1 Yuda jhaung zug: Yoshia yao: zo: Yehoiakim: tao" zaung: ru byid zin mae Mo"so: mung dao: Yeremia jhao" joe" gyo"2 li" ru wa – nao tung" ra" tung" dang: re yu yang: Yoshia zug' ta mae nao re Ngo ta" ra" ba mae" ana" ba joe" sho' Israel mang: , Yuda mang: mae" dadu mang: din" alhab' jham re Ngo kyaug' nhin" to" ra" dao: kheim: jham re dakheim: re: magyo" lo: sho' tung" to:3 wa, . – Yuda amyu" mae Ngo kaid' nae" ein: myid: to" ra" qug: khai: jham: akhyo yao: bam the' gyo: ko" au: yao: bam: qobo re Ngo lhoe' nae" akhyo dayaug we' dayaug cao" na ko" ra" makhyang: mashab: ru re jao" re qo" jao" ko" maba ga: mho: ra".4 Alao" Yeremia wa Neria yao: zo: Barug' re khai: yu yang: Mo"so mho: ra" dao: kheim: alhab' jham re ta" kyo" ru we' dakhyo: Barug' wa tung" dang: mae5 tung" to" ra". – Yeremia wa Barug' re Ngo wa kyam: laung" na: ru mung: pa"6 jhaung: yham khyo magai: vao . – Amung: nao ye: wa, Ngo mho: ru we' dakhyo: tung" dang: mae nao tung" to" ra" Mo"so: dao: kheim: jham re zo: shaug' zang" ra" ba Mo"so: yham mae na ko" ra" mo, re nghe' kyo: wa, . Vo khao: ngo" mae" zang" li" ko" ra" Yuda byu qe re re: nghe' kyo:7 wa, . – Yao: bam dayaug we' dayaug yao: yao: cao" na: ra" makhyang: mashab: ru re jao" pye' mung: Mo"so re mho' bain" lo: li" ko" maba . Ce: byumyu" mae Mo"so kyaug' nhin" to" ru wa nhag' yo" gyid' ra" gyai xo: ra" ga: Barug' re pin: to: co' ra". –8 Ai re" ru: lapa Yeremia pin: to: co' ru we' dakhyo: Neria yao: zo: Barug' kaid' mung: Mo"so: mung dao: bo: ra" tung" dang: re pa" jhaung: yham mae nghe' kyo" ra".9 Yuda jhaung zug: Yoshia yao: zo: Yehoiakim: tao" zaung: ru ngo" zin lho" mo" she' khye' mae Yerusalem: vobyu alhab' wa Yuda vogaung: jham mae" Yerusalem: khyo joe" li" ko" mo, alhab' wa Mo"so: qhid' kheim: mae zo: shaug' zang: nae" tau: ta"10 hau" ke' ko" ra". – Alao" Barug' wa Mo"so: yham kham: dung: asag' nhae mae" tho' zhao" akhug tung" su Shaphain" yao: zo: Gemari qe, khug mae mang: volo byu qe: qhid' kheim: Yeremia tung" dang: mae bo: dao: kheim: jham re nghe' kyo" ra".11 Ana" Shaphain" yao: myid: Gemaria yao: zo: Mikhala wa ai: tung" dang: mae bo: ra" Mo"so: mung dao: re the' gyo: lao" –12 jhaung zug' yham tung" su: qe, khyo vao ye: mung: , tung" su Elishama: , Shemala' yao: zo: Delaya , Akhabo" yao: zo: Elanathain: , Shaphain" yao: zo: Gemaria , Hanania' yao: zo: Zedekia jham we' agyi khaung: mhao:13 jham zaung: na: jo, ko" ra". – Ai re" ru: mang: byu jham re Barug' nghe' kyo" ra" tung" dang: mae" dao: wa Mikhala the' gyo" ru we' daru: za: dam: ta" sho' kyo"14 ra". – Ai ru: mung: zug: ade, qe alhab' wa Kushi' Shelamia, Nathainia mae" gyo" lo: ra" Yehudi: re Barug' jhao" nhao: ke' mung: nao mang: byu jham re nghe' kyo" ra" tung" dang: yu: ci mung: li" lo wa, ga: khai: ke' ko" ra". Neria yao: zo: Barug' re: tung"15 dang: re ci yang: li" lo: ra". – Alao" yao: bam wa zaung wa, ngonhaung" re nghe' kyo: la, ga: mho ko" ru we' dakhyo: Barug' wa yao: bam: qhid' kheim: mae nghe' kyo"16 ra". – Ai: dao: alhab' re zug: ade, jham the' gyo: lao" yao: bam gyaug: din: ru we' yao: cao: jho" zhaug' qu" mung: nyhao: nhaung" ce: dao: re jhaung zug: