1 Babilon: jhaung zug: Nebukhane- za: wa Yoshia yao: zo: Zedekia' re Yuda mang: mae jhaung zug: kaid' nhao mung: Yehoiakim yao: zo: Khonia jo, qo mae tao"2 zaung: ra". – Mo"so wa Yeremia khyo" ta" kyo" ra" dao: jham re jhaung zug: , yao" daui mung mo, mang: byu jham matae"3 gyo: lo: na: bam ko" ra". – Dalhang: re" Zedekia wa Shilamia yao: zo: Yehukhala we' khin jaung Merea yao: zo: Zephania re lapa Yeremia jhao" nhao: ke' mung: ngon- haung" tau: Mo"so re jhaung: xe: mho'4 byid: la, ga: pyang: ke' ko" ra". – Ai: ayo, Yeremia kyam: malaung" shi: , mang: byu5 qe we' daga" na: na shi" ra". – Yerusalem: re li" lhang" kham" na ko" ra" Khalade" gye phung: mo, thaui: jham wa Egutu mang: mae" Pharaoh gye phung: jham gye to" lo ko" ga" dao: the' gyo: mung: ai: vo lhang" gam: mae" phao: qhui" lo" ko" ra".6 Ai: au: Mo"so: mung dao: wa lapa Yere-7 mia jhao" joe" mung: – Israel amyu" Mo"so ceru: ga: mho: ra". Ngo re myid' qu" nae" tau: nao tao re nhao: ke' ra" Yuda jhaung zug: re ceru: ein: ta" ge, naonhaung" re bao" nae" tau: to" thug' lo ko" ra" Egutu Pharaoh gye mo, thaui: jham wa yao: bam: mang: khyo dam: tug' lo" li" genae". –8 Khalade" byu qe wa dam: li" mung: ce: vo re khe' khyaid' yu mung: myi: ngha" li"9 genae". – Mo"so mho: ru wa gai gai: yao: Khalade" byu qe wa Ngo mae" phao: thug' lo" li" genae" ga: mho mung: yao: yao" gaung re data" mhug' sham" ge, . Yao: bam10 wa phao: thug' lo" zai mangaid: . – Ai: tho' mago" Khalade" byu qe re naonhaung" khaid' aung yang: dae de; mo, za: dang ko" qe re: yao: bam dayaug we' dayaug yao: yao" seim zaung mae" to" thug' li" mung: ce: vo re myi: ngha" khyo" pye' li" genae" ga: mho: ra".11 Khalade" sulhe: qe wa Pharaoh gye phung: re gyaug mung: Yerusalem: vo mae" qui" phao: lo" ko" au: mae ,12 Yeremia wa yao" amyu" mae" Ma khae: yu nae" tau: Benyamin: mang: khyo lo" nae" ga: Yerusalem: vo mae" thug' lo"13 ra". – Ai re" ru: yao: wa Benyamin: kham: dung: joe" ra" au: gug: gam agyi Hanania yao: myid: Shilamia yao: zo: Iriya wa nao Khalade" byu jham jhao" de; lo" venhaung i"? ga: mho mung: lapa Yeremia re myag:14 taui" yu: ra". – Yeremia wa mangaid: wo". Mabo: de, wo" ga: ta" ngaid qere: matae" gyo: lo: zug: ade, qe: lo, mae dai" ke' ra". –15 Zug: ade, qe wa nhag' yo: mung: Yeremia re be, mung: tung" suNathain" yham mae lhaung" to: ko" ra". Ai: yham re kyam: yham kaid' ko" ra".16 Yeremia wa yham gyid' dung: khung: mae" aqe, nau" zo: mae ba na ga" go"17 laung" na thao – Zedekia jhaung zug: byu re nhao: ke' mung: Yeremia re phoe' thug' yu yang: jhaung zug' yham mae Mo"so: mung dao: jo; i"? ga: khug' myid' re Yere- mia wa mung dao: bo: ga: mho: ra". AsAng wa Babilon: jhaung zug' lo, khug khyo vao18 lo" li" nae" ga: dam: tau" ra". – Yeremia wa ngo asang re pe" zai" shaid' i"? AsAng: jeim jham re shaid' ra" i"? Ce: byumyu" jham re zai" shaid' ra" i"? Pe" qobo: mathao mae19 ngo re kyam: lhaung" to: ko" i"? – Babi- lon: jhaung zug: wa naonhaung" we' ce: mang: re khe' lhaid' nae" li" zai mangaid: ga: ta" ko" ra" naonhaung" lapa jham khai:20 lo" veko" i"? – Ai ru: mung: nga" asang jhaung zug: we" tae" gyo: wa, . Ngo mho' bain" ra" dao: thoe re gyo: byid: la, . Ngo re shid veshao: ein: tung" su YoNathain yham khyo dadam: nhao la, ga: jhaung zug:21 Zedekia re mho: ra". – Alao" jhaung zug: Zedekia amyin" khyo" ke' mung: Yeremia re kyam: vang khug mae nha: to: ko" ra". Vo khug mae" cin main" magain: gyo: mae cin main" phaid' te' jao: mae" cin main" dayho' re ne, khao: ngo" byid: zho" na ko" ra". Yeremia re: kyam: vang" khug mae na: na: ra".