1 Ai: zin na ga" ra" Yuda jhaung zug: Zedekia tao" zaung byid zin: lho" ngo" khye' mae Gibeon" vobyu Azura' yao: zo:2 Hanania wa – gug: mang: din" gam ug Israel qe: Mo"so mho: ru wa- Babilon: jhaung zug' kyau: re Ngo nag: khyug' pye'3 nae". – Babilon: jhaung zug: Nebukhane- za: ce: vo mae" lhaid' sham" tai: lo" ra" pa" jhaung: yham: ug' khug' zai yo alhab' geim" re shid' zin: aqho" mae ce: jo, qo khyo4 dam: yu: lo nae". – Babilon: khyo sham" jhui" lo" ra" Yuda volo byu alhab' we' daga" Yuda jhaung zug: Yehoiakim" yao: zo: Yekhonia' re re: ce: jo, qo khyo Ngo dam: jhui" lo nae". Babilon: jhaung zug' kyau: re Ngo nag: khyug' pye' nae" ga: Mo"so mho: ra" ga" khyo re pa" jhaung: yham mae khin jaung qe byu myo: sho' qhid' kheim: mae ngo re mho: ra".5 Alao" lapa Yeremia wa pa" jhaung: yham mae ye; na: bam ko" ra" khin jaung qe we' volo byu jham: qhid' kheim: lapa6 Hanania re dam: mho: ru wa – Um wo" Amen Mo"so ai: akhyo kaid' veshao: . Pa" jhaung: yham: ug' khug' zai yo we' daga" ce: jo, qo mae" Babilon: khyo sham" jhui" lo" ra" mo, re Mo"so wa dam: jhui" lo mung: nao ta" ra" dao: dang madang ci:7 qhu" veshao: wo". – Ngaid qere: nao we' daga" volo byu qe re ana" ngo ta" nae"8 dao: tae" gyo: ge, . – Qhid' phyao: nao we' daga" ngo mana makhau shi" ra" yo, mae na: lai: lo: ra" lapa jham wa mang: din" myo: sho' , qam: qi" ra" mang: din" jham re qang yang: mang: byo; lao baui nae" khyo , qug: khai: qhug' nae" akhyo , no qam" gyo" nae" akhyo jham re pa: kyo:9 ko" ra". – Ngaui bau: yaug yo nae" akhyo pa: kyo" ra" lapa jham na: re yao: bam: dao: dang: lo: ra" au: mae gai gai: yao: Mo"so nhao: ke' ra" lapa ngaid: ru mangaid: ru bao bao myao nae" ngaid: ra" ga: mho: ra". –10 Alao" lapa Hanania wa lapa Yeremia lang zang: mae" kyau: re yu mung: nag: khyug'11 zo" re" – Mo"so mho: ru wa ai re" ru: byumyu" myo: sho' mo; lang zang: mae" Babilon: jhaung zug: Nebukhaneza: vhin: to" ra" kyau: re shid' zin: aqho" mae ngo nag: khyug' nae" ga: mho: ra" akhyo re volo byu qe: qhid' kheim: mae ta" ra". Alao" lapa Yeremia phao: thug' lo" ra".12 Lapa Hanania wa lapa Yeremia lang zang: mae" kyau: re nag: khyug' pye' thao dalhang Mo"so: mung dao: Yeremia jhao"13 joe" li" ru wa – ye: wa, , Hanania re ta" kyo: wa, . Nao nag: khyug' pye' ra" sag' kyau" atha" jo, to' kyau: re kaid' va" ra". –14 Israel amyu" qe: Mo"so gug: mang: din" gam ug yaug mho: ru wa , ce: byumyu" na mae" na alhab' wa Babilon: jhaung zug: Nebudkhaneza" mau" re vin vo, nae" tau: mae yao: bam: lang zang: mae jo, to' kyau: re Ngo vhin va". Ai jham wa ai: jhaung zug' mau" re vin vo, ca" genae". Seyo: gug' nyhug' gug' du: jham re re: yao: mae qhaug' va" ga: mho: ra".15 Lapa Yeremia wa Hanania re Hanania we" tae" gyo" yu wa, . Mo"so nao re nhao: ru mangaid: . Ce: byumyu" jham re mhug' ra" dao: thoe ngha nae" khyo: nao kaid' va"16 ra". – Ai ru: mung: Mo"so mho: ru wa nao wa Mo"so re tau: lhain: genae" tau: mho" shid' ra" mathao mae nao re myid kin mae" qab: pye' naeva". Ana" ce: zin: khug mae nao shid nae" ga: lapa Hanania re mho:17 ra". – Ai re" ru: mho: ru we' dakhyo: lapa Hanania wa ai: zin: khug lho" mo" nhaid' khye' mae shid: lo" va".