1 Mo"so ceru: ga: mho: ra". Nga" gyo, zo: jao: mae" yao jham re khe' sin: mung: myhi" so: sin: boe" nhao: ra" yao zaung" mo, wa byu xa: vo: qoe, genae".2 Ai ru: mung: Israel amyu" Mo"so mho: ru wa Nga" byu jham re qu" gam caung: ra" yao zam: mo; mau" mae" naonhaung" wa Nga" yao zhain re maqu" magam ko" , macaung ko" , khyi" khao: ngo" khyo pyo: sin" ke' mung: keim" lhae" ko" mathao naonhaung" zai" shaid' ra" qobo naon- haung" au: dao mae khyo" ke' nae" ga:3 Mo"so mho: ra". – Dalhang dam: mho: ru wa Nga" yao zhain jham re Ngo khe' thug' sin" ke' ra" mang: din" jo, mae" jo, mae dang: gyo" na: bam: ra" yao jham re khai: zhang: mung: na qao: jo, qo khyo dalhang dam: jhui" yu nae". Yao: bam re: zo: myhung: dau khau mung: myo" laug:4 lo: li" nae". – Yao: bam re qu" gam caung nae" yao zam: mo, re yao: bam: tau: Ngo khyin: nhao: to: yang: yao: bam: wa thao dalhang gyaug: ru din ci" ru majo, lo: nae". Mho" shid' kyang" ru re: makhae: yu , qo la: genae" ga: Mo"so mho: ra".5 Mo"so ceru: ga: mho: ra". Davi tau: mae shao lho" ra" lo, bo, taid' li" nhao nae". Ai: yaug wa au: naug: sozo: du" ra" jhaung zug: dayaug ug mung: mug: myid: dao mae tarha" din" ra" khyo: zaui: so: ug khang" ra"6 ayo, wa joe" lo: li" nae". – Ai: jhaung zug' ta mae" Yuda mang: wa khyaid' khyi: yu: qhug' mung: Israel mang: re: yaug yo za: qhug' na genae". Ai: yaug wa ngonhaung" Mo"so AsAng ga: mang khyao: khyo" mang mhang" ru qhug' nae" ngaid: ra".7 Ai ru: mung: Mo"so mho: ru wa Israel qe re Egutu mang: mae" jhui" she: thug' lo: ra" Mo"so wa daui: na: ga: jham matang:8 lo: za: , – Israel amyu" zo: myid: jham re mug: am: mang: we' yao: bam re khe' sin" ke' ra" mang: khao: ngo" mae dam: jhui" she: yu: ra" Mo"so daui: na: ru we' dakhyo: ga: jham tang: nae" ayo, wa dalhang dam: joe" lo: li" nae". Yao: bam wa dalhang dam: joe" lo: li" nae" yao: bam: na qao: mug: myid mae dam: the' qhug' na: li" genae".9 Lapa qe we' tin" ra" mung dao: Mo"so: mathao mae re: shao lho" ra" mung dao" mathao mae re: Ngo nhag' lam: gyug' na: . Nga" shoqug: shoqae jham wa nin" na: . Yhid yid yaug we' sabyi' qang" mathao apyi avhang: su" qin" yaug ru: Ngo boe" ra".–10 Khoru: ga" re mashao malho" ra" phavae mau" mae ngha: na mo, damang" geim" mae na: bam ko" ra". Yao: bam: mathao mae damang" geim" nyung: ako". Seyo gyo, zo: jao: jham kyaug' ho: byaug va". Mang: byu su" ra" khyo wa madin: , yao: bam: ave, qam: o: wa tarha" ra" shaid' mae11 mana ko". – Lapa pho" we' khin jaung pho" Mo"so re maphug' mamyao: kaid' veko". Nga" yham mae lao" re: yao: tao makhyang: mashab: mau" re Ngo myao12 va" ga: Mo"so mho: ra". – Ai ru: mung: yao: tao ye" lo" ra" gau: khyo wa mug: caid' yo mae" jhaid' ra" khyo re" ru: boe" mung: yao: tao wa yao: cao: jho" deim" she mung: lang: genae". Khoru: ga" re yao: tao re mho" shid' kyang" ra" ayo, mae yao: tao: au: dao mae qug: khai: khyo" ke' nae" ga: Mo"so mho: ra".13 Samari mang: mae" lapa jham mae re: madau thug' ra" nhag' myid re Ngo myao va". Yao: bam wa Bala' mo"so ngha yang: lapa pa ko" mung: Nga" amyu" Israel amyu"14 qe re jhui" nghung: veko" ra". – Yerusa- lem: lapa jham mae re: qu" ca' pho: ngaid: ru re Ngo the' myao va". Yao: bam: mashao malho" phavae mau" vao: zaui: zo" re" mhug' ru , deim: so: zag kaid' ra" mo, qam: bobyid: geyang: khag' re: yao: yao: kaid' ra" se' da: be, khyaid' mau" re mashepye' ko". Ai bam alhab' wa Nga" qhid' kheim: mae Sodom: vo re" ru: Yerusalem: vobyu qe wa Gomora' vo re" ru: boe" genae". –15 Ai: mathao mae gug: mang: din" gam ug Mo"so wa lapa qe tin" ra" mau" mae mho: ru wa- yao: bam re myaug daug re Ngo zho: jhaug' nae". Khin cid' kho: re re: jhaug' nae". Yerusalem: lapa jham wa apain aqao: ngaid mung: mashab makhyang" mau" wa damang: geim" khyo byo: sin" lo" va".16 Gug: mang: din" gam ug: Mo"so mho: ru wa lapa pa mung: naonhaung" re ta" kyo" ra" lapa qe: dao: re datae" gyo: ge, . Yao: bam wa naonhaung" re akeim aseim za: ta" kyo" ako". Mo"so: nhaid' mae" thug' ra" mung dao: mangaid: . Yao: bam yao" nhag' myid myo, myhung" we' dakhyo:17 ba: ta" ko" ra". – Mo"so: mung dao: re pe" shui manho: ra" mo, re naonhaung" wa yaug yo myain cae" ru qhug' genae" ga: ba: ta" ko" ra". Yao: yao" nhag' myid qao: ra" khyo" cao" ra" mo, naonhaung" qug: khai: kyin" nhaung" ru phau: genae"18 mangaid: ga: ba: ta" ko" ra". – Yao: bam mae Mo"so: mung dao: ba: gyo: sho' yao: we' khoyaug byin qham: qu" ko" i"? Yao" mung dao: re beim: so: mung: ba: gyo"19 yu: ru wa khoyaug ngaid: ra" i"? – Mo"so: la sham" wa laung: ra" so' we' thug' li" lo yang: matarha" ra" mo; au: dao mae hug'20 sham" lo" li" nae". – Mo"so: nhag' gyid' ru wa yao: myid: tau" da: to" ru maboe" boe" wa thang: pye' nae" mangaid: . Thao phyao: she, naonhaung" bao bao de: de:21 sho' sho' gyao: gyao: ba: gyo: genae". – Ai: lapa jham wa Ngo manhao: ru phao: tao" lo" veko". Ngo mapin: to" ru yao: bam lapa22 pa veko". – Yao: bam Ngo we' byin qham ko" ngaid: re Nga" mung dao: re Nga" byumyu" jham re kai" ta" kyo: mung: Nga" byumyu" jham re matarha" ra" gau: khyo we' ave, mae" dam: qo" jhui" tug' she: yu genae" ngaid: ra".23 Ngo wa ajhao" mae" Mo"so za: ngaid: ra" i"? Va" ra" jo, qo mae re: Mo"so ngaid:24 mangaid: i"? ga: myid' ra". – Ngo mathe' myao lo: sho' gug' ra" jo, qo mae khoy- aug qo" vho' na genae" i"? Ngo wa mug: kin myid kin re qo" zai" pyang" ra" Mo"so25 mangaid: i"? ga: mho: ra". – Ngo yab mo, myao va". Yab mo, myao