1 Mo"so mho: ru wa nao jhaung zug: 'yham khyo ye: mung: kai" ta" kyo: nae"2 ru wa – Davi la kin tao" dao mae zaung: ra" Yuda jhaung zug: we" nao yao: mae" mung: ni" daui mung mo, we' ce: kham: mo" dung: khyo" thug' vao: ra" ni" byu qe we" Mo"so: mung dao: re tae" gyo: ge, . –3 Mo"so mho: ru wa tarha" khyo" cao" yang: dang main: taung" dao: phyid' ge, se' da: be, khyaid' qhug' ra' mo, re pyam" yhin" ra" mo, lo, mae" khyi: yu ge, bang" vo boe" na mo, cug' zo: cug' mo" jham re deim: so: zag se' da: be, khyaid' dakaid' , qobo mabo4 mo, re ce: jo, qo mae dase' ge, . – Khoru: ga" re gai gai: yao: kaid' ko" re Davi zug: la kin dao mae zaung: ra" myao: lhin" jui: , myao: jui: jhaung zug: jham wa jeim jham mang: byu jham we' daga" jhaung zug' yham: kham: dung: re thug' thug' vao vao5 malam: lai: mung genae". – Mangaid: lao" naonhaung" wa ce: amyin" dao: re matae" gyo: lo: na ko" re wa ce: jhaung zug' yham wa byu sheim manae cae: jhug tag: jo, qo poe" pye' nae". Ngo Mo"so Ngo yao" mang6 lao: yang: ta" to: va". – Yuda jhaung zug' yham re Mo"so mho: ru wa nao wa Nga" qhid' kheim: mae Giled' mang: we' Leba- non: bam nyaug ru" ru ngaid qere: , gai gai: yao: Ngo nao re byu mana: ra" vo re" ru:7 boe" nhao nae". – Nao re phyo' pye' nae" tau: mae shae we' vo: zaung: ci: ra" mo, re Ngo seim" khyin: to: mung: yao: bam wa nao mae gai: thao" ra" shaug' gae jham re thau: lhang: yang: myi: khyeim" khyo pye'8 zaui genae". – Byumyu" cao jab wa ce: vogaung: yae khyo" su" lai zo" re" Mo"so wa ce: vogaung: re ceru: pe" ga: kaid' laug9 i"? ga: yao: cao: jho" myid: ko" au:, – Ce: vobyu qe wa yao: bam: Mo"so: dao: thang" re shelhaui" pye' mung: getau: mo"so re goe; pa" ko" mathao mae ceru: kaid' ru10 ngaid sam" ra" ga: jho" ta" genae". – Shid: ra" yaug: tau: dangug , dakaug' ge, getau khyo thug' lo" ra" yaug: tau: gyai ngug gyai kaug' ge, yao: wa dam: lhang" lo lo: zai mangaid: .Yao: co' phyid' jao: re maqo" myao.11 Yao: pho" Yoshia' zug' jo, qo mae ug mung: ce: mang: mae" thug' lo" ra" Yoshia zug' yao: zo: Shalum: we' tin: yang: Mo"so mho: ru wa ai: zug: wa thao mae ce: mang: khyo dam: tug' lo: zai mangaid: lo: . –12 Gyevo qe sham" jhui" lo" ra" mang: mae shid nae". Thao dalhang ce: mang: re myao lo: nae" mangaid: .13 Yao: yao" yham re madang mamain" khyo" yao" yham tho' zhao" pyae: qe, re: apyag' asham" khyo" kaid' mung: byin cao: pho" re o: kaung phug' mabyid: lo: nhao zo"14 ra" yaug wa byu xa: vo: qoe, nae". – Yao: wa ngo yham qi: kaid' mung: gelin: gego: lae mung: bao: zo" kham: phung" yang: shaug' the" yang mug' bin lao" yaung" lho"15 ra" khyain" xug' venhaung i"? . – Nao wa shaug' the: qo" yang: nga: yu nhaung i"? ga: Mo"so mho: ra". Ni" pho" wa la laug taung" qhug' zo: