1 Labug: byumyu" qe re qang yang: lapa Yeremia jhao" joe" li" ra" Mo"so: mung dao: wa ceru: ngaid: ra".2 Yuda jhaung zug: Yoshia yao: zo: Yehoiakim: tao" zaung: ru byid zin: zin mae Kakhemid' jo, qo Uphared' qid yae mae Babilon: jhaung zug: Nebukhaneza: se' pye' ra" Egutu jhaung zug: Nikho" gyezo: Egutu byu qe re qang mung: joe" ra" mung3 dao: wa – Go jham re nyhang" mung: gye4 khe' nae" to" ge, . – Myao: jui: sulhe: qe: myao: do: seim" te' bin lao" jo, to' maug zhaung" ci mung: to" thug' lo" ge, . Lhae re said' jhaid' ge, . Jo, to' bau: ve; ci ge, . –5 Yao: bam wa gyaug: din mung: tug' lo" ko" ru re pe" mung: Ngo the' myao: i"? qam: o: bo mo, seim" geyang: mavae" qu" hin so: ladain phao veko". Avai: ayae lhang" gam: mae qug: khai: byang" jo; ra" ga: Mo"so6 mho: ra". – Phyaid xoe" ra" yaug re datao: nhao . Qam: bo: ra" yaug re dalhag' ke' . Uphared qid gyaung: yae mug: am: shaid'7 mae tha" thu mung: lang: genae". – Nila qid gyaung: je" re" ru: qid yug: re" ru: do,8 lo: ra" yaug wa khag' ngaid: ra" i"? – Egutu mang: wa Nila qid do; je" re" ru: qid yug: lo" re" ru: yug: do, lo yang: mug: myid re nhai" pye' nae". Vogaung: we' daga" vobyu jham re qab: tai: lo" nae" ga: mho: ra". –9 Myao: jham we" do, ge, . Lhin" jham we" kyung kyang ein: myang ge, . Go re ba: ci: ra" Kusha amyu" , Phutha' amyu" , la: ci: ra" Ludi amyu" jham wa thug' to" lo"10 geshao: . – Ai: ba na wa Mo"so yao" gyevo jham re dae co' phaug' ra" ba na ngaid: ra". Shae wa gyi: sho' bin" gyid zo" li" nae". Yao: bam: sa: re yid sho' shaug' li" nae". Mo"so: tau: mae mug: am: shaid' Uphared' qid yae mae Mo"so: xeim: ngaui" jo, qo11 ngaid: ra". – Egutu zomyi: zo: we' Galaid mang: khyo lo" mung: Balam: agyid: re lo" yu wa, . Nao aje amyid mocid' aja: ja: pho: ava". Ni" no phyo: magai qaid ngaid: ra". –12 Nao qho' phau" ru re byumyu" myo: sho' mo, ba: lo" veko". Nao no kyang: kyang: thoe wa mug: myid dagye, geim" khyo byo: sin" lo" va" ra". Sulhe: dayaug we' dayaug jho" zao" thaung: mung: shid' yaug: geim" lang: veko" ga: mho: ra".13 Egutu re phyo' nae" tau: Babilon: jhaung zug: Nebukhaneza: li" lo nae" ga" akhyo Mo"so wa Yeremia re ta" dao: kheim: jham wa ,14 shae wa ni" avai: ayae lhang" gam: mae na: ra" mo, re bin" gyid zo" ava". Nao yao" gaung re seim" nyhang" mung: tang tang ye; na wa, ein: Egutu mang: mae hau" ke' ge, . Migadola vo re lau dao: kyo: ge, . Nomphi: vo , Taphaini: vo mae re: hau" kyo: ge, . –15 Ni" sulhe: jham pe" mung: seim" ko" i"? Mo"so deim" lhang" ra" mathao mae maqo"16 ye; na lo: ngaid: ra". – Byu jham wa tha" thu mung: dayaug: dao dayaug lang" be, genae" tau: kaid' ra" ru