1 Mo"so ceru: ga: mho: ra". Ai: ayo, akhin: mae Ngo wa Israel amyu" geim" Mo"so boe" mung: yao: bam wa Nga" byu2 jham boe" genae". – Dalhang dam: mho: ru wa shae lhae gye mae" loe; ra" mo, wa seyo mae jeju re qhug' the' khae: yu genae". Ngo wa gyo" li" mung: Israel amyu" re yaug3 yo: ru re byid: nae". – Mo"so wa va: mae" bao: qhu" mung: mho: ru wa gai gai: dang dang yao: gain gin makhin" jhid' myid we' nao re Ngo jhid' ra". Ai ru: mung: ayo, akhin: myao" sho' nhag' myain" ra" jeju re4 ci: qhu" lo va". – Israel tang: shain" zomyi: zo: we" nao re Ngo dalhang dam: zhaug' tang: ru mung: nao wa zhaug' tang: ra" khyo joe" nae". Nao wa zang be, khulhao: khyung we' shaung: ci mung: poe kaid' ra" mo, we' daga" go" nhain" zo" na: li" nae". –5 Samari bam dao mae sabyi' khyae dam: qho: genae". Khyae kaid' mo, wa qhovo: qhoshi: qho: mung: ashi: re the' qhug' zo:6 genae". – Ephrim: bam dao mae" lhaug' zaung" mo, to" ge, . Ngonhaung" AsAng Mo"so na: ra" Ziun: bam khyo ye: gelang: ga: ta" nae" ayo, akhin: joe" lo: li" nae".7 Mo"so ceru: ga: mho: ra". Yaku' amyu" re zhao: yao za: nghaui" thoe we' caung: nghaui" ge, . Getau: amyu" zug: agyi qe: adao mae zag: yao: kyo: ge, . Mo"so we" AsAng: amyu" ga" ra" dang: gyo" na: jo, ko" ra" Israel amyu" zo: qe re khyaid' yu va" ra" ein: ta" zo" re" lau dao: hau" ke' mung:8 caung: khin" ge, wo". – Yao: bam re Ngo mug: am: mang: mae" jhui" yu mung: mug: myid: athao" mae" zhang" yu nae". Myo, jid mo, , khyid qeim lo, qeim mo, , gaung la" ra" myiqe: , zo: khau no no: ra" myhi" zang jham bobo mung: mo, thaui: mo" wa9 dam: lo: li" genae". – Yao: bam ngug zo" re" lo: li" genae". Jhaung: mho' na ko" ra" mo, re Ngo jhui" lo nae". Qid yae: gau: we' tha" thu: lang: nae" majo; ra" khyo din: gau: khyo" Ngo jhui" lo nae". Khoru: ga" re Ngo wa Israel amyu" yao: pho" ngaid: . Ephrim: wa Nga" zo:qhid' ngaid: .10 Byumyu" jham we" Mo"so: amyin" mung dao: re tae" gyo: ge, . Va" ra" jo, qo khyi" khao: ngo" mae" hau" nhain" mung: Israel amyu" re khyi" khao: ngo" khyo pyo: sin" ke' ra" yaug wa dalhang dam: sham" zhang" yu bin lao" yao zam: wa yao" yao jham re zaung" lhaug' ru re" ru: zaung" lhaug' gug: gam nae" ga" ein: hau" nhao"11 kyo" ke' ge, . – Khoru: ga" re Mo"so wa Yaku' amyu" re khyin: thug' khyaid' yu va". Yao: qam: bo: ra" mo, lo, mae" lhoe'12 ke' ava". – Ai mung: amyu" zo: qe wa zang" lo mung: Ziun: bam nyaug mae nghaui" thoe we' caung: nghaui" genae". Mo"so byid' ra" jeju jhaung qhu" ga" ra" gaug zo maui: lam: , sabyi' qang: , xau , yao nau" , nung: jaung nau" jham qo" nae" tau: ham phaung: li" genae". Yao: bam: nhag' myid solo wa qid sheim: byid' na: ra" khyae ru: boe" mung: thao phyao: nhag'13 ngai: ru majo, lo: genae". – Ai: ayo, mae tang: shain" zomyi: zo: wa go" nhain" zo" re" zolau: , phug' mao: jham we' daga" ngaui bau: nhag' dag