1 Babilon: jhaung zug: Nebukhaneza: wa yao: ug: ra" mang: khao: ngo" mae" byumyu" cao jab gye phung: mo, thaui: mo" we' daga" Yerusalem: vo re re: ai we' tin" ra" vogaung: alhab' geim" re li" khe' khaid' ko" ra" au: Mo"so: mung dao: wa Yeremia2 jhao" joe" mung: – Mo"so ceru: ga: mho: ra". Nao Yuda jhaung zug: Zedekia re ye: ta" kyo: nae" mung dao: wa- Mo"so mho: ru wa ce: vomo" re Babilon: jhaung zug' lo, mae qhaug' mung: yao: myi: ngha"3 li" nae". – Nao wa yao" lo, mae" maqo" loe, nae". Gai gai: yao: nao re myag: taui: mung: ai: jhaung zug' lo, mae qhaug' genae". Nao wa Babilon: jhaung zug: we' myo, qhao: tae jho" jhau genae". Babilon:4 vo khyo re: lo" joe" ca" nae". – Ngaid qere: Yuda jhaung zug: Zedekia we" Mo"so: dao: re tae" gyo: wa, . Zug: pho" re qang yang: Mo"so mho: ru wa- nao wa shae lhae5 mae shid nae" mangaid: . – Yaug yo za: shid mung: na: lai: lo" va" ni" pho" phug' jham re kaid' ko" ru ru: ni" tau: mae sheim nae nam phaid' hab' zo" o" nga" asang ga: mung: kaug' ngug genae". Ngo ta" to: va"6 ga: Mo"so mho: ra". – Babilon: jhaung zug' gye phung: jham wa Yerusalem: re re: , Yuda mang: mae gang" tang mung: dang: jo, shi" ra" Lakhisha vo , Azeka: vo ga" ra" Yuda mang: mae dang shi" ra" vo jham re7 khaid' ko" ra" au: – lapa Yeremia wa ai: dao: kheim: alhab' geim" re Yuda jhaung zug: Zedekia re zhao: kyo" ra".8 Yerusalem: vobyu alhab' geim" wa yao: yao: nhao zo" ra" Yuda mao: nhaung: yao:9 cao: majho" nhao zo: lo: – Hebre" yaug gai Hebre" myiqe: jeim jham re manhao zo: lo: lhoe' ke' genae" tau: Zedekia wa lhoe' ke' naeva" ga: khae: yu thao Mo"so: mung dao:10 Yeremia jhao" joe" li" ra". – Khoru: ga" re yao: yao" jeim yaug gai , myiqe: jham re lhoe' nhao: ke' mung: thao phyao: madam: nhao zo: nae" dao: so: re khae: yu thao mae madam: jeim zo: lo: nhao: pye' ca" ga" ru re the' gyo: ko" ra" au: tae" gyo: mung: nhao:11 ke' veko" ra". – Thao mae dam: lai: mung: nhao: pye' va" jeim pho" jeim myhi" jham re dam: khai: yu mung: jeim zo: ko" ra".12 Ai ru: mung: Mo"so: mung dao: Yeremia13 jhao" joe" li" mung: – Israel amyu" Mo"so mho: ru wa ni" phug' pho" jham re jeim doe; na: ra" Egutu mang: mae" Ngo jhui"14 she: thug' lo: ra" au: – naonhaung" wa yao: yaug yao: vai: yu: ra" mao: nhaung: yao: cao: Hebre" amyu" zo: qe re nhaid' zin lo" byang" lao" nhao: ke' ca". Khyaug' zin lam: lam: naonhaung" jeim zo: mung: nhao: ke' ca" ein: khang" to: ngaid qere: naonhaung" phug' pho" jham wa Nga" dao: matae" gyo:15 no: khye' jhid' mung: na veko". – Naon- haung" ana" nhag' lam: lai: mung: dayaug we' dayaug yham kyo: cao: qe re de: de: za: Nga" qhid' kheim: mae tarha" vao: ra" mau" re kaid' yang: Nga" mang mhang" to" ra" pa" jhaung: yham mae Nga" qhid' kheim: mae khang" dao: khae: yu gengaid16 yang: re: – nhag' myid dam: lai: mung: Nga" mang khyao: re khyoe' yang: dayaug we' dayaug sho' sho' za: nhao: ke' va" jeim pho" jeim myhi" jham re dam: khai: zhang: mung: jeim zo vegenhaung i"?17 Ai ru: mung: Mo"so mho: ru wa nao wa dayaug we' dayaug mao: nhaung: yao: cao: yham kyo: cao: qe re nhao: ke' nae" ru mae bao bao de: de: makaid' Nga" dao: re makhae: yu matae" gyo" ra" mathao mae Mo"so mho: ru wa , Ngo wa naonhaung" tau: mae shae lhae gye , no qam" gye , bao" khug' gye jham re nhao: ke' nae" kheim: so' re de: de: qhu" mung: amang: mang: adin" din" mae aqug: aqe" anhaung" akhoe' boe"18 nhao nae". – Nung: jaung nau" agaung: mae" kho' lhang" to" ra" agyo: khyo" su" lai mung: Nga" qhid' kheim: mae khae: yu ko" ra" dao: so: khyo" macao". Nga" dao: thang" khang" dao: re phyo' qheim" mo, ngaid ko" ra". Yuda zug: qe , Yerusalem: agyi qe , khaung: mhao: qe , khin jaung19 jham mae" dadu – nung: jaung nau" kho' sin" to" ra" agyo: khyo" su" lai: ra" mang:20 din" byu alhab' geim" re – gyevo jham: lo, khyo re: byu se' nug mo; lo, khyo re: Ngo qhaug' pye' nae". Yao: bam: mao gaung jham wa mug: le; phyo: mae" ngho' jham we' myang kha: zoqhid jham: zo: pho:21 boe" genae". – Yuda jhaung zug: Zedekia mae" ru khaung: mhao: jham re gyevo: lo, khug khyo re: dazab daso' za: naon- haung" mae" thug' phao: lo" ra" Babilon: jhaung zug' gye phung" lo, khug khyo Ngo22 qhaug' pye' nae". – Ngo wa mung dao: khyo" ke' mung: yao: bam wa ce: vogaung: khyo dam: li" lo nhao nae". Yao: bam li" khe' zin" aung mung: myi: ngha" genae". Ngo re: Yuda vogaung: jham re byu sheim manae , cae: jhug tag boe" nhao nae" ga: Mo"so mho: ra".