1 Ana" lho" mo" nhaid' khye' mae jhaung zug: amyu" ngaid: ra" Elishama" yao: myid: Nathainia yao: zo: Ishmela' wa byu lam: daxe we' Ahikam" yao: zo: Gedalia na: ra" Mizapa: vo khyo li" lo mung: daga" zo:2 shaug' na ko" ra". – Ai: au: Nathainia yao: zo: Ishmela we' ai: byu daxe yaug wa to" ye; li" mung: Babilon: jhaung zug: mang: zug: kaid' nhao: to" ra" Ahikam" yao: zo: Gedalia re shae: yang qam" se' pye' ko"3 ra". – Ishmela wa Mizapa: vo mae Gedalia jhao" khug ngha: na ko" Yuda byu alhab' re re: the' myao: ra" Khalade" gyezo: jham re re: se' pye' ra".4 Gedalia re se' pye' thao shid' ba ngaid qere: ai: akhyo re khag' re: maba shi:5 geyang: – Shekhim: vo , Shilo" vo , Samari vo mae" byu she' xe yaug wa mai jaid: bau: jaid: ve; ru we' yao: yao" gaung re kyin: caid' ci , nhaid' mug' qaug: pye' mung: Mo"so: yham khyo caung da" jhaung qhu" xeim: sheim nae pyo" ra" ja: jham re ci: li"6 ko" ra". – Nathainia yao: zo: Ishmela' wa ai bam re tug: yu nae" tau: ngug zo" re" Mizapa: vo mae" thug' ye" lo" mung: qhug' the' myao lao" Ahikam" yao: zo: Gedalia jhao" li" lo ge, wo" ga: khai: ra".7 Vo khug joe" lao" Nathainia yao: zo: Ishmela' we' yao" byu qe wa ai bam re se' mung: dung: gyain: khug khyo pye' zaui:8 khyo" ko" ra". – Yao: bam mae bobo: ra" byu daxe yaug: gu: wa ngonhaung" re dase' la, . Ngonhaung" qaung" to" ra" saung so gaug yho" , xau we' byo: yhid jham seyo mae jo; ga: Ishmela' re mho ko" mathao yao: bam re yao: bam: mao: nhaung: qeru:9 daga" mase' ngaid: ra". – Ishmela' wa Gedalia we' daga" se' pye' ra" mo; mao re nyhab' ra" dung: gyain: wa jhaung zug: Asa: wa Israel jhaung zug: Basha: re gyaug mung: dau" to" ra" dung: gyain: ngaid: ra". Ai: dung: gyain: re Nathainia yao: zo: Ishmela' wa mao gaung jham we' byang"10 vin" nhao: pye' ra". – Alao" Ahikam" yao: zo: Gedalia lo, mae lhaug' zaung" mo; zug: pho" Nebudzaradain: qhaug' co' ra" zug' zomyi: jham we' Mizapa: vo mae na: dang: gyo" ra" mo, re Nathainia yao: zo: Ishmela' wa sham" jhui: mung: Ammon: amyu" zo: myid qe: mang: khyo lo" nae" seim" ra".11 Ai re" ru: Nathainia yao: zo: Ishmela' kaid' ra" mashab makhyang" mau" alhab' re Karea yao: zo: Yohanain: we' daga" yao: we' daga" na ko" gyezo: jham the' gyo:12 mung: – Ai bam alhab' re khai: jhui: yang: Nathainia yao: zo: Ishmela re cao" khe' ko" re Gibeon: qid lao: nhae lo" cao" myhi13 ko" ra". – Ishmela' jhao" bobo: lo" ko" ra" mo, alhab' wa Karea yao: zo: Yohanain: we' yao" byu jham myao lao" ngaui bau:14 ko" ra". – Alao" Mizapa: vo mae" Ishmela' sham" jhui" lo" ra" alhab' wa Karea yao: zo: Yohanain: shaid' khyo lhang: phaug' ye;15 lo" ko" ra". – Nathainia yao: zo: Ishmela wa byu she' yaug we' daga" Yohanain" lo, mae" qo" thug' phao mung: Ammon:16 amyu" zo: qe: mang: khyo lo" ko" ra". – Ai re" ru: Ahikam" yao: zo: Gedalia re se' pye' thao Karea yao: zo: Yohanain: we' yao" byu qe wa Nathainia lo, mae" re: Mizapa: vo mae" re: na: dang: ra" mo, ga" ra" gyezo: jham myiqe: jham zoshao jham re Gibeon: vo mae" dam: jhui" pyaung" lo mung: –17 Khalade" byu qe: mathao mae Egutu mang: khyo phao: khug nae" ga: myid ko" mung: Belehem: vogaung: we' jhao" ra" Khiham ga" jo, qo mae lo: thang: na: bam ko"18 ra". – Khoru: ga" re mang: ug zug: aya: re Babilon: jhaung zug: khyin: nha: to" ra" Ahikam" yao: zo: re Nathainia yao: zo: Ishmela' yang se' ra" mathao mae Khalade" byu jham re gyaug ko" ra".