1 Alao" Karea yao: zo: Yohanain: Hoshe" yao: zo: Yezani: we' sin: thu , sin: zo: laka" byu nhag' bo: lau: de, zoshao alhab' bam: wa lapa Yeremia jhao" qui" te' ye: mung: –2 Ngonhaung" wa qhid' phyao: myo: laug ngaid qere: ana" nao the' myao: ru we' dakhyo: dajhid' zo: za: adang lo: mung: –3 Ngonhaung" mho' bain" ra" dao: re daha byid: la, . Ngonhaung" na: ye: nae" akhyo we' khoru: kaid' nae" akhyo re ni" Mo"so wa ngonhaung" tau: qhu" byid: ceim" shid' nae" akhyo re ni" Mo"so re jhaung: mho'4 byid: la, ga: mho' ko" ra". – Alao" lapa Yeremia wa ngo the' gyo: va". Naonhaung" ta" ru we' dakhyo: nao nhaung" AsAng Mo"so re mho' nae". Mo"so naonhaung" re ta" ra" gu: mavho' manyham" to: lo: naonhaung" re dam: ta" kyo: nae" ga: mho:5 ra". – Yao: bam re: ni" Mo"so nao khyo" ngonhaung" re pin: ke' ra" khyo: ngon- haung" kaid' cao" nae". Mo"so wa ngon- haung" mae dang main" dao: so: zaung: ra"6 sagso: ngaid veshao: wo". – Ngonhaung" wa ngonhaung" Mo"so: mung dao: re tae" gyo: lao" yaug yo nae" akhyo ngonhaung" nao re nhao: ke' yang: ngonhaung" Mo"so: dao: gai: ru ngaid qere: magai: ru ngaid qere: tae" gyo: naeva" ga: lapa Yeremia re mho ko" ra".7 Ai: thao daxe ba kho myao" lo" au: Mo"so: mung dao: Yeremia jhao" joe"8 lao" – lapa Yeremia wa Karea yao: zo: Yohanain: mae" ru yao: mae bobo: ra" sin: thu jham we' byu ngai: zo: qi" zo: alhab' re9 khai: zhang: mung: – naonhaung" ngo re nhao: ke' mung: mho' bain" re Israel amyu"10 Mo"so ceru: ga: mho: ra". – Gai gai: naon- haung" ce: mang: mae na ko" re Ngo wa naonhaung" mabyo, maqeim zhaug' tang nae". Naonhaung" re manaid: lhaui: nae". Qho" yhaug' nae". Ngo naonhaung" mae khyo" byid' ra" qug: khai" mathao naung11 myid qo" va". – Naonhaung" gyaug: na ko" ra" Babilon: jhaung zug: re dagyaug ge, . Mo"so mho: ru wa ai: jhaung zug: re gyaug maca". Ngo naonhaung" re khyi: yu mung: ai: zug' lo, mae" she: thug' yu nae" tau: naonhaung" khug mae Ngo na: . –12 Ngo naonhaung" re nhag' khyag' shogu: ra" khyo" ai: jhaung zug: wa naonhaung" re nhag' khyag' shogu: mung: na qao: mang: khyo dam: lo" na nhao: li" nae". –13 Mangaid: lao" naonhaung" wa ngon- haung" ce: mang: mae mana maye, nae". Ngonhaung" Mo"so: dao: re re: matae"14 gyo: lo: – mangaid: nae" , ngonhaung" wa Egutu mang: khyo gyo" ye: nae". Ai mae gye maphau: nae". Vae: moe; qid shab' maphau: nae" , labo" thoe mathe' gyo: lo:15 nae" ga: ta" ko" ngaid: re – na: dang: gyo" ra" Israel amyu" zo: qe we" Mo"so: dao: re gyo: ge, wo". Israel amyu" Mo"so gug: mang: din" gam ug AsAng Mo"so mho: ru wa , naonhaung" Egutu mang: khyo ye: nae" tau: dang dang myid: phyid' yang: ai: mang: mae gai gai: ye: khug ngha ko" re –16 naonhaung" gyaug: ra" shae gye wa Egutu mang: mae naonhaung" re cao" myhi: li" nae". Vae: moe; qid shab' gye re: Egutu mang: mae naonhaung" re cao" khe' myhi mung: ai: mang: mae naonhaung" shid:17 dam: genae". – Egutu mang: mae ye: khug na nae" tau: myo, khung: lhang: phaug' lo" ra" mo, alhab' wa shae lhae gye , vae: moe; qid shab' gye , no qam" gye: yang shid genae". Ngo yao: bam: au: dao mae khyo" ke' ra" qug: khai: mae" dayaug re: maqo" loe, nae". Dayaug daqo: re: magai: na lo: nae".18 Israel amyu" Mo"so gug: mang: din" gam ug yaug AsAng Mo"so ceru: ga: mho: ra". Yerusalem: vobyu qe: au: dao mae Nga" nhag' gyid' ru vhe' sheim" ke' ru" ru: naonhaung" wa Egutu mang: khyo joe" ra" au: naonhaung" au: dao mae vhe' sheim" ke' yang: naonhaung" wa nhang" ru , mug' ru , jham kai" ru jung" khyoe' pho: boe" genae". Ce: jo, qo re madam: myao lo:19 genae". – Na: dang: gyo" ra" Israel amyu" zo: qe we" Egutu mang: khyo daye: ge, ga: naonhaung" re Mo"so: amyin" dao: jo va". Ngo naonhaung" re ana" ne, sagso:20 kham: ru re ba: gyo" xam" to: ge, . – Gai gai: naonhaung" wa naonhaung" Mo"so re ngonhaung" tau: mae" jhaung: mho' byid: la, . Ngonhaung" AsAng Mo"so mho: ra" gu: alhab' re ta" shid' kyo: la, . Ngo- nhaung" tae" gyo: cao" nae" ga: yang: ngo re naonhaung" AsAng Mo"so jhao" nhao: ke' ko" au: yao: yao" nhag' myid re pyag'21 sham" vhain" veko". – Ngo naonhaung" re ana" ba ta" kyo: va". Naonhaung" kam" wa naonhaung" AsAng: Mo"so: dao: re re: , ngo khyo" pin: ke' ra" gu: re re: matae" gyo: lo:22 na bam veko". – Ai ru: mung: naonhaung" ye: khug ngha nug: ra" jo, qo mae shae lhae gye , vae: moe; qid shab' gye we' no qam" gye: yang shid: dam: nae" ru re beim: ge, wo" ga: lapa Yeremia mho: ra".