1 Yeremia kyam: mae laung" na: au: Mo"so: mung dao: shid' lhang ein: lhang2 joe" li" mung: – ce: mau" re kaid' yaug , ce: mau" zo" jham re phain yaug Mo"so , Yohova: mang qo" ra" Mo"so mho: ru wa –3 Ngo re khai la, . Ngo tau: byid: nae". Qi" thao" mau" we' nao maba: ra" no; thao"4 ra" ja: jham re Ngo qhu" nae". – Gyab lao: jham: yang re: , shae lhae jham: dae re go: kyo" nae" tau: byo; gyo" ra" ce: vo: yham jham , Yuda jhaung zug' yham re qang mung: Israel amyu" Mo"so mho: ru5 wa – Khalade" byu qe wa mang: zin: nae" tau: joe" li" ko" ra". Ngo nhag' saung" yo" gyid' yang: se' pye' ra" mao gaung jham we" ai: yham jham re byang" sheim: lo" nhao nae" ga: li" ko" ra". Ai bam zai" shaid' ra" yug: no: qobo mathao Ngo ce: vo re6 nhaung thao" phaug' va". – Ngaid qere: Ngo wa ce: vogaung" no dae re mocid' yang nyhang" thab' hab' mung: gai nhao nae". Vobyu qe qao" zin: nae" khyo: gang" tang: ra" jo, nho" dai kham we' byang"7 vin" genae" khyo: Ngo qhu" nae". – Sham" taui" pyaung" lo" ra" Yuda amyu" we' Israel amyu" zo: qe re dalhang Ngo dam: jhui" yu mung: qhid' phyao: re" ru: zhaug' tang8 nae". – Yao: bam Ngo re zai" shaid' ko" ra" qobo alhab' re Ngo said' khyo" pye' nae". Ngo re zai" shaid' mung: Nga" tarha" lhoe" ra" qobo alhab' re re: Ngo lhoe' pye'9 nae". – Ce: vogaung: wa Ngo ngaui bau: jao: , mug: myid dao mae" byumyu" cao jab caung: khin" jao: , ham" hung: qi" ra" jao: boe" nae". Ce: vobyu jham re Ngo byid' ra" jeju jham byumyu" cao jab the' gyo" lo: li" genae". Ce: vogaung: re Ngo byid' ra". Na gai gaug qo" ru re qu" mug' mung: gyaug: nin" genae".10 Mo"so ceru: ga: mho: ra". Byu sheim manae . Gug' nyhug' gug' du: mana . Cae: jhug tag boe" va" ga: naonhaung" ta" ko" ra" ce: jo, qo mae re: , byu sheim manae . Gug' nyhug' gug' du: mana , na nae" byu mabo cae: jhug tag: ra" Yuda vogaung: , Yerusalem: hau" mo" khyo jham mae11 re: ,– Dam: dalhang ngaui bau: ngaui lho" thoe , zhao: yao qi sam: su thoe , pho" sag' thoe , myhi" sag' thoe , Mo"so wa gai: thao" mung: nhag' myain: nhag' khyag' malam: lai: gang" tang: ra" mathao gug: mang: din" gam ug Mo"so re caung: khin" caung: nghaui" ge, wo" ta" ra" mo, thoe , caung: khin" xeim: jhaung qhu" re Mo"so: yham khyo ci: zang" li" ge, wo" ga" ra" yao: bam: thoe the' gyo" li" genae". Khoru: ga" re sham" taui" she: thug' lo" ra" mang: byu jham re Ngo jhui" lo mung: qhid' phyao: re" ru: na nhao nae" ga: mho: ra".12 Gug: mang: din" gam ug Mo"so mho: ru wa byu sheim manae , gug' nyhug' gug' du: mana , cae: jhug tag: ra" ce: jo, qo mae vozo: vozang alhab' jham mae yao zhain re zaung" ra" yao zam: na: li" shi:13 nae". – Bam dao: vogaung: lao: khaung: khug: vogaung: qid bang: shaid' vogaung: , Benyamin: mang: Yerusalem: vo vai: vo yae lhang" gam: jo, qo , Yuda vogaung: jham mae yao jham re qug: ra" yaug: lo, qao: mae yao jham lai: su" lo" li" genae" ga: mho: ra".14 Mo"so dalhang dam: mho: ru wa Israel amyu" we' Yuda zo: qe mae Ngo to" to" ra" dao: so: we' dakhyo: jeju kaid' byid' ayo,15 akhin: wa joe" lo: li" nae". – Ai: ayo, akhin: mae shao lho" ra" lo, bo, re Davi tau: mae Ngo taid' li" nhao nae". Yao: wa myid gye, re dang main" ra" khyo" dao: phyid' li" nae". –16 Ai: ayo, mae Yuda mang: wa khyaid' khyi: yu: ru qhug' mung: Yerusalem: vo re: yaug yo cae: tae: nae". Ngonhaung" AsAng wa dang main" ra" ga: ai: vogaung: re mang17 mhang" byid' li" genae". – Mo"so ceru: ga: mho: ra". Israel la kin tao" dao mae zaung: ra" Davi zug: nyhug wa mabyo, mabaui18 lo: nae". – Nga" qhid' kheim: mae phaid' ngaui" xeim: re caung da" zo" re" gaug zo xeim: re myi: ngha" hab' ra" ru re malam: lai: caung da" ra" Levi' amyu" khin jaung nyhug re: mabyo, mabaui lo: nae".19 Mo"so: mung dao: Yeremia jhao" dam:20 joe" li" ru wa – Mo"so ceru: ga: mho: ra". Ngo to" to" ra" na" dao: thang" we' myi" mae" dao: thang" tarha" re naonhaung" phyo' qheim" mung: myi" na" ga: ru majo, nae" khyo: naonhaung" qo" kaid' ko" ngaid:21 re – Nga" jeim Davi mae to" to" ra" dao: thang" aso: byo; baui" lo" mung: Davi la kin mae tao" zaung: ra" Davi anyaug anyhug re: byid: baui" lo" li" nae". Nga" mau" vin Levi' amyu" khin jaung anyaug anyhug re:22 mana majo, lo: nae". – Mug: gaung mae" ajham ataung re maqug: qu" ru we' qid dae ma coe re maqo" lag: ru we' dakhyo: Nga" jeim Davi amyu" re re: Nga" mau" vin Levi' amyu" zo: khin jaung jham re re: Ngo myo: laug na: je" lo nhao nae" ga: mho: ra".23 Dam: dalhang Mo"so: mung dao: Yere-24 mia jhao" joe" li" ru wa – Mo"so khyin: yu: ra" ce: shid' myu" re yao: dam: yho" pye' ra" ga: ce: amyu" jham ta" ra" dao: re nao myid: phaid' qu" va" i"? ai: byu jham wa Nga" byumyu" re pe" shui manho25 maphug' makhyaid' kaid' veko". – Mo"so mho: ru wa myi" we' na" tin" ra" Nga" dao: so: majo, ngaid: re mug: gaung we' myid gaung: tarha" jin kham re Ngo mato" to:26 ngaid: re – Abraham: , Isag' , Yaku' amyu" re ug: gam nae" zug' jo, qo mae Yaku' amyu" we' Nga" jeim Davi amyu" zo: , zo" qae: myid' xag' khug mae" Ngo makhyin: yu lo: shepye' pye' nae". Mangaid: lao" sham" taui" pyaung" she: lo" ai: byumyu" jham re dalhang Ngo dam: jhui" yu mung: khyaid' khyi: yu nae" ga: mho: ra".