1 Nebukhaneza: tao" zaung: ru daxe: she' zin , Yuda jhaung zug: Zedekia tao" zaung: ru daxe zin mae Mo"so jhao" mae"2 mung dao: Yeremia jhao" joe" li" ra". – Ai: au: Babilon: jhaung zug' gye phung: jham wa Yerusalem: re li" lhang" kham" ci ko" ra". Yeremia wa Yuda jhaung zug' vang" khug mae kyam: laung" ru qhug' na: ra". –3 Khoru: ga" re Yuda jhaung zug: Zedekia wa Yeremia re qu" wa, Mo"so wa ce: vo re Babilon: jhaung zug' lo, mae qhaug' mung: yao: wa qab: sham" lo" nae". –4 Yuda jhaung zug: Zedekia wa Khalade" byu qe: lo, mae" loe, nae" mangaid: . Babilon: jhaung zug' lo, khug khyo dang dang joe" nae". Myo, khung: qang zam" zaung mung:5 jho" qhug' jhau genae". – Zedekia re re: Babilon: vo khyo jhui" lo" genae". Ngo li" qu" kam: nae" ayo, majoe" gyo: mae yao: ai: vo mae na: na veshao: . Naonhaung" wa Khalade" byu jham re lham: khaid' gengaid yang: re: aung gezai mangaid: ga: Mo"so mho: ra" ga: pe" mung: lapa pa: ga: mho mung: kyam: mae lhaung" to" ra".6 Ai: au: Yeremia wa Mo"so: mung7 dao: ngo jhao" li" ru wa – Qu" wa, , Ni" gain Shalum" yao: zo: Hanamela' wa nao jhao" li" mung: Anatug' vo mae jo; ra" Nga" yothaung: re nao khyaid' she: yu nae" qo bo: ra" mathao vai: yu wa, ga: li" ta" nae" akhyo re Mo"so mho: ru we' dakhyo: –8 Nga" pho" gain: yao: zo: Hanamela' wa ngo na: ra" kyam: khug khyo vao li" mung: Benyamin: mang: Anatug' vo mae jo; ra" nga" yothaung: re vai: yu wa, . Nao wa Ma khae: yu ang: ru we' khyaid' she: yu nae" akhyo re: ang: ra" ein: ni" tau: mae" vai wa, ga: ngo re mho: ra". Alao" ngo wa Mo"so nyhang" yaung: ra" mau" ngaid: ra" khyo9 re ba: ra" mathao mae – Anatug' vo mae jo; ra" nga" pho" gain: yao: zo: Hanamela' yothaung: re vai mung: yothaung: phug' ngaui daxe: nhaid' kye' re lag byid: va". –10 Dao: so: soxam: tung" khye' re re: tung" mung: sagso: qe re khai: yu mung: ngaui re11 jao mae" lag byid: va". – Ai re" ru li jo; ru we' dakhyo: soxam: ce' be; te' ra" dao: so: tung" dakhye' we' soxam: mabe; te' tung"12 khye' re ngo yu mung: – pho" gain: yao: zo: Hanamela' qhid' kheim: mae dao: so: tung" khye' mae mang bo: ra" sagso: qe: qhid' kheim: mae re: kyam: mae na mo; qhid' kheim: mae re: Yuda byu qe alhab' qhid' kheim: mae Masea yao: myid: Neria yao: zo: tung" su Barug' lo, mae qhaug'13 byid: va". – Israel amyu" Mo"so gug: mang:14 din" gam ug yaug Mo"so mho: ru wa – ce: soxam: ce' be; ra" dao: so: tung" khye' we' soxam: ce' mabe; te' ra" tung" khye' re yu mung: mabyo, maqeim: lo" nae" tau: mae15 myid zhai: ug' mae ke' to: wa, . – Israel amyu" Mo"so gug: mang: din" gam ug yaug Mo"so mho: ru wa yham , yothaung: , sabyi' khyae jham re dam: qo" sang: li" genae" ga: mho: ra" akhyo re dam: ta" kyo: mung: yao: bam: qhid' kheim: mae Barug' re pin: to: co' va".16 Ai re" ru: Neria yao: zo: Barug' lo, mae dao: so: tung" khye' qhaug' thao Mo"so re jhaung: xe: