1 Mo"so ceru: ga: mho: ra". Ce: vo mo" mae na: ra" mo, wa shae lhae gye , vae: moe; qid shab' gye , no qam" gye mae shid genae". Khalade" byu qe jhao" phao: vao: ra" mo, kao loe, mung: yao" kao so'2 wa zai gyo" re" ru: ngaid mung: – ce: vomo" re Babilon: jhaung zug' gye mo" thaui: jham: lo, mae dang dang qhaug' pye' ru qhug' nae". Yao: wa sham" lo" li" nae" ga: re: Mo"so mho: ra" ga: Yeremia mang: byu jham re ta" kyo" ra" lau dao:3 re – Matain" yao: zo: Shephati , Pashura' yao: zo: Gedallia , Shelenia yao: zo: Yehu- khala' Malkhi yao: zo: Pashura' bam the'4 gyo: ko" ra" au: – Ai: agyi khaung: mhao: qe wa jhaung zug: jhao" vao ye: mung: byu ce: yaug wa ceru" dao: re ta" kyo: yang: vo khug mae dang shi" ra" gye sulhe: jham we' mang: byu qe re qam: khyug' ru boe" ra". Yao: wa ce: amyu" qe re maso' ha" nhao: ru za: mago" phyo' qheim" ba: ra". Ai mung: yao: re se' nae" tau: mae mho'5 vhao" ko" ra". – Zedekai jhaung zug: wa yao: wa naonhaung" lo, khug mae ngaid: ra". Jhaung zug: wa naonhaung" re maqo"6 tam" kyo" ga: mho: ra". – Alao" yao: bam wa Yeremia re cam" yu mung: kyam: vang" mae jo; ra" Malkhi dung: gyain: mae taui" khyo" ke' ko" ra". Ai: dung: gyain: mae qid mabo tham: bab: za: ngaid mung: Yeremia wa tham: bab: mae lhau" na: ra".7 Ai re" ru: Yeremia re dung: gyain: mae taui" khyo" to: ko" ga" dao: jhaung zug' khaung: mhao: ngaid: ra" Kusha byumyu" Ebed-Meleg' the' gyo: lao" jhaung zug: wa Benyamin: kham: dung: mae zaung: na:8 au: mae – Ai: yaug wa jhaung zug' yham mae" thug' ye: mung: jhaung zug: jhao" ye:9 yang: – nga" asang jhaung zug: we" yao: bam Yeremia re kaid' ra" khyo wa shaid' va" ra". Dung: gyain: mae khyo" lhaung" to: veko". Vo khug mae cin main" gain: byaug lao" ai: dung: gyain: mae vae: moe; mung:10 shid: byaug: li" nae" ga: mho lao", – alao" jhaung zug: pho" wa Yeremia mashid shi: re ce: jo, qo mae" byu sam xe re khai: jhui" ye: mung: Yeremia re dung: gyain: mae" ye: phoe' she: thug' yu ge, ga: Kusha amyu" Abed-Meleg' re amyin" byid' ke' ra". –11 Abed-Meleg' wa byu jham re khai: jhui" ye: mung: jhaung zug' yham kug qe, gyid' khyo vao yang: mai jaid: bau: jaid: jham re Yere- mia na: ra" dung: gyain: khug khyo yhoe"12 khyo" ke' ra". – Kusha byu Abed-Meleg' wa ce: mai jaid: bau: jaid: jham re ni" lo, jhe' khyaung" taui: mae nhae: wa, ga: mho:13 ru we' dakhyo: Yeremia kaid' ra". – Ai re" ru: Yeremia re dung: gyain: khug mae" lao" to' thug' yu ko" ra". Ai: thao mae kyam: vang" khug mae na nhao: to: ko" ra".14 Ai: thao jhaung zug: Zedekia wa byu re nhao: ke' mung: pa" jhaung: yham qe, sam lam: akhug khyo Yeremia re khai: vhao" yu yang: nao re ngo daja: ja: myid' qu" nae" pe" re: danyham: davho' to: ga:15 mho lao" – Ngo ta" kyo: lao" nao