1 Ana" Yeremia wa yao: bam: Mo"so: khang" to" ru we' dakhyo: mang: byu jham2 re kai" ta" kyo" bin lao" – Hoshe" yao: zo: Azari we' Karea yao: zo: Yohanain: we' nhag' lam: qao: ra" mo, alhab' wa nao madang main" ra" dao: jhau: ra". Egutu mang: mae maye: gai: khug ngha ga: ngon- haung" AsAng Mo"so wa nao re mapin:3 to: . – Khalade" byu qe ngonhaung" re se' pye' mung: Babilon: khyo sham" tai: pyaung" lo" nae" tau: Neria yao: zo: Barug' wa nao re ju" phyo' ra" ga: mho ko" ra". –4 Karea yao: zo: Yohanain: we' gye sin: thu jham we' mang: byu jham wa Yuda mang: mae na ge, ga" dao: re makhae: yu matae" gyo: lo: .5 Mang: din" khao: ngo" khyo khe' thug' sin" ke' qhug' mung: Yuda mang: mae na nae" ga: dam: lo: ko" ra" Yuda amyu"6 mae dang shi" ra" mo, – yaug gai myiqe: zoshao qe we' zug' zomyi: jham re lhaug' zaung" mo, zug: pho" Nebudzaradain: wa Shaphain" yao: myid: Ahikam" yao: zo: Gedalia mae qhaug' co' ra" alhab' geim" re re: lapa Yeremia , Neria yao: zo: Barug' re re: Karea yao: zo: Yohanain: we' sin: thu qe7 jhui" pyaung: mung: – Mo"so mho dao: re matae" gyo: lo: Egutu mang: khyo gyo" ye: mung: Taphain: vo mae ye: na ko" ra".8 Taphain: vo mae Mo"so: mung dao: wa9 lapa Yeremia jhao" joe" li" ru wa – laug baui aqi: dabaui re yu mung: Taphain: vo mae Pharaoh jhaung zug' yham nhae mae jo; ra" zho: gam: myid gaung mae Yuda amyu" jham: qhid' kheim: mae dau" nyhab' wa, .10 Yao: bam re re: – Israel amyu" Mo"so gug: mang: din" gam ug yaug AsAng Mo"so mho: ru wa Ngo byu re nhao: ke' mung: Nga" jeim Babilon: jhaung zug: Nebukhaneza: re khai: yu yang: Ngo nyhab' to" ra" ce: laug baui dao mae yao" la kin re zhaug' nhao nae". Yao: re: yao" seim zaung re ce: laug baui dao mae lao" myhung" to" li" nae". –11 Yao: wa joe" li" mung: Egutu mang: phyo' qheim" sin" pye' mung: shid main: qi" yaug re shid nae" khyo , se' main: qi" ra" yaug12 re kyam: lhaung" ru kaid' li" nae". – Egutu mo"so: yham re myi: ngha" nae". Yao: re: ai jham re ngha" mung: sham" khyo" pye' li" nae". Yao zaung" yaug wa yao" mai bau: re ve; ru ru: ai: zug: wa Egutu mang: re tau: ve; ci mung: ai: mang: mae myain yo13 za: thug' lo" li" nae". – Egutu mang: Betsh- eme vogaung: mae" laug baui zang jham re be; khyug' mhain" pye' mung: Egutu yham jham re myi" yang ngha" jheim" khyo" pye' byid' li" nae" ga: Mo"so mho: ra".