1 Ana" Yuda jhaung zug: Zedekia tao" zaung: ru gug zin ein: zin lho" mo" daxe khye' mae Babilon: jhaung zug: Nebukhaneza: wa gyezo: mo, thaui: we' li" lo mung: Yerusalem: vo re li" lhang" kham"2 veko". – Zedekia tao" zaung daxe: dazin lho" byid khye' gug ba: ne, re vokham"3 kyaung" phaug' ko" ra". – Yerusalem: vo khaid' aung: yu: ra" ba mae Nebudkhane- za" khaung: mhao: qe we' agyi zug: ade, qe wa vogaung: kao" mae" kham: dung: mae zaung: na: bam ko" ra".4 Yuda jhaung zug: Zedekia gye khe' sulhe: jham wa ai bam re the' myao lao" myi" gae gaung: mae khyae yae cao" yho" phao mung: vokham" shid' pyae agyo" kham: dung: khyo" thug' jao: dae khyo5 phao ko" ra". – Khalade" gyezo: qe cao" khe' ko" re Yerikho" jao: gyu" mae Zedekia re myhi: cam" taui: mung: Babilon: jhaung zug: Nebukhaneza: na: ra" Hamaid' mang: Ribala' vo khyo jhui" lo" ko" ra". Babi- lon: jhaung zug: wa Zedekia re ca: pyam"6 mung: – Ribala' vo mae Zedekia yao: zo: jham re yao: pho" myo, qhao: tau mae se' ko" ra". Yuda agyi khaung: mhao: jham re7 re: se' qhu" ko" ra". – Zedekia re myo, jid' thug' phaug' mung: yao: re kyam: xao" ko"8 ra". – Khalade" byu jham wa jhaung zug' yham we' vobyu qe: yham re ngha" pye' mung: vokham" re re: dau" phaid' phyo'9 khyo" pye' ko" ra". – Ai: au: lhaug' zaung" mo; zug: pho" Nebudzaradain: wa vo mae dang: na: jo; ra" mo, , Khalade" byu qe jhao" phao: khug: na: ra" mo, , dang shi" gu: re Babilon: khyo pyaung" lo" ra". –10 Ngaid qere: pe" maqo" majo; ra" sho: jhin mo, daqhae: re Yuda mang: mae nha: to: co' mung: khyae jham we' yothaung: yo gug jham re byid: co' ra".11 Babilon: jhaung zug: Nebukhaneza: wa lapa Yeremia akhyo re lhaug' zaung" mo; zug: pho" Nebudzaradain: re pin: to: co'12 ra". – Yeremia re jhui" yu yang: gelho: za: qu" gam caung wa, . Dayhin" pyam". Yao: mho: ru we' dakhyo: yao: re kaid' cao" wa,13 ga: pin co' ru we' dakhyo: – lhaug' zaung" mo, zug: pho" Nebudzaradain: , byu shain: jham re ug: ra" Nebudshazabain: , Magu' juyi ba mo, re ug: ra" Negarala-shureza: Babilon: jhaung zug' khaung: mhao: jham14 wa byu re nhao: ke' mung: – lapa Yeremia re kyam: mae" phoe' thug' yu yang: yao" jo, qo khyo dai" byid: nae" tau: Shaphain" yao: myid: Ahikam" yao: zo: Gedalia' re qhaug', ko" ra". Ai ru: mung: Yeremia wa mang: byu jham we' daga" qhug' na: ra".15 Yeremia kyam: khug mae laung" na: au:16 Mo"so: mung dao: joe" ru wa – nao Kusha byumyu" Abed-Meleg' re ta" kyo: nae" ru wa , Israel amyu" Mo"so gug: mang: din" gam ug yaug AsAng Mo"so mho: ru wa , ce: vogaung" akhyo re magai: ru gai: ru kaid' nae" Nga" dao: re dang jhaug' nhao nae". Ayo, akhin: joe" lao" ni" qhid' kheim: mae17 byang" dang: lo: li" nae". – Ngaid qere: ai: ayo, mae Ngo nao re khyi: yu nae". Nao gyaug: ra" byu qe: lo, khug khyo majoe"18 nhao nae". – Ngo wa nao re gai gai: yao: khyi: yu nae". Nao shae lhae mae mashid nae". Zai gyo" re" ru: ni" kao loe, nae". Khoru: ein: re nao Ngo mae khug ngha: ra" mathao ngaid: ga: Mo"so mho: ra".