1 Yuda jhaung zug: Yoshia yao: zo: Yehoiakim: tao" zaung byid zin Babilon: jhaung zug: Nebukhaneza: tao" zaung sao qhid' zin mae Yuda mang: byu jham re qang yang: Yeremia jhao" joe" ra" mung2 dao: re , – Yuda mang: byu , Yerusalem: vobyu jham re Yeremia ta" kai" kyo" ra"3 mung dao: wa – Yuda jhaung zug: Amon" yao: zo: Yoshia tao" zaung: ru daxe: sam zin mae" qhid mung: ana" ba: ne, joe" sho' shid' xe: sam zin: geim" Mo"so: mung dao: wa ngonhaung" jhao" joe" li" ru we' dakhyo: ngo wa no' no' to" mung: mung dao: re paug' yang: paug' yang: ta" hau" kyo: ngaid qere: naonhaung" wa matae"4 gyo" cao" lo: na: bam ko" ra". – Mo"so re: no' no' to" mung: yao" jeim lapa jham re nhao: ke' qe re: naonhaung" matae" gyo: ko". Amyin" dao: re gyo" yu nae" no: khae5 makhae lo: na: bam ko". – Ai: lapa jham wa naonhaung" dayaug we' dayaug cao" na: ra" magai: akhyo we' mayaung" malho" ave, re shepye' mung: naonhaung" phug' pho" jham re Mo"so byid' to" ra" mug:6 myid mae na: bam ge, . – Getau: mo"so: thao cao" mung: dalam khug dagoe; pa" ge, yao: yao" lo; yang kaid' yu: ra" ja: khyo" yang Ngo re nhag' dayo" gyid nhao ge, . Ngo re: naonhaung" re mayhin" mapyam"7 nae" ga: kai" ta" kyo" ra". – Ai ru: ta" hau" kyo: ngaid yang: re: naonhaung" mae so' ha" maqo" nae" khyo: yao: yao" lo; yang kaid' ra" zai aja: ja: yang Nga" nhag' gyid' ru thug' li" shao: ga: Nga" dao: re makhae:8 yu . Matae" gyo: lo: na: bam veko". – Ai ru: mung: gug: mang: din" gam ug Mo"so mho: ru wa naonhaung" wa Nga" mho dao:9 magyo: lo: na ko" mathao mae – ce: mang: we' mang: byu jham re re: , avai: ayae mae na ko" ra" byumyu" jham re re: gye khaid' nae" tau: Nga" jeim Babilon: jhaung zug: Nebukhaneza: we' mug: am: mang: mae" amyu" jham re khai: zhang" yu mung: yao: bam li" phyo' sin" pye' yang: ce: mang: re mug' pho" gyaug qho' pho" thoe athe' gyo" na: ra" cae: jhug tag jo, qo poe" pye' nae". –10 Yao: bam mae ngaui bau: ngaui lho" thoe , qi sam: su thoe , pho" sag' myhi" sag' thoe , laug lhang gyag thoe we' myi: dam: bo"11 bao re sham: byaug: lo" nhao nae". – Ce: mang: damang" geim" cae: jhug tag mug' pho: boe" byaug nae". Ce: byumyu" jham wa zin lam: nhaid' xe lam: lam: Babilon: jhaung zug' mau" vin vo, ca" genae".12 Mo"so mho: ru wa- zin lam: nhaid' xe byang" ra" au: Babilon: jhaung zug: we' yao" mang: din" ngaid: ra" Khalade" mang" qobo: mathao Ngo yao: bam re qobo dae byid: mung: ai: mang: re byu mana cae:13 jhug tag boe" nhao nae". – Byumyu" cao jab re qang yang: Yeremia lapa pa: ru we' ce: tung" paug' mae tung" to" ru we' dakhyo: ce: mang: re qang: ra" Nga" mung dao: alhab' re Khalade" mang" dao mae14 khyo" ke' nae". – Byumyu" myo: sho' we' qam: qi" ra" jhaung zug: jham wa Khalade" mang: byu qe re jeim toe' nhao zo" li" genae". Yao: bam: ave, we' yao: bam kaid' shaid' ra" mau" zo" mae qu" cao" yang: Ngo yao: bam re dae co' phaug' nae".15 Israel amyu" AsAng Mo"so re: nhag' gyid' sabyi' keim re Nga" lo, mae" yu: yu wa, . Ngo nao re ye: kam" qu" nhao: ra" byumyu" alhab' bam: re shaug' nhao16 wa, . – Yao: bam: phaung khyo Ngo nhao: ke' ra" shae: mathao yao: bam wa shaug' mung: yid: ru we' apyi avhang: su" lhau: li" genae" ga: ngo re mho: ru we' dakhyo: –17 ngo wa Mo"so: lo, mae" keim re yu mung: Mo"so ngo re nhao: ke' ra" byumyu" alhab'18 geim" shaug' nhao va". – Ai: byumyu" jham ein: mho: ru wa ana" ne, ngaid: ru we' dakhyo: byu sheim manae: jao: , mug' pho: jo, qo , jung" khyoe' dao: ta" jao: , nhang: myain" nhang: thoe boe" nae" tau: shaug' ko" ra" Yerusalem: byu ,Yuda mang: byu , jhaung zug: jham , khaung: mhao:19 jham – Egutu