1 Lhaug' zaung" mo, ug: ra" zug: Nebudzaradain: wa Yeremia re dalhang dam: jhui" yu yang: Rama' vo mae" nhao: ke' thao Mo"so mae" mung dao: joe" li" ra" akhyo wa , Babilon: khyo sham" jhui" lo" qhug' ra" Yuda mang: byu , Yerusalem: alhab' geim" we' daga" Yeremia wa jao co:2 dam: yang taui: qhug' ra" au: , – lhaug' zaung" mo, re ug: ra" zug: pho" wa yao: re khai: yu mung: ni" Mo"so wa ce: mang:3 re kyaug' nhin" to: gau ngaid va". – Kyaug' nhin" to" ru we' dakhyo: re: mau" re zaui: so: va" ra". Naonhaung" amyin" dao: re matae" gyo: , Mo"so re shaid' nghung: ko" ra" mathao ceru" mau" naonhaung" au:4 dao mae joe" ava". – Ana" ngo nao re taui: mae" pheim: ke' nae". Ngo we' daga" Babi- lon: khyo cao nug: re cao la, . Ngo nao re gelho: za: qu" gam caung nae". Ngo we' Babilon: khyo macao nug lao" re: dacao . Damang: geim" ni" qhid' kheim: jo; ra". Nao na nug: ra" jo, qo ye" lo" wa, ga: mho:5 ra". – Yeremia myid: nghae" aug' o" na: au: lhaug' zaung" mo; zug: pho" wa Babilon: jhaung zug: wa Yuda mang: re ug nae" tau: mae mang: zug: aya: re Shaphain" yao: myid: Ahikam" yao: zo: Gedalia jhao" lo" mung: mang: byu qe we' daga" lo" na wa, . Mangaid: lao" na nug: khyi" lo" na wa, ga: zo: shaug' pho: we' jhaung qhu" jham re6 byid: mung: nhao: ke' ra". – Alao" Yere- mia wa Ahikam" yao: zo: Gedalia na: ra" Mizapa vo khyo lo" mung: dang: na: bam shi" ra" mo, we' daga" lo" na: ra".7 Babilon: jhaung zug: wa Ahikam" yao: zo: Gedalia re mang: ug aya: byid: co' mung: Babilon: khyo jhui" lo" mo, mae mabo: bo: ra" yaug gai myiqe: zoshao myaung sho: mo, daqhae: re yao: mae qhaug' co' ra" ga" ru re seyo mae gug' na ko" ra" sin: thu qe we' sin: zo: laka" jham8 the' gyo: ko" ra" au: – Nathainia yao: zo: Ishmela'karea yao: zo: Yohanain: we' YoNathain: , Tamined yao: zo: Saraya' , Netophid' amyu" Ephe" yao: zo: jham , Makhali' amyu" Yezania jham wa yao: bam: byu jham we' daga" Gedalia na: ra"9 Mizapa: vo khyo lo mung: – Shaphain" yao: myid: Ahikam" yao: zo: Gedalia wa- Khalade" zug' mau" re vin vo, daci" ge, . Ce: mang: mae na mung: Babilon: jhaung zug' mau" vin vo, caung da" ge, . Ai ru:10 kaid' lao" yaug yo genae". – Ngo kam" wa joe" lo: li" genae". Khalade" byu qe: dao: re gyo" cao" nae" tau: Mizapa vo mae na: na nae". Naonhaung" sabyi' qang: re re: zin vao kheim: mae mhang" qao" ra" shi: jham re re: , xau re re: zhang: yang: qaung" to: ge, . Ana" joe" na: ra" vo mae na ge, ga:11 dao: so: byid' ra". – Babilon: jhaung zug: wa Yuda mang: mae byu daqhae: tang" nha mung: Shaphain" yao: myid Ahikam" yao: zo: Gedalia re zug: nhao: to" ga" dao: re Mo"ba' mang: , Ammon: mang: , Edom: mang: we' mang: khao: ngo" mae na: bam ko" ra" Yuda byu alhab' the' gyo: ko" ra"12 au: – yao: bam re khe' thug' ke' ra" mang: khao: ngo" mae" zang" lo mung: Yuda mang: Gedalia na: ra" Mizapa: vo khyo, joe" lo mung: sabyi' qang: we' zin vao kheim: mhang" qao" ra" shi: jham re gyai myo: laug sho' qo" jham" yu ko" ra".13 Ai: thao Karea yao: zo: Yohanain: wa seyo mae na: ra" gye zug: jham we' daga" Gedalia na: ra" Mizapa: vo khyo lo14 mung: – Ammon: zo: myid: qe: jhaung zug: wa nao re se' nae" tau: Nathainia yao: zo: Ishamela' re nhao: ke' ga" ru nao ba va" i"? ga: myid: qere: ai: dao: re Ahikam" yao:15 zo: Gedalia wa malam" ngaid: ra". – Ai: au: Karea yao: zo: Yohanain: wa ngo ye: mung: Nathainia yao: zo: Ishmela' re khug' se' pye' nae" akhang" byid: la, khag' re re: maba nhao nae". Nao re se' mung: nao mae ham: na: bam ko" ra" Yuda byu alhab' abyo asin: boe" lo" mung: Yuda mang:dang: gyo" na: ra" mo, pe" mathao shao" gain: lo" zai i"? ga: Mizapa: vo mae Gedalia re sae za:16 khug' ta" qe re: – Ahikam" yao: zo: Geda- lia wa nao ai ru: magai: kaid' nae". Ishme- la' akhyo madang main" ra" dao: dam: ta" ava" ga: Karea yao: zo: Yohanain: re dam: mho: ra".