1 Mo"so qhu" byid' ra" ve, lho wa- Babilon: jhaung zug: Nebukhaneza: Yuda jhaung zug: Yehoiakim" yao: zo: Yekhonia' we' Yuda agyi khaung: mhao: jham juyi bo mo, shae be, mo, re Yerusalem: mae" mung: Babilon: khyo sham" pyaung" tai: lo" thao Mo"so: yham jao: kheim: mae pho' ham" shi: bo: ra" gyain shid' gyain re ngo2 the' myao: . – Dagyain mae wa sao qhid' mhang" ra" pho' ham" shi: ru" ru gyai gai: ru byang" sho' bo: ra". Dagyain mae magai: zo: lo: sho' magai mayaung" ra" pho'3 ham" shi: byang" sho' bo: ra". – Mo"so wa Yeremia we" nao pe" nam the' myao: i"? ga: myid: lao" ngo wa pho' ham" shi: re myao: . Gai: ra" pho' ham" shi: wa gyai yao: gai yaung" ra". Magai: ra" pho' ham" shi: wa zo: magai lo: sho' mayaung" malho" ru ngaid: ra" ein: dam: tau: va".4 Mo"so: mung dao: ngo jhao" dam: joe"5 mung: Israel qe: Mo"so mho: ru wa – ce: jo, qo mae" Khalade" mang: khyo Ngo nhao: ke' mung: sham" lo" ra" Yuda amyu" kaung wa ce: gai lho" ra" pho' ham" shi: re" ru6 boe" nae" ein: Ngo jho: ra". – Ngo wa yao: bam re gai: ra" khyo" xam" to: mung: ce: mang: khyo dalhang dam: jhui" lo nae" ein: myid: to". Thao dalhang mabyo, mabaui lo: na: tang ye; tang genae". Maphain" khyo"7 pye' lo: qho" yhaug' to: nae". – Ngo Mo"so ngaid: ru re yao: bam ba genae" tau: Ngo yao: bam re byid' to: nae". Yao: bam wa Nga" byu qe boe" mung: Ngo re: yao: bam: Mo"so boe" nae". Ngo jhao" lam: maug yao: dam: zang" lo: li" genae".8 Magai: zo: lo: sho' magai malho" ra" pho' ham" shi: re" ru: Ngo wa Yuda jhaung zug: Zedakia mae" dadu , agyi khaung: mhao: jham ce: mang: mae dang: gyo" na ko" ra" Yerusalem: vobyu , Egutu mang: mae phao: khug: na: ra" amyu" zo: qe re9 boe" nhao nae". – Ngo wa mug: myid: dao mae" mang: khao: ngo" myhi" so: sin: qhug'10 sho' yao: bam re qhaug' pye' nae". – Yao: bam we' yao: bam: phug' pho" jham re Ngo byid' to" ra" mang: mae" sham" khyo" pye' nae" ayo, majoe" shi" ra" gyo: mae shae gye vae: moe; qid shab' gye no qam" gye re yao: bam na: ra" khyo Ngo khyo" ke' nae" ga: Mo"so mho: ra".