mang: re ug: ra" Pharaoh jhaung zug: mae" dadu yao" jeim jham , khaung: mhao: jham , mang: byu jham , yao: bam qhain" lhag' na ko" ra" amyu" na20 mae" na – Uza: mang: mae" jhaung zug: alhab' Philisti zug: alhab' , Ashakelung: mang: byu , Gaza: mang: byu , Ejhung: mang: byu , dang shi" ra" Azug' vobyu , –21 Edom: mang: byu , Mo"ba' mang: byu ,22 Ammon: mang: byu , – Turu' zug: alhab' Sidon: zug: alhab' bang: lae thoete' mae23 ug: ra" jhaung zug: jham , – Dedan: mang: byu , Tema' mang: byu Buza' mang: byu , bo: qae mug' qaug ba ko" ra" mang:24 byu na mae" na , – Arab' jhaung zug: qe alhab' geim" seyo mae na mung: byumyu" magyang" ra" byumyu" jham re ug: ra" zug:25 alhab' , – Zimari zug: alhab' , Elam: zug:26 alhab' Medizug: alhab' , – dayaug we' dayaug va: ngaid qere: jhao" ngaid qere: mug: am: mang: mae" jhaung zug: alhab' we' myid kin geim" na: ra" labug: mang: din" alhab' ngaid ko" ra". Gau: thao" lao: mae Sheshag' jhaung zug: re: shaug' nae" ngaid: ra".27 Naonhaung" phaung gaung: khyo Ngo nhao: khyo" ke' shae: mathao mae shaug' yang: yid ge, . Phoe" ge, . Yid: lang: ge, . Thao mae dato" lo: ge, ga: Israel amyu" Mo"so gug: mang: din" gam ug Mo"so mho: ra" ein: yao: bam re ye: kai" ta" kyo:28 wa, . – Yao: bam shaug' nae" tau: mae ni" lo, mae" malham: khae: yu ha ko" re gai gai: yao: shaug' ca" ga: gug: mang: din" ug Mo"so mho: ra" ein: yao: bam re29 dam: ta" wa, . – Khoru: ga" re Nga" mang khyao" yang mang byid' to" ra" vo re Ngo wa qobo byid' qhid: re naonhaung" dae maphau: lo: qo" na genae" i"? Dae mabo: phau: lo: maqo" na genae". Ngo wa myid kin: sosu byu alhab' tau: mae shae re she: ke' nae" ga: gug: mang: din" gam ug Mo"so mho: ra".30 Ai mung: nao lapa pa mung: byu jham re ta" nae" dao: kheim: jham wa – Mo"so wa myhao: ra" jo, qo mae" hau" nhain" ke' nae". Shao gyang" ra" pa" jhaung: yham mae" thoe mo" ke' nae". Jaung" ab' laung" jo, qo mae" thoe mo" ke' ke' nae". Sabyi' shi: pyag' mo, zag: yao ko" ru we' dakhyo: mug: myid alhab' shaid' khyo zag: hug' ke'31 nae". – Mug: myid athao" joe" sho' thoe byo: sin: lo" li" nae". Mo"so wa byumyu" cao jab we' jho" ngag nae" akhyo jo, mung: daui nam alhab' re mau" zo" qhu" byid: nae". Makhyang" ra" mo, re shae lhae: yang se' nae" tau: qhaug' pye' nae" ga: Mo"so mho: ra".32 Gug: mang: din" gam ug: Mo"so mho: ru wa qug: khai: qam" damang: mae" damang: khyo gau" lo" li" nae". Mug: myid athao" mae" la sham" la qam" mo" hug' lo:33 li" nae". – Ai: ayo, mae Mo"so: lo; yang se' qhug' ra" mo, wa mug: myid dashaid' thao mae" dashaid' thao khyo joe" sho' hau" bam zao: jo, li" nae". Yao: bam re kaug' cang mabo nae" magai: tai: bam nae". Magai: nyhab' shaung nae". Mug: myid:34 dao mae poe' re" ru: boe" genae". – Yao zam: mo, we" kaug' ngug: hug' ge, wo". Yao qi: yao gai jham we" myiqe, bam mae lhau: mung: na ge, . Naonhaung" re se' nae" ayo, joe" va". Jo, qo khyi" khao: ngo" khyo Ngo keim" ke' yang: naonhaung" wa35 phug' de; ra" zai yo ru: boe" genae". – Yao zam: mo, phao khyo majo, yao qi: yao gai jham wa loe, nae" khyo qho mung:36 maqhug' genae".– Yao zam: mo; ngug thoe we' yao qi: yao gai jham: myang thoe the' gyo" ra". Khoru: ga" re Mo"so wa yao: bam: gyo, zo: jao: re phyo' qheim" pye'37 ava". – Mo"so wa nhag' kyid kyid kho: sho' yo" ra" khyo" yang yaug yo cae: tae: za" jo, qo jham re re: phyo' qheim" sham"38 jhaid' khyo" pye' ru phau: ko" ra". – Yao: wa lo:tin: re" ru: yao" yab jao: re to" pye' co' va" ra". Yao: bam: mang: din" wa deim: so: zag pyam" yhin" ra" yaug: nhag' gyid' ra" mathao: yang yao: bam: mang: din: cae: jhug tag: jo, qo boe" ra".