mho' ra" dao: kheim: thoe jham17 wa – AsAng Mo"so we" AsAng wa kheim: so' mo" we' lo, lam: re qang: ke' mung: mug: gaung myid gaung re phain: to: va". AsAng18 maqo" kaid' boe" daja: re: majo, . – AsAng wa byu ataung atug jham re nhag' myain: jeju kaid' zo" re" yao: myhi" pho" qobo re na: li" nae" zo: dau qe: au: dao mae joe" zao" nhao va". Qi" thao" ra" Mo"so , amo" laha: phung bao we' byang" vin" ra" Mo"so boe" mung: gug: mang: din" gam ug Mo"so19 ga" mang khyao: qo" ra". – Mug' pho" tau" da re tau" da mung: mug' pho" ra" mau" re kaid' yang: byu yaug nge, re yao: yaug yao" na qab: ye, bao mae cao" yang: qobo we' gai: ru re byid: nae" tau: byu qe: khyid tau20 lo, vha re ca: qu" na: ra". – Egutu mang: Israel mang: we' getau: mang: jham mae re: byumyu" cao jab ve, lho , mug' pho" mau" jham re ana" ba joe" sho' ci: qhu" na yang: ana" re" ru: ham" hung: jo; jo; ra". –21 Ve, lho , mug' pho" mau" jham re ci: qhu" zo" re" qam: mo" bo: ra" lo, lam: re qang: qu" gyaug pho" ra" ave, jham we' daga" AsAng: byu jham re Egutu mang: mae" she:22 khyaid' thug' yu mung: – Ngo byid: nae" ga: phug' pho" jham re byid: nae" ga: dang: to" ra" nung: nug' we' byo: yhid yug: ra" ce:23 mug: myid re byid' to: yang: – yao: bam wa vao: sang: yu veko" ngaid qere: mung dao: re matae" gyo: tarha" khyo macao". Pin: to" ra" cao" khyao jin kham jham re macao" pyang" ko" mathao ana" ba phau: ko" ra" qug: khai: jham re yao: bam: au:24 dao mae joe" nhao va" ra". – Gyab lao: dung: khung: jham re qu" wa, . Vomo" re khaid' lhaid' qab: yu nae" yao: bam joe" na veko". Shae lhae , vae: moe; qid shab' gye , no qam" gye khyo" li" khaid' ko" ra" Khalade" byu qe: lo, mae vomo" re qhaug' pye' va" ra". Ta" to" ra" dao: so: dang jhaug'25 lo va" ru re yao: yao: ai re myao: ava". – Ai re" ru: vomo" wa Khalade" byu qe: lo, mae joe" ngaid qere: Mo"so we" ai: yothaung: re ngaui: yang vai mung: sagso: qe re khai: yu wa, ga: nao yao: ngo re mho va" mangaid: i"? ein: dam: tau" mho va".26 Ai: au: Mo"so: mung dao: Yeremia27 jhao" joe" li" ru wa – Ngo wa daui nam yaug nam alhab' re ug gam: ra" Mo"so ngaid: . Ngo maqo" kaid' boe" ru pe" ja:28 jo; ra" i"? – Ai ru: mung: Mo"so mho: ru wa- ce: vo re Khalade" byu jham: lo, mae re: , Babilon: jhaung zug: Nebudkhaneza" lo, mae re: qhaug' mung: yao: sham" lo"29 li" nae". – Ce: vomo" re li" khaid' ko" ra" Khalade" byu vao mung: myi: ngha" genae". Ngo re nhag' gyid' nhao nae" tau: yham khaung dao mae Bala' mo"so nae ham" ru phaid' mung: getau mo"so: tau: vhe' sheim: xeim: , gaug zo xeim: re ngaui" ko" ra" yham jham we' daga" davo geim"30 ngha" khyo" pye' genae". – Khoru: ga" re Israel amyu" zo: qe we' Yuda amyu" zo: qe wa ngai shi" ayo, mae" mung: Nga" qhid' kheim: shaid' nghung" qobo mau" re za: kaid' lo veko". Yao: bam zaui: so: kaid' ra" mau" ja: khao: ngo" wa Ngo re nhag' gyid'31 nhao