1 Yuda jhaung zug: Yoshia yao: zo: Yehoiakim: tao" zaung: qhid: ra" zin mae Mo"so: mung dao: joe" li" mung: Mo"so2 mho: ru wa – Pa" jhaung: yham khyo lam khug goe; pa" nae" joe" zang" li" ko" ra" Yuda vogaung" byu qe alhab' bam: re ta" kyo: nae" tau: Ngo nao re pin: to: va" dao: kheim: jham re pa" jhaung: yham vang" khug mae ye; na mung: yao: bam re dam: ta" kyo: wa, . Dakheim: re: magyo" lo: ta"3 kyo: wa, . – Yao: bam tae" gyo: mung: yaug nge, yao: yao" mashab makhyang" ra" khyo mae" dam: lhang: phaug' lo ko" ngaid: re Ngo re: yao: bam: qobo: mathao byid: nae" seim" to" ra" ru re naung myid4 qo" nae". – Ai mung: nao ta" nae" ru wa- Mo"so mho: ru wa naonhaung" Nga" mho dao: re matae" gyo: , naonhaung" mae to" to" ra" khang" dao: tarha" khyo mae5 macao". – Ngo no' no' to" mung: naon- haung" na: khyo alhang lhang nhao: ke' ra" Nga" jeim lapa qe: dao: re matae" gyo:6 lo: na ko" ngaid: re , – Ce: yham re Shilo" vogaung: re" ru: Ngo boe" nhao nae". Ce: vogaung: re re: myid kin: dao mae" byu amyu" myu" ceim" nhang" ra" vogaung: boe" nhao: pye' nae" ga: mho: ra".7 Pa" jhaung: yham mae ai re" ru: Yere- mia ta" hau" kyo" ra" dao: re lapa qe volo8 byu qe the' gyo: ko" ra". – Mang: volo byu jham re kai" ta" kyo: nae" tau: Mo"so pin: to" ra" dao: alhab' gain sho' ta" kyo: bin lao" khin jaung , lapa , volo byu jham wa Yere- mia re taui" myag mung: nao wa se' ru dang9 dang qhug' nae". – Ce: yham wa Shilo" vo ru: boe" nae". Ce: vo wa byu mana cae: jhug tag boe" nae" ein: ni" Mo"so: mang khyao: mae ngha yang: pe" ein: ta" i"? ga: mho mung: pa" jhaung: yham khug khyo Yeremia jhao" zang" ham: lo ko" ra".10 Yuda agyi khaung: mhao: jham wa ai: mau" re the' gyo: mung: jhaung zug' yham mae" pa" jhaung: yham khyo zang" ham: li" mung: Mo"so: yham kham: dung: sag'11 khug mae li" zaung: bam ko" ra". – Khin jaung qe we' lapa jham wa ce: yaug wa se' nae" main: qi" va" ra". Naonhaung" qhug' the' gyo: veko" ru we' dakhyo: ce: vo re tau: lhain: mung: ta" va" ra" ga: agyi khaung: mhao: qe re zhao: kyo: ko" ra". –12 Yeremia re: naonhaung" the' gyo: va" ru we' dakhyo: ce: yham we' ce: vogaung: tau: lhain: yang: ta" kyo: nae" tau: mae13 Mo"so ngo re nhao: ke' ru angaid: . – Ana" re: naonhaung" ci: ca" cao" ca" ave, jham re tha" lhag' pye' ge, . Naonhaung" AsAng Mo"so: dao: re tae" gyo: ge, . Ai ru: kaid' ko" re wa Mo"so wa naonhaung" au: dao mae qobo dae khyo" ke' nae" ga: kyaug' nhin" to: qe re: naung myid dam: qo" li"14 nae". – Ngo kam" wa naonhaung" lo, khug mae ngaid va". Naonhaung" myid o ngaui:15 khyo: kaid' ge, . – Ngaid qere: ngo re se' ko" re qobo maqo" ra" yaug: sa: wa naon- haung" au: dao mae re: ce: vobyu alhab' mo; au: dao mae re: gai gai: yao: joe" nae" ru wa dang dang ba: ci ge, . Ce: dao: alhab' re gain bin sho' ta" kyo: nae" khyo: Mo"so wa ngo re nhao: ke' ru dang dang yao: ngaid: ga: agyi khaung: mhao: qe re ta" sho' kyo" ra".16 Ai lao" agyi khaung: mhao: qe mae" dadu volo byu alhab' mo, wa ce: yaug wa shid main: qi" byu mangaid: . Ngo- nhaung" AsAng Mo"so: mang khyao: mae ngha mung: ngonhaung" re ta" kyo" ava" ga: khin jaung qe we' lapa jham re mho ko"17 ra". – Mang: byu kao qi: mo, daqhae: re: Yuda jhaung zug: Zedekia ta mae Manashe: vobyu Mikha: lapa pa mung: gug: mang: din" gam ug Mo"so mho: ru wa , Ziun: bam wa yothaung: re" ru: phaug' lhain" pye'18 ru qhug' nae". – Yerusalem: vogaung: re: myid zhai: zho: bam boe" nae" , pa" jhaung: yham re: seyo segae: boe" byaug nae" ga: Yuda mang: byu jham re ta" hau" kyo" lo"19 va". – Yuda jhaung zug: Hezekia we' Yuda mang: byu jham wa ai: lapa re se' ko" ra" i"? Ai: jhaung zug: wa Mo"so re gyaug phug' mung: Mo"so re mho' bain" ra". Mo"so wa yao: bam mae qug: khai: khyo" ke' nae" ga: kyaug' nhin" to" ru re dam: qab: yu: ra" mangaid: i"? Ngonhaung" kam" wa nyhao: nhaung" so' ha" phyo' qheim" bam vegen- haung wo" ga: ham: na mo, mho ko" ra".20 Kiriayarim: vo mae" Shemia yao: zo: Uria re: Mo"so: mang khyao: re lao: mung: ai: vo we' ai: mang: mae lapa pa: ru wa Yere- mia ta" ru we' daru: za: ta" hau" kyo" ra". –21 Yehoiakim: jhaung zug: we' agyi khaung: mhao: jham wa ai: lapa dao: re the' gyo: ko" au: yao: re se' nae" jhaung zug: seim" na: ra". Ai: lau dao: re Uria gyaug mung: Egutu mang: khyo phao: khug: lo" byaug: ra". –22 Jhaung zug: Yehoiakim: wa Akhabo" yao: zo: Elanathain: we' byu daqhae: re Egutu23 khyo nhao: ke' mung: , – yao: bam wa Uria re Egutu mang: mae" jhui" lo mung: Yehoia- kim: jhaung zug' lo, mae qhaug' byid: ko" ra". Jhaung zug: wa Uria re shae: yang se' mung: mao gaung re masho: majhin: mo;24 lab bug mae shepye' to: nhao: ra". – Ngaid qere: Shaphain" yao: zo: Ahikam: wa Yere- mia re bao" thaug' ra" mathao mae se' pye' nae" tau: mang: byu qe: lo, mae qhaug' pye' ru maqhug' ngaid: ra".