1 Yuda jhaung zug: Yoshia yao: zo: Zedekia tao" zaung: qhid: ra" thao: zin mae Mo"so: mung dao: wa Yeremia jhao"2 joe" mung: Mo"so mho: ru wa – taui: we' kyau: re kaid' mung: ni" lang zang: mae3 vin: ci wa, . – Yerusalem: khyo jhaung zug: Zedekia jhao" joe" li" ko" ra" mang: din" logyo: jham mae taui: we' kyau: re Edom: zug: , Mo"ba' zug: , Ammon: zug: , Turu'4 zug: , Sidon: zug: qe re byid' ke' wa, . – Ai: logyo: jham re re: naonhaung" wa naon- haung" asang jham re kai" zhao: kyo: nae" ru wa Israel amyu" Mo"so gug: mang: din"5 gam ug AsAng Mo"so mho: ru wa – Ngo wa amo" laha: kheim: so' we' lo, lam: jhao" ke' yang: mug: myid re re: , mug: myid: dao mae na: ra" byu , gug' nyhug' gug' du: alhab' re Ngo phain: myhung: ke' mung: Ngo wa6 byid: nug mo, byid: nae". – Ana" kam" wa ce: mang: ce: din" jo; gu: alhab' re Nga" jeim Babilon: jhaung zug: Nebukhaneza" lo, mae qhaug' pye' va". Seyo: gug' nyhug' jham re re: yao: nhao zo: nae" Ngo byid:7 va". – Yao" mang: din" byo; baui: lo" nae" majoe" shi" gyo: mae ce: mang" byu jham alhab' wa yao" mau" we' yao" zo: dau qe: mau" myo: sho' mo, we' qam: qi" ra" jhaung zug: qe yao: bam re nhao zo" li" genae". –8 Mo"so mho: ru wa Babilon: jhaung zug: Nebukhaneza" mau" re makhae: yu , manug: vin vo, , yao: vhin: ra" kyau: re mavin nug: ra" mang: din" jo, mae" jo, re yao" lo, mae seim" jeim: genae" tau: mae shae gye , bao" khug' gye , no qam" gye:9 yang Ngo qobo dae byid: nae". – Ai ru: mung: naonhaung" wa Babilon: jhaung zug' daui mung mo, dakaid' ge, ga: naon- haung" re ta" ko" ra" lapa , boe, phyid' mo, yab mo, myao: ra" mho" pho" qe , yui: lapa qe , kheim: ba: ke' ra" mo; dao: re datae"10 gyo: ge, . – Ai ru" byu qe wa naonhaung" re naonhaung" mang: din" we' va" lin: lo" nae" tau: mae re: , naonhaung" re Ngo khe' thug' sin" ke' mung: na: jeim" lo" genae"11 tau: mhug' dao: ta" ba ko" ra". – Babilon: jhaung zug: vhin: ra" kyau: re vin mung: yao" mau" vin vo; ra" byumyu" jham re wa yao: bam: na qao: mang: mae qo" na nae" akhang" Ngo byid: yang: yao: bam wa yao: bam: mug: myid mae zaui: zo: mung ve, mung: qhug' na genae" ga: Mo"so mho: ra".12 Ai: mung dao: alhab' geim" re Ngo Yuda jhaung zug: re dam: ta" ra" dao: kheim: jham wa Babilon: jhaung zug' kyau: re vin vo; mung: yao: we' yao" byu qe: tau: daui mung yang: yaug yo za: na ge, wo". –13 Babilon: jhaung zug' mau" re vin vo; nae" makhae: yu: ra" byumyu" re qang yang: mho: ru we' dakhyo: nao we' ni" byumyu" qe wa shae gye , bao" khug' gye , no qam" gye mae khoru: pe" mung: shid gain genae"14 i"? – Naonhaung" wa Babilon: jhaung zug: caung da" mau" re davin vo, ge, ga: naon- haung" re ta" ko" ra" lapa jham: dao: datae" gyo: ge, . Yao: bam wa mhug' ra" khyo" pa15 dao: ta" mo, ngaid ko" ra". – Mo"so ceru: ga: mho: ra". Ngo yao: bam re manhao: ke' ru naonhaung" we' naonhaung" re pa byid: ko" ra" lapa jham we' daga" Ngo khe' thug' sin" ke' mung: naonhaung" we' daga" za: byo, qeim: lo" nae" tau: yao: bam wa Nga" mang lao: yang: mhug' ra" dao: za: pa: kyo: ko" ra".16 Khin jaung qe we' mang: volo byu jham re Mo"so: amyin" mung dao: re ngo dam: ta" kyo" ru wa- khomyhao" mataung" myao" re pa" jhaung: yham mae" Babilon: khyo sham" tai: lo" ra" ug' khug' zai yo jham Babilon: mae" dam: tai: lo: li" genae" ga: naonhaung" re ta" kyo: ko" ra" lapa jham: dao: re dalam" ge, . Yao: bam wa mhug' ra" dao: za: naonhaung" re pa: kyo:17 ko" ra". – Yao: bam: dao: re dagyo" lam" ge, . Babilon: jhaung zug' mau" khae: yu caung da" mung: yaug yo za: na ge, . Ce: vogaung: pe" mung yang: cae: jhug tag: jo,18 qo boe" nae" i"? – Yao: bam Mo"so: mung dao: khyo" lapa pa: ru dang dang ngaid ko" re wa pa" jhaung: yham mae" re: , jhaung zug' yham mae" re: , Yerusalem: vo mae" re: , dang: jo, shi" ra" gu: re re: Babilon: khyo masham" tai: lo" nae" tau:19 Mo"so re ana" mho' bain: veshao: . – Babi- lon: jhaung zug: Nebukhaneza: wa Yuda jhaung zug: Yehoiakim" yao: zo: Yekhoni mae" dadu Yuda mang: Yerusalem: agyi khaung: mhao: alhab' geim" re Yerusalem: mae" mung: Babilon: khyo sham" pyaung"20 tai: lo" ra" au: , – Ai: jhaung zug: maqo" the' myao mung: mayu: lo" ra" pa" jhaung: yham mae" re: , jhaung zug' yham mae" re: , Yerusalem: vo mae" re: , qid tham: qid lao: , dang: jo; ra" khaung zang jham tang" to: co' ra" ug' khug' zai yo jham re21 qang yang: – Israel amyu" Mo"so gug:22 mang: din" gam ug yaug mho: ru wa ,– Ai: ug' khug' zai yo jham re Babilon: vo khyo yu: lo" li"nae". Ngo li" kam" qu" nae" ayo, majoe" shi" gyo: mae wa ai: vo mae jo; jo, veshao: . Ngo li" joe" kam: lao" ai: ug' khug' zai yo jham re dam: yu: lo mung: ce: jo, qo mae Ngo dam: to" to: nae" ga: mho: ra".