mung: yao: bam wa to" gelang: pyam" yhin" shae: mathao , yao: yao" amyu" yao: yao" na qao: mug: myid khyo lo" gelang: ga: ta" ko" ra".17 Egutu jhaung zug: Pharaoh wa gyoe; gyo" va". Pe" mung: khyag' mathaid' lo: , yao" suna ban: lai va" ga: zag: hug' ko"18 ra". – Gug: mang: din" gam ug yaug ga: mang khyao: qo" ra" jhaung zug: mho: ru wa- Ngo daui: na mung: bam jham mae Ta:bo: bam re" ru: , bang: lae yae mae" Karamela' bam re" ru: ai: zug: pho" wa li"19 lo nae". – Egutu mang: mae khug ngha: ra" zomyi: zo: we" kyam: laung" lo" nae" tau: ni" zai kug jham re seim" nyhang" to: wa, . Khoru: ga" re Nomphi: vomo" byu magai: na lo: sho' phyo' sin" pye' ru qhug' li"20 nae". – Egutu mang: wa gyai xau: yaung" ra" nung: jaung bae: ngaid: ra". Ngaid qere: mug: am: khyo" nhaung" khoe' nae" ru21 bo: lo: ra". – Yao" o: kaung jham wa xau lam: lateim" khau: to" ra" nung: jaung lo: re" ru: ngaid qere: byo, qeim nae" ba na , mho" shid' nae" ba na joe" lo: ra" mathao yao: bam maqo" ye; jo, lo: mung: daga" za: lhang: phaug' mung: phao: lo" ko" ra". –22 Sag' thau yaug re" ru: vo: zaung: ci mung: mo, mo" thaui: we' li" lo ko" ra" au: yao" dao: thoe wa lhao maui yoe" lo" ra" myang23 thoe re" ru: ngaid: li" nae". – Yao: bam wa matho' nghe' lo" ra" khyag' phaung" jham tho' myo" laug mung: gyai se: ra" seyo yo qao" yo re zab: nai: mhain" pye' li" genae"24 ga: Mo"so mho: ra". – Egutu zomyi: zo: wa qho' phau: va" ra". Yao: wa mug: am: shaid' mae mang: byu jham: lo, khug khyo25 qhaug' pye' ru qhug' va" ra". – Israel amyu" Mo"so gug: mang: din" gam ug yaug Mo"so ceru: ga: mho: ra". No" vogaung: mae jo; ra" Ammon: mo"so we' Pharaoh mae" ru Egutu mang: byu: mo"so jham re re: jhaung zug: qe ga" ra" ai: jhaung zug: re khug ngha: ra" mo, re Ngo mho" shid' nae". –26 Yao: bam: kao re qho: ra" Babilon: jhaung zug: Nebukhaneza: we' yao" daui mung mo; lo, khug khyo yao: bam re qhaug' pye' nae". Ai: thao mae dalhang Egutu mang: wa qhid' phyao: re" ru: qi: qhang na gai yaug yo: li" nae" ga: Mo"so mho: ra".27 Nga" daui mung yaug Yaku' we" dagy- aug . Israel amyu" we" nhag' lam: dagyug: . Nao re va" ra" mug: mae" re: , ni" amyu" myag: taui" pyaung" she: lo" ra" mang: mae" re: Ngo khyi: she: thug' lo: ra" khyo" yang: Yaku' amyu" wa dam: lo mung: kyaug' nhin" byu mana . Yaug yo cae: tae: za: na:28 na genae". – Nga" daui mung yaug Yaku' we" dagyaug daci". Ngo nao we' daga" na: . Nao re Ngo khe' thug' sin" ke' ra" mang: khao: ngo" jham re Ngo byo; baui: thao" lo" nhao ngaid qere: nao re mazao" tin: nae". Ngaid qere: shao" sho' qobo malhoe' shi: lo: ga" laug mho" shid' shi: nae" ga: Mo"so mho: ra".