1 Mo"so: mung dao: wa Yeremia jhao"2 joe" li" mung: – Israel amyu" Mo"so mho: ru wa nao re Ngo ta" kyo" ra" dao: kheim:3 alhab' geim" re tung" to: wa, . – Mo"so mho: ru wa ana" sham" pyaung" lo" ru qhug' ko" ra" Nga" byu Israel amyu" we' Yuda akaung jham re Ngo jhui" yu nae" ayo, joe" lo: li" nae". Yao: bam: phug' pho" qe re Ngo byid' ra" mang: khyo Ngo dam: lo nhao mung: yao: bam dam: qo" sang: yu genae" ga: mho: ra".4 Israel amyu" we' Yuda akaung re qang yang: Mo"so ta" ra" dao: kheim: jham wa –5 ngonhaung" wa gyaug: din thoe the' gyo" bam va". Yaug yo: ru majo, . Qho' gyaug6 pho: za: ajo; ra". – Yaug gai wa zo: khau no no: qu" i"? ein: myid' qu" ge, . Myiqe: wa zo: khau no no: au: yao" phyid' dam: mae zaui" ci: ru we' dakhyo: yaug gai qe zaui" ci gemung: myo, nho sham: na ko"7 ru re pe" mung: Ngo the' myao: i"? – Aga" ai wa mai qhi" nae" majo, lo" ra" ba na ngaid: ra". Yaku' amyu" qug: khai: kyin" nhaung" qhug' ra" ayo, ngaid: ra". Ngaid qere: yao: bam wa khyaid' khyi: yu: khyo8 joe" genae". – Gug: mang: din" gam ug: Mo"so ceru: ga: mho: ra". Ai: ba na mae yao: bam vin: ra" kyau: re Ngo nag: khyug' pye' nae". Yao: bam re taui" to" ra" taui: re lao" phyid' byid: nae". Labug: byumyu" qe thao dalhang yao: bam re jeim maqo"9 toe' lo: genae". – Yao: bam wa yao: bam: Mo"so: mau" re re: , yao: bam: tau: mae" Ngo nhao: thug' ke' nae" jhaung zug: Davi10 mau" re re: vin vo, genae". – Ai ru: mung: Mo"so mho: ru wa , Nga" jeim Yaku' we" dagyaug daci". Israel amyu" we" nhag' lam: dagyug: . Nao re va" ra" mang: mae" re: , ni" amyu" sham" pyaung" lo" ra" mang: mae" re: , Ngo dam: jhui" yu yang: Yaku' amyu" zo: qe dam: lo mung: kyaug' nhin" nae" byu mana , yaug yo cae: tae: za: qhug'11 na genae" ga: mho: ra". – Mo"so dam: mho: ru wa nao re khyaid' yu nae" tau: nao we' daga" Ngo na: na: . Nao re pyo: sin" nhao: ke' ra" mang: jham alhab' geim" re byo; baui" nhao ngaid qere: nao re mabyo; mabaui nhao nae". Ngaid qere: qobo re shao" shao" malhoe' shi" lo: za: ga" ra" nho" mho" shid' shi: nae".12 Mo"so mho: ru wa- ni" no dae wa gyai gai qug' ra". Nao phau" ra" no dae wa13 saung" xo: ra". – Ai: dae re nyhang" cid' shaung: thab' byid: nae" byu mana ko" , gai sho' mocid' pho byid: nae" khag' re:14 mana , mapho byid: ko". – Ni" ba nam sang: cao: alhab' wa nao re to" myhid' mung: maqho mamyid: lo: na: bam veko". Ni" qobo saung" xo mung: nao kaid' shaid' ru gyai laug: byaug: mathao mae ni" gyevo jham dae te' byid' ra" dae khu we' nao re no nhao va". Byu qain qe byid' ra" dae re15 Ngo byid: va". – Nao wa no dae phau: mung: pe" mung: ngug: na: i"? Ni" qobo saung" xo: mathao mae nao phau" no dae gai nae" qug' ra". Nao zai" shaid' ru myo" laug: byaug: mathao mae ce re" ru: nao16 re mho" shid' ru ngaid: . – Ngaid qere: nao re phyo' zo" ra" mo, alhab' wa phyo' zo" ru , ni" gye alhab' wa taui" sham" lo" ru , nao re lhaid' zo: lhaid' shaug' ra" mo, alhab' wa lhaid' zo: lhaid' shaug' ru re17 phau: genae". – Mo"so ceru: ga: mho: ra". Su geje nao re shepye' to" phau" ra" yaug ga: mang: re khag' yang re: maqu" gam caung lo" ra" Ziun: vogaung: ga: yang: mho gengaid yang: re: ni" no phyo: jham re Ngo gai yo: lo nhao mung: qao" zin: nhao nae".18 Mo"so ceru: ga: mho: ra". Sham" taui" pyaung" qhug' ra" Yaku' amyu" seim zaung jham re Ngo dam: ci: lo nae". Yao" yham dang: re nhag' myain: shi: nae". Vomo" re: yao: bam: dao mae dalhang dam: te" na: li" genae". Jhaung zug' yham mae" re: qhid'19 phyao: re" ru: qo" na genae". – Yao: bam: khug mae" caung: khin" thoe , qi sam: su: yao: bam thoe thug' li" nae". Ngo wa yao: bam re na: myo: na: je: nhao nae". Deim" zag: khyo" ke' ru maqhug' tau: to' ra" khyo20 joe" sho' kaid' nae". – Yao: bam: zo: myid: jham wa qhid' phyao: re" ru: ngaid mung: mang: volo byu qe wa Nga" qhid' kheim: mae na tang ye, tang genae". Yao: bam re pyam" yhin" ra" mo, alhab' re Ngo qobo21 qug: khai: byid: nae". – Yao: bam re ug nae" zug: wa yao: bam: amyu" ngaid nae". Yao: bam: amyu" khug mae" Ngo nhao: thug' ke' ra" yaug wa yao: bam re ug gam: li" nae". Yao: re kung" yu mung: yao: wa Ngo jhao" tin: te' lo: li" nae". Ngo jhao" qui" tin: te' lo nae" tau: yao: re khag' yang22 zhain: ca" nae" i"? – Alao" yao: bam wa Nga" byu jham boe" mung: Ngo wa yao: bam: Mo"so boe" nae" ga: Mo"so mho: ra".23 Mo"so: la sham" wa laung: ru we' hug' lo: ra". Gyai thin: ra" la sham" ngaid mung: tarha" macao" ra" mo; au: dao mae hug'24 sham" lo" li" nae". – Mo"so wa lo, mau" zo" re zai" pin" mung: myid: yaung: tau" da: to" mabyang" loe" shi: re nhag' gyid' ru tae" lo" nae" mangaid: . Thao phyao: za: naonhaung" ba: gyo" yu: li" genae".