shaug' ra" mangaid: i"? Airu:16 kaid' yang: na gai gaug qo" ra". – Yao: sho: jhin moe, shab' mo, mae" re bao" mung: din" ra" khyo" tarha" dao: phyid' ra". Ai re" ru: kaid' yang: na gai: ru qhug' ra". Ngo re ba se" ra" so' ha" ngaid: ra" mangaid:17 i"? . – Ni" myo, jid' we' nhag' myid kam" wa so' kho' myo, no; ru , qobo mabo mo, re se' ru , yhin" pyam" ru mae" jain" yang:18 pe" mau" zo" re: makaid' . – Ai ru: mung; Mo"so wa Yuda jhaung zug: Yoshia yao: zo: Yehoiakim re qang yang: mho: ru wa ai: jhaung zug: shid: ra" au: byu qe wa o" nga" mao: o" nga" nhae: mo" ga: makaug' ngug genae". Yao" tau: re: o" AsAng: tau: phung bao ga: yang: kaug' myain" qhu:19 thoe mamung genae". – Yerusalem: vo yae khyo" she: lo" yang: shepye' thug' to: geyang: myao: re nyhab' re" ru: ai: jhaung zug: re nyhab' li" genae".20 Lebanon: bam dao khyo do, mung: hau" nhain" ge, . Bashain: mang: mae zag: hug' kyo: ge, . Abarim: jo, qo mae thoe mo" ke' ge, . Khoru: ga" re ni" ba nam sang21 cao: qe byo, qeim: ru qhug' veko". – Nao na gai: ra" au: ngo ta" peim: va". Nao wa ngo matae" gyo: ga: mho: ra". Ngai shi" yo, mae" yao: nga" mho dao: matae" gyo:22 lo: na: lai: lo gau ngaid: ra". – Nao re ug gam: ra" mo, alhab' re la wa zo" lo" li" nae". Ni" ba nam sang: cao: jham re gyevo jham: yang sham" pyaung" tai: lo" li" genae". Ai: au: nao wa nao yao: kaid' shaid' ra" qobo: mathao qho' mo" phau: mung: nhag' lam:23 gyug' byaug: li" nae". – Shaug' gae dao mae said' ba: said' ra" Lebanon: bam byu , zo: khau no no: ra" myiqe: re" ru: nao wa no phau" ra" au: khoqhi" nhag' khyag' pho: boe" nae" yha".24 Mo"so mho: ru wa Yuda jhaung zug: Yehoiakim" yao: zo: Khoni' wa Nga" lo, yo mae" soxam: lo, pin: ngaid: ru dang qe re: , Ngo daui: na ru we' dakhyo: nao re Ngo25 le; thaid' shelhaui" pye' nae". – Nao re se' nug: ra" yaug nao gyaug: ra" yaug Babilon: jhaung zug: Nebukhaneza: we' Khalade" byu qe: lo, khyo Ngo qhaug' ke' nae". –26 Nao re re: nao re khau: ra" ni" myhi" re re: , co' phyid' jao: mangaid' ra" mang: khyo Ngo khe' thug' mung: ai: mang: mae27 naonhaung" shid genae". – Dam: lo nug: ra" mang: khyo yao: bam dam: qo" lo: gezai28 mangaid: . – Ce: jhaung zug: nau" wa phug' myao: pho: maboe" , gyug' mhain" ra" alho ngaid: ra" i"? khag' re: maqu" o ngaui zai yo ngaid: ra" i"? yao: we' daga" yao" zo: myid: qe re keim" thug' ke' mung: yao: bam maba mase" ra" mang: mae pe" mung: shepye' khyo" ke' ko" laug' i"? . –29 O" mug: myid , mug: myid , mug: myid Mo"so: amyin" dao: re tae" gyo: wa, . –30 Mo"so mho: ru wa ce: zug: re zo: dau mabo: yaug ein: tung" xam" to: ge, . Yao" zo: myid: jham dayaug re: Davi la kin tao" dao mae zaung" nae" akhang" we' Yuda mang: re ug nae" akhyo majo, lo: nae".