ngo re dang dang yao: mase' nae" i"? nao re ngo juyi byid' re nga" dao: re tae" gyo" cao" nae"16 i"? ga: Zedekia re mho: ra". – Jhaung zug: Zedekia wa ngonhaung" re kao so' byid' ra" Mo"so daui: na: ru we' dakhyo: ngo nao re mase' nae". Ni" kao re kung" ra" mo; lo, khyo re: maqhaug' nae" ga: Yeremia re sae za: jham kai" ra".17 Yeremia wa jhaung zug: Zedekia re Israel amyu" Mo"so gug: mang: din" gam ug yaug Mo"so ceru: ga: mho: ra". Nao Babilon: jhaung zug' agyi: khaung: mhao: qe jhao" vao ye" ngaid: re kao loe, nae". Ce: vo re: myi: nga" nae" mangaid: . Nao we' daga" ni" myi: zo: ba nam sang: cao: re: kao18 loe, beim genae". – Ai ru: mangaid: lao" nao wa Babilon: jhaung zug' agyi khaung: mhao: qe jhao" maye: vao re ce: vo re Khalade" byu qe: lo, khug khyo qhaug' mung: yao: bam wa myi: ngha" genae". Nao re: yao: bam: lo, mae" loe, zai mangaid:19 ga: Zedekia re mho: ra". – Zedekia wa Khalade" byu qe jhao" phao: vao ko" ra" Yuda byu jham re ngo gyaug: ra". Ngo re yao: bam: lo, mae qhaug' pye' mung: ngo jung" khyoe' ru phau: nae" gaung yug: ra"20 ga: lapa Yeremia re mho: ra". – Yeremia wa yao: bam nao re qo" qhaug' genae" mangaid: . Ngo kai" zhao: kyo" ra" Mo"so:21 dao: re gyo: wa, . – Mangaid: lao" nao wa ngo maye: nae" ga: ha: ngaid re Mo"so ngo22 re ceim" shid' qhu" ru wa – Yuda jhaung zug' yham mae dang: na shi: ko" ra" myiqe: jham re Babilon: jhaung zug' agyi khaung: mhao: qe jhao" jhui" pyaung" ye: genae". Ni" ba nam sang: cao: qe nao re ju" phyo' mung: aung veko". Ni" khyid tham: bab: mae nab: qe" mung: yao: bam qui" tug' lo"23 ko" ra" ga: nao re khyoe' li" genae". – Ai re" ru: ni" myi: zo: jham alhab' geim" re Khalade" byu qe jhao" jhui" lo" li" genae". Nao re: yao: bam: lo, mae" qo" loe, zai mangaid: . Babilon: jhaung zug: jhao" joe" mung: ce: vogaung: re ngha" pye' li" genae" ga: mho: ra".24 Jhaung zug: Zedekia wa ce: dao: khag' re re: daba nhao . Ai ru: kaid' lao" nao25 mashid nae". – Ngo nao we' dao: jhau: ra" akhyo re agyi khaung: mhao: jham the' gyo: mung: nao na: li" yang: nao jhaung zug: re pe" ta" kyo" ru re: jhaung zug: nao re khoru: ga: khang" ru re mazug' mavho' lo: ngonhaung" re ta" kyo: la, ga:26 mho ko" re – nao re: ngo re shid veshao: ein: YoNathain" yham khyo madam: dai" nae" khyo jhaung zug: re ngo mho' bain: va" ein: yao: bam re dam: ta" kyo: wa, ga:27 amyin" byid' ra". – Ai: au: zug: ade, jham alhab' Yeremia re li" myid: geyang: yao: wa jhaung zug: pho" khang" ke' ra" amyin" dao: re ta" kyo" ra". Alao" yao: bam pe" dao: myid: mamyid: lo: na: pye' ko" ra". Ai: akhyo re khoyaug re: mamyid: so" beim: lo:28 ko" ngaid: ra". – Yerusalem: vo re li" khaid' aung: yu ko" ra" ba na ayo, joe" sho' kyam: vang" khug mae na: jo, shi" ra".