' ra" Elam: mang: byu jham majoe" ra"37 mang: din" dalam: re: majo, nae". – Elam: mang: byu jham re gyevo: qhid' kheim: mae re: , yao: bam: kao re qho: ra" mo; qhid' kheim: mae re: Ngo gyaug: din nhao mung: Nga" nhag' gyid' ru ein: ra" qug: khai: re yao: bam: au: dao mae joe" nhao38 nae" ga: Mo"so mho: ra". – Elam: mang: mae Nga" la kin re zhaug' to: mung: jhaung zug: we' zug: nau" qe re sham" she: khyo" pye' nae" ga: AsAng Mo"so mho: ra". –39 Ngaid qere: sham" pyaung" tai: lo" qhug' ra" Elam: amyu" zo: jham re thao phyao" ayo, mae Ngo dam: jhui" yu nae" ga: Mo"so mho: ra".