1 Ana" Yuda jhaung zug: Yoshia yao: zo: Yehoiakim: tao" zaung: ru byid zin ein: zin mae Neria yao: zo: Barug' wa Yeremia nhaid' mae" thug' ra" dao: kheim: we' daru: tung" dang: mae tung" to: thao mae lapa Yeremia yao: re ta" kyo" ra" mung2 dao: wa – Barug' we" Israel Mo"so ceru:3 ga: mho: ra". – Nao lam: she, ngo yug no qobo qo" va". Mo"so wa ngo gaung yug sho: byo; ru mae kaug' qhui: ru paug' byid: venhaung . Ngo yaug yo myain cae" ru maqhug' myaung: dug: ru za: qhug' na:4 ga: mho: na: ra". – Mo"so ceru: ga: ta" ra". Yao: re nao ta" kyo: wa, . Ngo kaid' to" ra" ru re phyo' sin" pye' nae". Ngo qho" yhaug' to" ga" ra" ce: mang: din" geim" re Ngo5 naid: phain" shelhaui" pye' nae". – Nao wa qi: qhang khyo re ni" tau: qho: i"? daqho wa, . Qu" wa, . Daui mae" daui alhab' geim" au: dao mae qug: khai: kyi" khyag' ru re khyo" ke' nae". Ngaid qere: nao su" ye" lo" ra" khyi" khao: ngo" mae ni" kao re zai yo re" ru: Ngo nao re byid: nae" ga: Mo"so mho: ra".