1 Yuda jhaung zug: Yekhoni we' daga" jhaung zug: myhi" , byu shain: jham , lo, gin se" mo, , be, so" mo, Yerusalem: mae"2 thug' lo" thao – Yuda jhaung zug: Zedekia wa Babilon: jhaung zug: Nebukhaneza: jhao" nhao: ke' ra" Shaphain" yao: zo: Elaza: we' Hilikhia' yao: zo: Gemaria lo,3 mae – lapa Yeremia tung" mung: Yerusa- lem: mae" Babilon: khyo Nebukhaneza: sham" jhui" lo" qhug' ra" kao qi: mo, khin jaung jham , lapa jham , myaung sho: mo, alhab' na: ra" jo, qo khyo Yerusalem: mae"4 vhin: ke' ra" tung" khye' wa – Israel amyu" Mo"so gug: mang: din" gam ug AsAng Mo"so wa Yerusalem: mae" Babilon: khyo sham" jhui" lo" ra" mo, alhab' re mho: ru5 wa – yham kaid' yang: na ge, . Khyae kaid'6 mung: qhovo: qhoshi: zo: ge, . – Myi: yu yo byin yang: zo: khau dau myhung ge, . Naonhaung" yao: zo: qe re re: myi: yu yham qo" nhao mung: zo: khau dau myhung: mung: na: je: na: myo: na: laug:7 ye: ge, . – Naonhaung" re sham" pyaung" lo: ra" vogaung: re: ngaui bau: yaug yo veshao: . Ai: vogaung" tau: mae jhaung: mho' ge, . Ai: vogaung: na pyo: yaug yo: ru khyo" yang: naonhaung" re: yaug yo myain8 cae: genae". – Israel amyu" Mo"so gug: mang: din" gam ug yaug Mo"so mho: ru wa naonhaung" mae bona: ra" lapa , boe, phyid' mo, wa naonhaung" re mamho" pyag' maju" phyo' genae" ru re lha" ge, . Naonhaung" myao nhao: ra" yab mo, dao:9 re dalam" ge, . – Dam: mho: ru wa ai jham wa Ngo nhao: ke' ra" mo, mangaid: . Nga" mang khyao: re lao: mung: mhug'10 dao: pa: kyo" ra". – Mo"so dam: mho shi" ru wa Babilon: vo mae nhaid' xe zin lo" byang" ra" au: Ngo naonhaung" re li" kam: nae". Ngo to" to" ra" dao: so: gyang" dang mung: naonhaung" ce: mang: din" khyo11 dam: jhui" dai" nae". – Mo"so ceru: ga: mho: ra". Ngo naonhaung" akhyo re Ngo yao: ba: na gau ngaid: . Ngo naonhaung" re jeim: nhao nae" mangaid: . Naonhaung" nhag' nghae" ra" yaug yo myain cae" ru qo" nae" ru re Ngo amyid: tau" yaung: to" ru12 re Ngo ba: na gau ngaid: . – Naonhaung" Ngo re khai mung: jhaung: mho' ko" ra" au: naonhaung" re Ngo tae" gyo: byid:13 nae". – Ngo re nhag' myid lam: maug we'14 qho ko" ngaid: re qhug' genae". – Ngo re: naonhaung" re the' myao nhao nae". Qhid' phyao: Ngo naonhaung" re khe' thug' sin" ke' ru re dam: tug' yu nae" tau: mae" mang: din" khyi" khao: ngo" mae" Ngo dam: khai: zhang" yu mung: qhid' phyao: naonhaung" re khe' thug' ke' mung: naonhaung" to" pye' co' ko" ra" mang: khyo Ngo dam: jhui" dai" nae" ga: Mo"so mho: ra".15 Mo"so wa ngonhaung" tau: mae" Babi- lon: vogaung: mae lapa khyin: to: va" ga:16 mho ko" mathao mae – Davi la kin tao" dao mae tao" zaung: ra" jhaung zug: mae" ru ce: vo mae na: gyo" ko" ra" ga" mo, alhab' , sham" pyaung" lo" ru mae mabo: bo: ra" naonhaung" mao: nhaung: jham re qang yang: gug: mang: din" gam ug17 yaug Mo"so mho: ru wa – yao: bam: au: dao mae shae lhae gye , bao" khug' gye , no qam" gye jham re Ngo nhao: ke' nae". Magai: zo: lo: sho' mayaung" malho" ra"18 pho' ham" shi: re" ru: boe" genae". – Ngo yao: bam re shae lhae gye , bao" khug' gye , no qam" gye: yang pyam" yhin" nae". Ngo