1 Ai re" ru: Yeremia ta" ru re Mo"so: yham qu" gam yaug ngaid: ra" Imera' yao: zo: khin: jaung Pashura' the' gyo:2 mung: – lapa Yeremia re be, mung: Benya- min: tho' pyae: kham: dung: mae kyam:3 xao" to" ra". – Thao: ne, ba mae Pashura' wa Yeremia re kyam: mae" pheim: ke' ra" au: Yeremia wa Mo"so nao re Pashura' ga: mamhang" lo: . Mogora Musabib' ga: tha"4 mhang" pye' va" ra". – Mo"so ta" re nao we' ni" ba nam sang: cao: jham mae nao gyaug pho: boe" nhao nae". Yao: bam re: ni" myo, qhao: tae mae gyevo: shae lhae: yang shid genae". Yuda, mang: geim" re Babilon: jhaung zug' lo, mae qhaug' mung: yao: wa mang: byu jham re Babilon: khyo sham" pyaung" lo" yang: se' pye' li" nae". –5 Ai: gu: za: mago" ce: vogaung: mae" jo, nho" dai kham re re: zaui: so: yang: qo" ra" jo, nho" alhab' geim" re re: Yuda jhaung zug' jo, nho" dai kham alhab' re re: gyevo: lo, mae qhaug' mung: Babilon: khyo sham"6 tai: lo" li" nae". – Nao Pashura' we' yham byu alhab' geim" re re: sham" jhui" lo" li" nae". Nao wa Babilon joe" nae". Nao re: nao mhug' ra" pa dao: re gyo" khae: yu: ra" mo, we' daga" ai: vo mae shid mung: nyhab' pye' ru qhug' nae" ga: Pashura re mho: ra".7 Mo"so we" AsAng wa ngo re jhain: yang: ngo cao" va". AsAng wa ngo tho' qam: mo" bo mung: qo" aung: ra". Ngo wa jung" khyoe' ko" ru re ne, khao: ngo" phau" na: . Byu alhab' wa ngo re pe" shui manho8 ko" ngaid: ra". – Ngo dao: ta" khao: ngo" mae deim: so: zag kaid' ko" ru we' pyam" yhin" ko" mathao zag: hug' mung: ta" hau" na va". Mo"so: mung dao: wa ngo mae9 jung" ru khyoe' ru za: boe" nhao: ra". – Ai ru: mung: ngo wa mung dao: re mata" makyo: , Mo"so: mang khyao: re ngha mung: pe" mata" makyo: lo: na nae" myid qe re: nga" nhag' lam: khug mae myi: ru: nga" na mung: nga" shoqug: shoqae mae de; na: ra" mathao maqo" zang: qhao". –10 Byu myo: sho' mo; qobo vhin jung" ru the' gyo" na: jo, qo khyi" khao: ngo" wa gyaug: din pho: za: jo; ra". Nga" ba nam sang: cao: qe lao" re: qobo vhin ge, ngonhaung" yao: re qobo vhin nae" yao: re qo" ju" phyo' yu yang: qo" aung nae" laug , yao: re dae co' qo" phaug' shi: nae" laug ga: ngo re kung"11 ra" dao: ta" ako". – Ngaid qere: Mo"so wa qam: mo" bo: ra" sulhe: ru: nga" shaid' mae ngaid: na: ra". Ai: mathao ngo re nhaung" khoe' ra" mo, alhab' ma-aung yang: tha" lang" lo" genae". Yao: bam: myid: tau" da: ru maboe" mung: gyai qho' phau: genae" , matho' to" myhid' lo" ra" qho' phau" ru12 thaung" qhug' li" genae". – Dang main" ra" mo, re lag yu: qu" mung: aung khug: nhag' myid re myao: kyao" ra" gug: mang: din" gam ug Mo"so we" nga" mau" zo" re ni" qhid' kheim: mae ci: qhu" ra" mung: yao: bam re qobo dae byid' ra" akhyo re ngo13 the' myao: li" nae". – Mo"so re nghaui" thoe we' nghaui" ge, Mo"so re caung: khin" ge, wo". Khoru: ein: re yao: wa mashab makhyang: mo; lo, mae" myaung sho: mo; nhag' myid re khyi: yu ava".14 Ngo re khau: ke' ra" ba na wa nhang: kheim: phau: veshao: , ngo re nga" myhi" khau: ke' ba na wa min maqo" shao:. –15 Nga" pho" jhao" ye: mung: nao yaug gai zo: qo" va" ra" ga: mung: pho" re ngaui bau: nhao: ra" yaug wa nhang: kheim: phau:16 veshao: . – Mo"so naung myid maqo" lo: phyo' pye' ra" vogaung: re" ru: ai: yaug boe" shao: ne, seim mae zag: hug' thoe , na" dao: gaung mae myang: yhai: thoe17 yao: the' gyo" na shao: wo". – Khoru: ga" re yao: wa ngo re co' jao: mae" mase' pye' lo: nga" myhi" aung wa nga" lab boe" mung: yao: wa khonhae" re: gaung la: lo:18 nae" mangaid: . – Ngo wa gaung yug sho: byo; ru nhag' kaug' nhag' ngai: ru phau: nae" akhyo we' gyaug qho' ru: yang nga" suna ban: wa qho' pho: gyaug pho: we' lai: phyid' nae" khyo: khoru: mung: ngo re khau: li" laug i"? .