1 Jhaung zug: Zedikia wa Malakhia yao: zo: Pashura' we' khin jaung Mateya' yao: zo: Zephani re Yeremia jhao" nhao:2 ke' mung: – Babilon: jhaung zug: Nebukhaneza: ngonhaung" re mang: zin" na: ra" , yao: ngonhaung" mae" thug' lo" nae" tau: mae Mo"so wa mug' pho" mau" alhab' we' daru: za: ngonhaung" re dam: kaid: nae" laug ngonhaung" tau: Mo"so re mho' bain: byid: la, ga: ta" re Mo"so: mung dao: Yeremia jhao" joe" li" ru wa ceru: ga" ra".3 Yeremia wa naonhaung" Zedekia jhaung zug: re dam: ta" kyo: nae" ru4 wa – Israel Mo"so ceru: ga: mho: ra". Naonhaung" vokham" taung gaung mae li" lhang" kham" na ko" ra" Babilon: jhaung zug: Khalade" byu qe khaid' nae" tau: naon- haung" ci: ra" sin: re tau: lhain" pye' nae". Ai bam re vo khug mae ham phaung: na nhao5 nae". – Ngo yao: re: nhag' saung" gyid' yo:6 mung: naonhaung" re khaid' nae". – Ce: khug mae na ko" byu , gug' nyhug' jham re dae byid: mung: no qam" mo" zang: yang7 shid: li" genae". – Mo"so mho: ru wa ai: thao mae no qam" , shae gye , vae: moe; qid shab' gye we' loe, mung: dang shi" ra" vobyu ein nae" Yuda jhaung zug: Zedekia mae" ru yao" daui mung mo, yao" byu jham re Babilon: jhaung zug: Nebudkhaneza" lo, mae re: gyevo: lo, mae re: yao" kao re qho: ra" lo, mae re: gyevo: lo, mae re: yao: wa yao: bam re shae lhae: yang se' genae". Ai: yaug wa pe" o: do zai mangaid: nhag' khyag' nae" mangaid: , sang: qu" no nae" mangaid: ga: ta" kyo" ra".8 Nao ce: byumyu" jham re ta" kyo: nae" ru wa Mo"so ceru: ga: mho: ra". Kao loe, khyo we' shid' nae" khyo jham re phung"9 to: va". – Ce: vo khug mae na: na mo, wa shae lhae gye , vae: moe; qid shab' gye , no qam" gye we' shid genae". Vo mae" thug' mung: vo yae mae na: bam ko" ra" Khalade" qe jhao" phao: vao yaug wa kao loe, mung: qhug' gaug: yu: ra" zai gyo" re" ru: yao" kao10 so' loe, nae". – Mo"so ceru: ga: mho: ra". Ce: vo re Ngo agai kaid' nae" mangaid: magai: ru za: kaid' lo: nae". Ce: vo re Babi- lon: jhaung zug' lo, khug Ngo qhaug' yang: yao: wa ai re ngha" pye' li" nae".11 Yuda amyu" jhaung zug: re qang yang: Mo"so ta" ra" dao: re tae" gyo: ge, wo". –12 Davi amyu" we" Mo"so ceru: ga: mho: ra". Ne, qug dang main" ra" khyo" tarha" dao: phyid' ge, lhaid' zo: lhaid' shaug' phau: mo, re pyam" ra" mo; lo, mae" khyaid' yu ge, Ngo nhag' gyid' ru wa myi: re" ru: ngaid mung: khag' re: maqo" se' lo: sho' nga"13 li" nae". – Mo"so ceru: ga: mho: ra". Lao: khaung: mae na: ra" yaug , din" yo mae jo; ra" laung: mo" baui we" Ngo nao re lham: nag: khyug' nae". Ngonhaung" re khoyaug qo" Khaid' aung genae" i"? Ngonhaung" mug: mae khoyaug li" qo" vao genae" i"?14 ga: nao ta" ngaid qere:, – Naonhaung" ave, asam" we' main: qi" ra" qobo dae Ngo byid: nae". Naonhaung" yo qao" yo re Ngo ngha" myi: wa lhang" gam: mae jo; ra" ja: nam jab jham re nga" lo" li" nae" ga: mho: ra".