khe' thug' sin" ke' ra" mang: khyi" khao: ngo" mae byumyu" aja: ja" jham: khug mae yao: bam wa nhang: kheim: phau: jao: , khang: nhau: jao: , nga: khyoe' jao: boe" nae" khyo: mug: myid dao mang: khao: ngo" jham: yang khang: nhau: be, khyaid' phau: geshao: Ngo yao: bam re qhaug' nae"19 ga: Mo"so mho: ra". – Khoru: ga" re Ngo no' no' to" mung: Nga" jeim lapa jham re alhang lhang paug' yang: nhao: ke' ra" mo; dao: re naonhaung" matae" gyo: makhae:20 yu ko" ga: Mo"so mho: ra". – Ai ru: mung: Yerusalem: mae" Babilon: khyo Ngo nhao: ke' mung: kham" lhaung" qhug' ra" mo, alhab' mo, we" Mo"so: mung dao: re tae" gyo: ge, ga: mho: ra".21 Israel amyu" Mo"so gug: mang: din" gam ug AsAng Mo"so mho: ru wa Nga" mang khyao: re lao: yang: naonhaung" re mhug' pa: kyo: ko" ra" Kolaia yao: zo: Ahab' we' Mateya' yao: zo: Zedekia tao re Babilon: jhaung zug: Nebukhaneza: lo, mae qhaug' mung: ai: jhaung zug: wa yao: shid' zo: re naonhaung" myo, qhao: tae22 mae se' pye' nae" ngaid: ra". – Ai re" ru: Babilon: jhaung zug: myi" yang ngha" se' pye' ra" Zedekia we' Ahab' re" ru: Mo"so nao re boe" nhao veshao: ga: Babilon: vo mae kham" lhaung" qhug' ra" Yuda byu qe alhab' yao: shid' zo" mang re nhang:23 kheim: toe' genae" ngaid: ra". – Khoru: ga" re yao: shid' zo: wa Israel amyu" mae deim: so: zag mau" kaid' veko". Su: myi: lhaid' ko". Ngo mapin: to" ru Nga" mang lao: mung: pa mhug' dao: ta" veko". Ngo the' gyo" we' dakhyo: Ngo yao: sagso: ngaid va" ga: Mo"so mho: ra".24 Nahelemed vobyu Shemaya re ceru: ein: ta" kyo: wa, . Israel amyu" Mo"so gug: mang: din" gam yaug AsAng Mo"so mho:25 ru wa – nao wa Nga" mang re lao: mung: khin jaung Mateya' yao: zo: Zephania re re: , khin jaung jham we' Yerusalem: vobyu alhab' geim" re tung" khye' tung"26 ke' mung: – nao wa Mo"so: yham re qu" gam nae" byu khyin: nha: to: mung: lapa ago jham re kyam: lhaung" yang: kyam: xao" to: nae" tau: Mo"so: khin jaung Yohoada yao: zo" gaung tha" nao re khin27 jaung aya: byid: to" ra". – Ai ru: mung: naonhaung" mae lapa pa: na: ra" Anatug' vobyu Yeremia re pe" mung: mamho"28 shid' mata" kyang" i"? – Yao: wa kham" lhaung" nae" ayo, wa myao" zai ngaid: . Yham kaid' na ge, . Khyae kaid' mung: qhovo: qhoshi: qho: zo: qho: shaug' ge, ga: Babilon: mae na: ra" ngonhaung" re pyang:29 ke' venhaung mangaid: i"? ga: – Shemaya' byid' ke' ra" tung" khye' re khin jaung Zephania wa lapa Yeremia qhid' kheim: mae nghe' kyo" ra".30 Alao" Shemaya' vobyu Shemaya' re31 qang yang: Mo"so mho: ru wa – Ngo manhao: ru Shemaya' wa lapa pa mung: naonhaung" re madang mamain" ru mae khug ngha nhao: ra" mathao mae Mo"so32 mho: ru wa – Nekela' vobyu Shemaya' we' yao" amyu" re Ngo qobo dae byid: nae". Ce: amyu" akaung mae dayaug re: na gai nae" akhyo majo, . Mo"so ceru: ga: mho: ra". Yao: wa Mo"so re tau: lhain: nae" tau: mae mho" shid' ra" mathao: yang Nga" byumyu" jham re Ngo byid: nae" jeju re ai: yaug mathe' myao nae" ga: sham" pyaung" lo" ra" mo, alhab' jhao" tung" khye' tung" vhin: ke' nae" akhyo Mo"so: mung dao: wa Yeremia jhao" joe" li" mung: pyang: ke' ra".