ru za: kaid' veko". – Israel amyu" we' Yuda amyu" jhaung zug: agyi , khaung: mhao: , khin jaung , lapa , Yuda mang: byu , Yerusalem: vobyu jham wa Ngo re nhag' yo" gyid' nae" tau: kaid' ko" ra" yug: no qobo: mathao ce: vo re Ngo qab: lhaui"32 pye' nae" akhyo , – ce: vogaung: de" qhid: ra" ba mae" ana" ba: ne, joe" sho' Ngo re nhag' kyid kyid qu" yo" gyid' nhao: ra"33 vogaung: ngaid: ra". – Yao: bam wa Ngo re myo, nho maqang lo: nhaung thao" phaug' lo" veko". Ngo wa no' no' to" mung: alhang lhang mho" shid' kyang: ngaid qere: Nga" phyo: mho" dao: re makhae: yu nug mung:34 matae" gyo: ko". – Nga" mang khyao: khyo" mang mhang" to" ra" yham anyain: avho: boe" nae" tau: maca' majhaid' zai jham re ke' vhao" to: veko" nhaung i"? –35 Yao: bam: zo: dau zomyi: zolau: jham re Mo:lug' mo"so re ngaui" byid: nae" tau: mae" Hinom: zo: qe: lao: khaung: mae jo; ra" Bala' mo"so: bug gaung re kaid' veko". Yuda amyu" dao mae yug: no qobo joe" nae" tau: ai qhi" maca' majhaid' mau" re Ngo mamho: to: , Ngo ma-o ngaui: ru re kaid' veko" ga: Mo"so mho: ra".36 Ngaid qere: shae lhae gye , vae: moe; qid shab' gye , no qam" gye khyo" yang Babilon: jhaung zug' lo, khug vao lo" li" nae" ga: ta" ko" ra" ce: vo re qang yang:37 Israel amyu" qe: Mo"so mho: ru wa – Ngo wa nhag' kyid kyid yo" gyid' ru we' yao: bam re khe' thug' sin" ke' ra" mang: khao: ngo" mae" dalhang dam: zhang" yu mung: ce: jo, qo khyo jhui" dai" yang: yaug yo za:38 na genae". – Yao: bam wa Nga" byu jham boe" genae". Ngo wa yao: bam: AsAng39 Mo"so boe" nae". – Yao: bam: so' ha" tau: mae re: na: li" nae". Yao: bam: zo: myid: qe: tau: mae re: Ngo re malam: lai: gyaug phug' na genae" nhag' myid re Ngo ke'40 byid: nae". – Yao: bam re mashepye' lo: malam: lai: jeju kaid' na nae" tau: yao: bam mae gang" tang: dao: thang" re Ngo to" to: nae". Yao: bam re: Ngo mae" madam: lae" lo" nae" ru Ngo re gyaug phug' myao: nae" nhag' myid we' byang" vin" nhao nae". –41 Yao: bam re: jeju kaid' nae" mau" mae Ngo wa ngaui bau: mung: nhag' myid' solo lam: maug' we' yao: bam re ce: mug: myid: mae malam: lai: na: ye" lo" nae".42 Mo"so mho: ru wa ce: amyu" qe: dao mae qi" thao" qug: khai: jham re byid' lai: lo: ru we' dakhyo: Ngo dao: so: to" ra". –43 Byu sheim manae . Gug' nyhug' gug' du: mana . Cae: jhug tag , Khalade" byu qe: lo, khug vao lo" va" ga: naonhaung" ta" na ko" ra" ce: mang: mae yothaung: yo gug qo" vai44 qo" aung: genae". – Benyamin: mang: mae re: , Yerusalem: vo lhang" avai: ayae mae re: , Yuda mang: mae jo; ra" vo jham mae re: , bam dao: jo, vo, lao: khaung: mae" vogaung: mae re: , mug: za: vo mae re: byu jham wa yothaung: yo gug re ngaui kye' we' vai: ru , dao: so: soxam: tung" khye' tung" ru , soxam: ce' be; ru , sagso: khai yang: kaid' na genae". Khoru: ga" re sham" taui" pyaung" lo" ru qhug' ra" mo, dam: jhui" lo nae" ga: Mo"so mho: ra".