genae". Yao: bam: nhag' kaug' myo, yug: ra" atha" ngaui bau: ngaui lho" ru re Ngo boe" nhao nae". Yao: bam nhag' kaug' nhag' ngai: ru phau: thao mae nhag' lam: yaug yo: ru we' zhao: yao14 genae" khyo: Ngo kaid' nae". – Khin jaung qe re re: xau: ra" nung: sho: we' gyi: gyi: za: zho: jhaug' nae". Nga" byu jham re: Nga" jeju we' na gai gaug qo" genae" ga: Mo"so mho: ra".15 Mo"so ceru: ga: mho: ra". Rama' jo, qo mae" kaug' ngug thoe re the' gyo: mung: Rakhela' wa yao" yao: zo: qe re ngug: na mung: yao: zo: jham mana ko" mung: nhag' tang" nae" maqo" ngaid: ra". –16 Mo"so ceru: ga: mho: ra". Nao ngug thoe re thang: pye' wa, . Ngug byid dagyo" nhao . Nao wa nao yao" na qab: ye, bao: so' ha" re the' khae: yu nae". Ni" zo: jham wa gyevo:17 mang: mae" dam: lo: li" genae". – Nao wa gau: thao" lao: mae myid: nghae: jao: jo; ra". Ni" zo: dau qe wa na qao: mug: myid khyo dam: lo: li" genae" ga: Mo"so mho:18 ra". – Ephrim: wa AsAng wa ngo re mho" shid' va". Ngo wa nung: jaung lo: kyao re" ru: mho" ru re phau: va". Ngo re kung" yu la, . Ai ru: ngaid: re ngo dam: lhang: lo nae". AsAng we" nao wa nga" AsAng Mo"so19 ngaid: ra". – Gai gai: yao: ngo wa dam: tug' lo thao za: naung myid aqo". Mho" shid' ru qhug' thao mae ngo wa nga" paung daung: mae be, va". Ngai shi" yo, zai" shaid' ra" qobo: mathao mae khang: yam" ru phau: yang: qho' gyaug mug' va" ein: yao" gaung re qobo vhin: ra" dao: ngo gai gai: yao: the'20 gyo: va". – Ephrim: wa Ngo jhid' kao: ra" zo: mangaid' ra" i"? Ngo jhid' de; zoshao mangaid' ra" i"? Yao" akhyo ta" khao: ngo" Ngo gyai lhaung" beim" ke' kyi: . Ai mung: yao" tau: nhag' myain" ru bo: na: . Gai gai: yao: Ngo wa yao: re nhag' myain" ru we' khyaid' khyi: yu nae" ga: Mo"so mho: ra".21 Gau: khyo mae soxam: zang zhaug' wa, . Khyo shid' ra" khyi zang tau: yhe' wa, . Cao" ye" lo" ra" gau: khyo re myid: zag: ci wa, . Ni" na jao: jo, qo ce: vo khyo22 dam: tug' lhang: lo ri: . – Tau: lhain" qin" ra" zomyi: zo: we" khomyhao" ayo, joe" sho' lae" lhang: qin" nae" i"? Mo"so wa mug: myid: dao mae gekai: lai mau" re to" to: va" ra". Myiqe: wa yaug gai re qo" gug: gam: li" nae".23 Israel Mo"so gug: mang: din" gam ug Mo"so ceru: ga: mho: ra". Sham" pyaung" lo" ra" mo, re Ngo dam: jhui" lo: ra" au: Yuda mang: vogaung: jham mae na: ra" mo, wa dang main" ra" jo, qo shao lho" ra" bam we" Mo"so wa nao re na gai nhao veshao: wo" ga: yang: dam: ta" genae" ngaid: ra". –24 Ai: jo, qo mae Yuda mang: byu , Yuda vogaung" byu jham wa yothaung: zaui: zo: mung: ve; ra" mo, we' yao zam" ra" mo,25 bobo mung: na: bam genae". – Vae: moe; qid shab' mo, re Ngo zho: jhaug' nae". Nhag' kaug' myo, yug mo, re Ngo nhag'26 tang" nae" ga: Mo"so mho: ra". – Ai: thao ngo yab so: to" li" mung: qu" ke' ra" au: yab pyo" ru wa nga" tau: qam: o: qo" ra".27 Mo"so ceru: ga: mho: ra". Israel mang: , Yuda mang: mae byu myug: we' gug' nyhug' gug' du: amyug: re sin: nae"28 ayo, akhin: joe" lo: li" nae". – Ngo wa yao: bam re tau: mhaug' sham" khyo" yhin" pyam" mau" re kaid' lai: lo: ru we' dakhyo: qho" yhaug' zhaug' tang: ru dalhang dam:29 kaid' nae" ga: Mo"so mho: ra". – Ai: ayo, akhin: mae yao: pho" shi: jhin zo: yang: yao: zo: wa zaui kyam: ru re phau" ava"30 ein: data" ge, . – Byu yaug nge, yao: yao" qobo: mathao mae yao: yao: shid ca" nae". Sabyi' shi: ajhin zo" ra" mo, yaug khao: ngo" mae zaui kyam: ru phau: ca" nae".31 Mo"so mho: ru wa, . Israel yham bao: we' Yuda yham bao: re Ngo dao: thang" asag' re byid: nae" ayo, akhin: wa joe" lo:32 li" nae". – Yao: bam: phug' pho" jham re lo, mae" she mung: Egutu mang: mae" jhui" thug' lo: ra" au: byid' ra" dao: thang" we' shai" ra" dao: thang" asag' re Israel amyu" , Yuda amyu" re Ngo byid: nae" ra" ayo, akhin: wa joe" lo: li" nae". Qhid' phyao: Ngo byid' qu" va" dao: thang" re yao: bam phyo' mung: Ngo re: yao: bam33 re qu" ca' pye' va". – Thao phyao: Israel amyu" qe re byid: nae" dao: thang" tarha" wa Ngo Mo"so wa Nga" dao: thang" tarha" re yao: bam: akhug khyo vhao" nae". Yao: bam: nhag' lam: kheim ce' mae tung" to: nae". Ngo wa yao: bam: Mo"so boe" nae". Yao: bam wa Nga" byu jham boe" genae". –34 Yao: bam wa Mo"so re ba se" ge, ga: yham kyo: cao: , mao: nhaung" yao: cao: majho" mho" shid' ca" lo: nae". Khoru: ein: re ngai: thao" yaug mae" qi" thao" yaug joe" sho' yao: bam alhab' Ngo re ba se" genae". Yao: bam: qobo re zang: qhao" byid: nae". Yao: bam zai" shaid' ko" qobo re re: myid: beim: lo: nae" mangaid: ga: Mo"so mho: ra".35 Na" re bao byid: nae" ba , myi" re bao byid: nae" lho" we' kyi jham to" to: va" mangaid: i"? Qid dae phain: to: mung: bang: lhung" lhung" myang: hau: na va" mangaid: i"? Gug: mang: din" gam ug ga:36 mang qo" Mo"so mho: ru wa – Ngo khyo" to" ra" tarha" wa Nga" qhid' kheim: mae" byo; baui" lo" re wa Israel amyu" re: Nga" qhid' kheim: mae nab: lo" mung: baui"37 lo" byaug: li" nae" ga: mho: ra". – Mo"so dalhang dam: mho: ru wa , mug: gaung re qo" ka" yang: myid gaung gye, o: pyae re qo" ca: qu" ko" ngaid: re Israel amyu" zo: qe alhab' geim" re yao: bam zai" shaid' ko" ra" qobo: mathao mae Ngo shelhaui" pye' nae" ga: mho: ra".38 Mo"so mho: ru wa Hananela' gye byu gai" mae" ru vogaung: jheim kham: dung: joe" sho' vogaung: mo" re Mo"so: tau: de: nae" ayo, akhin: joe" lo: li" nae". –39 Vogaung" kyo: dam: wa Garid' bug gaung lai: lo" mung: Goa' bug dam: re lhang"40 kham" li" nae". – Ba thug' shaid' vokham" kham: jo; ra" ajheim joe" sho' shid mao we' myi: mhab' jham re shepye' ra" lao: geim: geim" we' Ke:dung: gyaung: cao" jao: dae alhab' wa Mo"so: tau: shao lho" ra" jo, qo boe" nae". Ai re dam: qab: pye' nae" mangaid: . Apyaid ato mae phyo' pye' ru majo, lo: nae" ga: Mo"so mho: ra".