1 Yuda jhaung zug: Yoshia yao: zo: Yehoiakim: zug' ta mae Mo"so: mung dao:2 Yeremia jhao" joe" ru wa – nao Rekhab' amyu" yham khyo vao ye: mung: yao: bam re bang" yese" mung: yao: bam re pa" jhaung: yham qe, daqe, khyo khai: vhao" yu mung: sabyi' qang: byid: jhaug' wa, ga" ru3 we' dakhyo: – Ngo wa Habazia yao: myid: Yeremia yao: zo: Yazania mae" mung: yao" mao: nhaung: jham zo: qe alhab' , Rekhab'4 amyu" jham re khai: yu mung: – Pa" jhaung: yham khug kham: zaung" yaug Shalum" yao: zo: Mateya' qe, adao khaung: mhao: jham ham phaung: ra" qe, anhae mae Mo"so: byu Igedali' yao: zo: Hanain" yao: zo: na: ra" qe, khai: vhao" bin lao" –5 Ai: Rekhab' amyu" zo: qe: qhid' kheim: mae sabyi' qang: byang" vin" ra" ug' we' keim jham re ke' mung: sabyi' qang: shaug'6 ge, ga: yao: bam re mho: ra". – Yao: bam wa ngonhaung" sabyi' qang: malhaung" shaug' . Khoru: ga" re ngonhaung" amyu" yao: pho" Rekhab' yao: zo: Yonadab' wa naonhaung" mae" qhid mung: zo" qae: myid' xag' wa sabyi' qang: re magai: shaug'7 nae". – Yham gai re: magai: kaid' . Qhovo: qhoshi: masin: nae". Sabyi' khyae magai: kaid', magai: jo, . Naonhaung" bang" vo boe" na: qin" ra" mang: mae kao bo myo, myi: vegeshao: dapyaid dato seim zaung we' na ye, ca" genae" ga: ngonhaung" re8 pin: to: va". – Ai ru: mung: ngonhaung" wa myi: zo: qe we' dapyaid dato sabyi'9 qang: mashaug' na nae". – Yham makaid'10 seim zaung we' za: na mung: – ngon- haung" amyu" yao: pho" Rekhab' yao: zo: Yonadab' pin: to: co' ra" dao: re gyo: yang: pho" Yonadab' pyang: to: co' ru11 we' dakhyo: cao" na: bam va". – Babilon: jhaung zug: Nebukhaneza: ce: mang: khyo li" ra" au: ngonhaung" wa suge, to" ge, . Yerusalem: vo khyo ye: gelang: , Khalade" gyezo: qe we' Suri' gye re gyaug ca" ra" ein: yao: cao: jho" ta" mung: ana" Yerusalem: mae na: bam: ga: mho ko" ra".12 Ai: au: Mo"so: mung dao: Yeremia13 jhao" joe" li" mung: – Israel Mo"so gug: mang: din" gam ug Mo"so mho: ru wa- nao Yuda mang: byu , Yerusalem: vobyu qe na: ra" khyo ye: mung: naonhaung" wa Nga" dao: re tae" gyo: genae" tau: mho" shid' ru re malham: khae: yu ko" ga: Mo"so14 mho: ra". – Sabyi' qang: magai: shaug' ga: Rekhab' yao: zo: Yonadab' wa yao" zo: myid: qe mae to" ra" khang" to" ru we' dakhyo: yao: bam cao" mung: ana" ba: ne, joe" sho' sabyi' qang: re mashaug' lo: na mung: yao: pho" khang" dao: re gyo" cao" ko" ra". Ngo wa no' no' to" mung: naon- haung" re apaug' apyae ta" qe re: naon- haung" wa Nga" dao: re matae" gyo" khae:15 yu ko".– Nga" daui mung mo, lapa jham re re: Ngo no' no' to" mung: naonhaung" jhao" alhang lhang nhao: ke' yang: naonhaung" dayaug we' dayaug cao" su" na: deim: so: zag mau" re jao" ge, . Naonhaung" ave, re nyhang" ge, . Getau: mo"so: thao dacao" , dagoe; pa" ge, . Ce: dao: re tae" gyo: cao" ko" ngaid: re naonhaung" phug' pho" jham re Ngo byid' to" ra" mang: mae qhug' na genae" ein: pyang: ke' ngaid yang: re: naonhaung" no: jhid' ci mung: Nga" dao:16 re matae" gyo: lo: na veko". – Rekhab' yao: zo: ngaid: ra" Yonadab' zo: myid: jham wa yao: bam: pho" pin: to: co' ra" dao: re cao" mung: ce: byumyu" jham wa Nga" dao: re17 matae" gyo" cao" ko" mathao mae – Israel amyu" Mo"so gug: mang: din" gam ug: ra" AsAng Mo"so mho: ru wa- Ngo wa kyaug' nhin" to" ra" qug: khai: jham re Yuda mang: byu , Yerusalem: vobyu alhab' geim" mo, au: dao mae joe" nhao nae". Khoru: ga" re Ngo khonho" ta" ngaid qere: magyo: ko". Khai ngaid qere: matau: ko" ga: mho: ra".18 Rekhab' amyu" zo: qe re re: Yeremia ta" kyo" ra" Israel amyu" Mo"so gug: mang: din" gam ug: ra" Mo"so mho: ru wa- naon- haung" wa naonhaung" pho" Yonadab' khang" dao: re tae" gyo" ci mung: yao: kaid' to" ra" cao" khyao jin kham alhab' we' daru: cao" pyang" ko" ra" mathao19 mae. – Rekhab' zo: Yonadab' amyu" mae Nga" mau" vin vo, nae" tau: khonhae" re: jo; na: li" genae" ga: Israel amyu" Mo"so gug: mang: din" gam ug: ra" AsAng Mo"so mho: ra".