va" ga: Nga" mang lao: mung: mhug' ra" khyo" lapa pa: ra"26 mo; dao: thoe re Ngo the' gyo: va". – Ai: lapa jham wa khomyhao" joe" sho' ce re" ru: kaid' na genae" i"? Yao: bam wa mhug' ra" khyo" ta" ba: ako". Yao: bam wa yao: bam: nhag' myid khyo" cao" yang: mhug'27 vhain" ra" khyo" lapa pa ko" ra". – Yao: bam: phug' pho" qe wa Bala' mathao: yang Nga" mang khyao: re to" myhid' ko" ru ru: yao: bam wa yham kyo: cao: dayaug we' dayaug jho" ta" kyo" ra" yab mo, mo; khyo" yang Nga" byumyu" wa Nga" mang khyao: re to" myhid' pye' nhao nae" ga: myid: tau"28 da: to: vegenhaung i"? – Yab mo, myao: ra" lapa wa yab mo, dao: ta" veshao: . Nga" mung dao: re khae: yu: ra" yaug wa mung dao: re dang main: za: ta" veshao: . Gaug seim wa gaug mo we' pe" tin" i"? ga: Mo"so29 mho: ra". – Nga" mung dao: wa myi: ru" ru , laug be; kho' ra" jo, to' dau ru" ru ngaid:30 ra" mangaid: i"? ga: Mo"so mho: ra". – Ai ru: mung: byin cao: pho" jhao" Nga" dao: khug' yu: ra" lapa re Ngo nag: khyug' pye'31 nae" ga: Mo"so mho: ra". – Yao: yao" nhag' myid khyo" cao" yang: ta" zo" re" mung dao: jo; ra" ga: ta" ko" ra" lapa jham re Ngo phoe' thug' nae" ga: Mo"so mho: ra". –32 Mhug' ra" yab mo, ta" mung: dao: seim: yang Nga" amyu" re jhui" nghung" ra" lapa jham re Ngo tau: lhain: nae". Yao: bam re Ngo manhao , mapin: to" ra" mathao ce: byu mae so' ha" maqo" ga: Mo"so mho: ra".33 Ce: byumyu" mae sho: jhin yaug ngaid ngaid lapa ngaid ngaid khin jaung ngaid ngaid dayaug yaug Mo"so: lamyhung" wa pe" ngaid: i"? ga: myid: ko" re , dam: ta" nae" ru wa naonhaung" re Ngo shelhaui"34 pye' naeva" ga: Mo"so mho: ra". – Mo"so: lamyhung" ga: yang: ta" ko" ra" lapa , khin jaung , mang: byu jham re re: yao: bam: yham byu jham re re: Ngo qobo dae byid:35 nae". – Naonhaung" yao: cao: dayaug we' dayaug Mo"so khoru: tau" ra". Mo"so pe" ta" ra" ein: yham kyo: cao: , mao: nhaung: yao: cao: jho" myid' qu" gai ko" mangaid:36 i"? – Mo"so: lamyhung" dao: ga: thao phyao: gai: ta" lo: genae" mangaid: . Byu yaug nge, yao: yao" dao: thoe mae" lai yang: pe" lamyhung" dao: magai: jo, lo: . Khoru: ga" re naonhaung" wa daui: na: ra" ngonhaung" AsAng gug: mang: din" gam ug Mo"so: mung dao: re phyo' pye' veko". –37 Mo"so nao re khoru: ga: dam: mho: ra" i"? Mo"so khoru: khang" to" ra" i"? ein: lapa re38 myid' qu" wa, . – Naonhaung" wa Mo"so: lamyhung" ga: ta" mung: Mo"so mho: ru wa Mo"so: lamyhung" ein: mata" nae" khyo: Ngo khang" to: qe re: naonhaung" wa Mo"so: lamyhung" ngaid: ga: ta" ko"39 mathao – Ngo wa naonhaung" re re: Ngo jhao" mae" gain sho' sham" she-lhaui"40 pye' nae". – Khonhae" re: matho' gai: to" myhid' lo" ra" jung" khyoe' ru we' qho' phyo' ru re naonhaung" au: dao mae khyo" ke' nae".