1 Israel amyu" Mo"so gug: mang: din" gam ug yaug Mo"so wa Mo"ba' mang: qang yang: mho: ru wa , Nebo" vogaung: byu xa: vo: qoe, qhug' va". Byo, qeim: khyo joe" va". Kiriyathim: vogaung: wa lhaid' zo: lhaid' shaug' ru phau" ava".2 Misgaba: re: seim" byo; lo" va". – Mo"ba' mang: wa thao dalhang Heshabung: vo mae magai: bau" nghao" lo: nae". Gyevo jham wa Mo"ba' mang: re mang: din" aqi: maboe" nae" tau: qab: pye' gelang: ga: gye she nae" yaung veko". Madamena' vo we" nao re: byo; qeim nae". Shae lhae gye wa3 nao re cao" khe' li" nae". – Haramin: vo mae re: pyam" yhin" ru we' qi: sho' byo; qeim mung: zag: gyi: hug' thoe the' gyo"4 ra". – Mo"ba' mang: wa byo, qeim: ru qhug' mung: zoshao jham kaug' ngug thoe5 mung ko" ra". – Kaug' ngug ko" ra" thoe wa Luhid bam dao joe" ra". Horanim: vo khyo gyo" lo" ra" jo, qo mae re: khyo dang mae re: byo, seim" thoe re gyevo jham the'6 gyo: ko" ra". – Kao so' loe, nae" tau: tao" phao ge, wo". Gaoso yo mae" sag' kyaug'7 gae re" ru: boe" ge, . – Nao wa nao yao" jo, nho" dai kham we' na gai gaug qo" ru mae ngha: ra" mathao su pe" lo, khyo vao lo" li" nae". Khemosha' mo"so re re: yao" zug: yao" khin jaung jham we' daga" sham"8 tai: lo" li" genae". – Lhaid' zo: lhaid' shaug' yaug wa vo khao: ngo" khyo joe" davo re: loe, nae" mangaid: . Bug gaung lao: khaung: jham re: byo, qeim: lo" li" nae".9 Mo"so ai ru: mho: ra". – Mo"ba' qo" phao: loe, sho' daung te' byid: ge, . Vo jham mae byu sheim manae cae: jhug tag boe" byaug:10 li" nae". – Mo"so: mau" re qam: manug: ke' ra" yaug wa nhang: kheim: phau: veshao: . Byu re mase' lo: yao" shae tam" re dam: she: yu: ra" yaug wa nhang" ru qhug' veshao: .11 Mo"ba' wa ngai shi" yo, mae" sho' sho' gyao: gyao: ngaid: ra". Yao: wa yae: dayae: mae" dayae: khyo vhe' zaui: ru maqhug' , yao" jo, qo mae malam: lai: na: jo; ra" mathao yao" ave, wa azhao: mae" ngau:12 mabyo, maqeim ngaid: ra". – Ngaid qere: Mo"so mho: ru wa- yao: ajheim" khyo" gau" qu" ra" mo, re yao: jhao" nhao: ke' nae" ayo, joe" lo: li" nae". Yao: bam wa Mo"ba' re myo, jheim" qu" mung: yao" yae: jham re vhe' khyo" mung: qid am jham re be;13 kho' pye' li" genae". – Israel amyu" qe yao: bam lam khug ngha: ra" Bethela' mo"so: mathao qho' phau: ko" ru ru: Mo"ba' amyu" jham re: Khemusha' mo"so: mathao14 mae qho' phau: genae". – Ngonhaung" wa qam: bo mo, gye qo" khaid' mo, ngaid:15 ein: khoru: gai: ta" genae" i"? – Mo"ba' wa byo, qeim: lo" va". Vo jham nga" gyoe; gyo" veko". Yao: khyin: to" ra" zolau: jham wa se' ru khae: yu nae" tau: mae gyo" lo" veko" ga: gug: mang: din" gam ug ga: mang: ra"16 jhaung zug: mho: ra". – Mo"ba' re