re ye: ta" kyo: ca" nae" ngaid: ga: Barug' re mho ko" ra". –17 Yao: bam wa Barug' ce: dao: kheim: alhab' re yao: ta" kyo" ru we' dakhyo: nao khoru: tung" i"? ga: myid: gelao"-18 Barug' wa yao: ta" kyo" ru we' daru: za: ngo wa mhaug' yang tung" to" ru angaid:19 ga: yao: bam re tau" ra". – Alao" yao: bam wa nao lo" se, . Nao re: Yeremia re: lo" vho' gug' na ge, . Khag' re re: daba nhao ge, ga: Barug' re mho ko" ra".20 Yao: bam wa tung" dang: re tung" su Elishama: qe, mae to" to: co' mung: jhaung zug' yham khyo ye: mung: ai: dao: kheim: alhab' re jhaung zug: re ta" kyo: ko" ra". –21 Jhaung zug: wa tung" dang: lo" yu: lo wa, ga: Yehudi re nhao mung: Yehudi wa tung" su Elishama" qe, khug mae" lo" yu mung: jhaung zug: we' khaung: mhao: jham: qhid'22 khyeim: nghe' kyo" ra". – Ai: ayo, lho" mo" gug khye' ngaid mung: jhaung zug: wa xaung: gaung: yo, mae lhaung" na: ra" myi: khyeim" de; ra" qe, mae zaung: na: jo; ra".23 Myi: re: zu" zu" de; jo; ra". – Yehudi sam byid bang: shi" qo" phaid' lo" au: jhaung zug: wa tung" su: shae tho" yang lhai" caid' mung: tung" dang: re myi: khyeim"24 mae pye' zaui: ngha" pye' ra". – Jhaung zug: mae" dadu ai: dao: re the' gyo" ra" mo, alhab' dayaug re: magyo" gyaug ko" , yao: yao" mai bau: re re: malao" caid' ko"25 ngaid: ra". – Jhaung zug: wa tung" dang: re myi: mangha" nae" tau: Elanathain: Delaya' Gemaria jham mho' bain: ko" ngaid yang: re: jhaung zug: wa yao: bam: dao: re26 makhae: yu . – Jhaung zug: wa tung" su Barug' we' Yeremia re taui" myag nae" tau: mae yao: zo: Yeyemela , Azerela' yao: zo: Saraia' Abadela' yao: zo: Shelamia bam re nhao: ke' ra". Ngaid qere: Mo"so wa yao: tao re nyham" vho' pye' ra".27 Yeremia ta" kyo" ra" khyo: Barug' tung" ra" tung" dang: re jhaung zug: ngha" pye' thao mae Mo"so: mung dao: Yeremia jhao"28 dam: joe" ru wa – nao getau tung" dang: kaid' mung: Yuda jhaung zug: Yehoiakim: ngha" pye' ra" sao qhid' mae" tung" dang: mae bo: ra" dao: kheim: jham we' daru:29 za: tung" to: wa, . – Nao Yuda jhaung zug: Yehoiakim: re ta" kyo: nae" ru wa, . Mo"so ceru: ga: mho: ra". Babilon: jhaung zug: wa gai gai: yao: li" lo mung: ce: mang: re li" phyo' sin" pye' li" nae". Ai mae byu re: , gug' nyhug' re: gai: na lo: nae" mangaid: ga" dao: re pe" mung: nao tung" to" ga: mho mung: tung" dang: re nao ngha" pye'30 va" ra". – Ai ru: mung: Mo"so wa Yuda jhaung zug: Yehoiakim: re qang yang: mho: ru wa yao" amyu" akaung mae" Davi la kin tao" dao mae zaung nae" akhang" majo, lo: nae". Yao" mao gaung re na" re ba zho yo mae myi" mae nghin yo mae shepye' to"31 li" genae". – Yao: mae" ru yao" zo: myid: jham re re: yao" jeim jham re re: khae: yu ang: ra" qobo dae byid: nae". Yao: bam we' Yerusalem: vobyu , Yuda mang: byu qe wa matae" gyo: ko" mathao yao: bam: au: dao mae Ngo kyaug' nhin" to" ra" qug: khai:32 re khyo" ke' nae" ga: mho: ra". – Alao" Yeremia getau tung" dang: kaid' yu mung: Neria yao: zo: tung" su Barug' re byid: yang: Yuda jhaung zug: Yehoiakim: ngha" pye' ra" tung" dang: mae bo: ra" dao: kheim: jham Yeremia ta" mung: Barug' tung" to" ra". Ai we' dau: ra" dao: kheim: jham re re: laung: yang: tung" to" ra".