yhin" pyam" nae" ayo, jhao" va". Yao: thaung" qhug' nae" qug: khai: phyaid phyaid joe"17 li" nae". – Yao" avai: ayae mae na: ra" mo, we' yao" tau: kaug' myain" qhu: thoe mung ge, . Yao" mang re ba: ra" mo, we" kheim: so' bo: ra" lhae taid' nga: lho" ra" lhae daung: wa gyug: venhaung wo" ein:18 ta" ge, . – Dibeon: vo mae na: ra" zomyi: zo: we" nao na gai: jao: mae" gyo" mung: vae: moe; qid shab' ru we' zaung: jo, wa, . Mo"ba' re phyo' lhaid' yu nae" yaug wa nao na: jao: khyo li" lo mung: ni" zho: cang19 yham jham re phyo' pye' li" nae". – Aroba: vobyu we" khyodang mae ye; jo, mung: qu" ke' wa, . Pe" boe" pe" doe; ra" i"? ein: tao" phao: lo: ra" yaug gai we' loe; lo: ra"20 myiqe: myhi" re myid' qu" wa, . – Mo"ba' wa byo, qeim va". Gyoe; gyo" jo; ava". Kaug' myain" qhu: thoe mung ge, wo". Mo"ba' gyoe; gyo" va" akhyo re Anain: vo21 mae hau" kyo: ge, . – Jao: dae we' daga"22 Holon: , Yakaza: , Mephad' , – Debon: ,23 Nebo" , Bedabalathin: , – Kiriyathim: , Bedgamula', Bed' maung: vogaung: , –24 Barug' vo , Bozara' vo mae" ru Mo"ba' mang: mae jo; ra" va" ra" jhao" ra" jham wa25 qobo dae phau: veko" ra". – Mo"ba' khyug gyug' byaug va". Yao" lo, lam: re: gyug: va" ga: Mo"so mho: ra".26 Mo"ba' wa Mo"so re tug' shai" ra" mathao yao: re yid nhao ge, . Yao: wa yao: daug: phoe" to" ra" ru mae lhau: mung:27 jung" ru qhug' veshao: . – Nao Israel re jung" va" mangaid: i"? Yao: wa khug' mo; we' zam" qin" ru nao the' myao: i"? Ngaid qere: yao" akhyo ta" khao: ngo" nao au:28 nghoe" nghoe" venhaung i"? – Mo"ba' mang: mae na: ra" mo, we" vogaung: re to: co' mung: laug aug' jham mae na ge, . Dung: gyain: nhaid' mae said' said'29 ra" phaung" kyug' ru: boe" ge, . – Mo"ba' nhag' myid re ngonhaung" the' gyo" qu" va". Qi" ra" nhag' myid , nhag' lam: qao: ru , ngaid beim" ru , nhag' lam" lamyid30 qi: ngaid qere: – Yao" nhag' yo" gyid' ru re Ngo wa ba mung: yao: wa ngaid beim: dao: seim re ta" zo" re" yao: o ngaui: khyo: pe" re: mazai" poe" ngaid: ra" ga: Mo"so31 mho: ra". – Ai ru: mung: Mo"ba' tau: Ngo nyung nae". Mo"ba' mang: damang" geim" tau: Ngo kaug' myain" qhu: thoe mung nae". Kiriahered' vobyu qe: tau: nyung: ru32 jo, nae". – Sibama: sabyi' naui we" Yaza: vo tau: ngug byid gyo" ra" tho' mae ni" tau: Ngo ngug byid gyo" naemyao: . Ni" anyaug jham wa Yaza: bang: lae joe" sho' naui: lo" ko" ra". Phyo' qhiem" nae" yaug wa ni" shi: we' sabyi' shi: jham re lhaid'33 yu: li" nae". – Gai: thao" yothaung: jham we' Mo"ba' mang: khug mae ngaui bau: zhao: yao: ru byid: byaug va". Sabyi' pyag' jao: mae sabyi' qang: re Ngo kin" lo" nhao nae". Zag: hug' ru we' sabyi' pyag' genae" mangaid: . Ngaui bau: ngaui yao hug' ra" thoe wa ngaui bau: yang: hug' ra" thoe34 mangaid: ngaid: ra". – Heshabung: mae" Elale we' Yahaza: joe" sho' Zora' vo mae" Horanim: vo joe" sho' yao: bam zag: hug' thoe myang: na: . Khoru: ga" re Nimrim: qid lao: jham re: cae: jhug tag boe" byaug35 va". – Mo"ba' mang: myhao: ra" bug gaung mae caung da" ngaui" yaug , yao: yao" mo"so jham re sheim nae pyo: ja: ngha" hab' ngaui" ra" mo, re Ngo phyid' khyo' pye' nae" ga: Mo"so mho: ra".36 Ai ru: mung: Nga" nhag' lam: wa Mo"ba' tau: khulhao: re" ru: , Kiriahered' byu qe: tau: Nga" nhag' lam: wa khulhao: ru: myang: li" nae". Yao: bam qho: qaung" to" ra" jo, nho" dai kham wa byo; qeim:37 lo" va". – Byu yaug nge, au: daung: mung: nhaid' mug' qaug: pye' qhug' veko". Lo, re zai" caid' mung: jid: mo" mai bau: ve,38 ko" ra". – Mayhung: lo" ra" ug' re be; kho' ru re" ru: Mo"ba' mang: re Ngo be; kho' pye' ra" mathao mae Mo"ba' mang: yham khaung dao mae re: , khyodang mae re: kaug' myain" qhu: thoe mung: yhai: qin"39 genae" ga: Mo"so mho: ra". – Yao: bam re: Mo"ba' wa byo; qeim: lo" venhaung wo" , qho' phau: mung: qui" lo" venhaung i"? ga: kaug' myain" qhu: thoe mung genae". Mo"ba' wa qho' phau: mung: yao" avai: ayae mae na: ra" mo, alhab' gyaug: din pho:40 boe" nae". – Mo"so mho: ru wa- gyevo wa zeim baung: re" ru: dao" li" mung: daung vho' yang Mo"ba' mang: re nghoe' gam: li"41 nae". – Kiria vo re phyo' sin" pye' mung: gye qe re khaid' aung: yu ko" mathao mae Mo"ba' sulhe: qe: nhag' lam: wa zo: khau no no: ra" myiqe" nhag' myid ru:42 boe" genae". – Mo"ba' wa Mo"so re tang: tug' ngaid beim" ra" mathao thao dalhang mang: din" ga: maboe" lo: sho' byo, qeim:43 baui" lo" li" nae". – Mo"ba' amyu" zo: qe we" nao gyaug pho" ra" nam , dung: gyain: ,44 lha" khug vao va" ra". – Gyaug pho" ra" nam mae" tao" phao yaug wa dung: gyain: mae gyo" nae". Dung: gyain: mae" loe; lo" ra" yaug wa lha" mae myi" nae". Mho" shid' ra" ayo, akhin: re Mo"ba' mang: mae Ngo khyo" ke' nae" ga: Mo"so mho: ra".45 Tao" phao: ra" mo, wa qam: nang: mung: Hishbon: vomo" qab re khug ko" ngaid yang: re: Shihung: jhaung zug' jo, qo Heshbon: vo mae" myi: she thug' li" mung: nhag' lam: qao ngaid beim" ra" mo; au: mae" ru Mo"ba' mug: thao" joe" sho' nga"46 lo" li" nae". – Mo"ba' mang: we" nao wa byu xa: vo: qoe, va". Khemusha daui mung mo, we" naonhaung" so' ha" nang" byaug veko". Naonhaung" zo: dau qe re sham"47 pyaung" tai: lo" veko". – Ngaid qere: sham" pyaung" tai: lo" ra" Mo"ba' amyu" zo: qe re thao phyao" ayo, mae Ngo jhui" lo shi: nae" ga: Mo"so mho: ra". Ceru wa Mo"ba' mang: re yhin" pyam" ru ngaid: ra".