1 Mo"so mho: ru wa nao ug' kaid' yaug jhao" ye: mung: qid am re yu: ci mung: kao qi" ra" byu , kao qi" ra" khing jaung2 daqhae: we' daga" , – Haretid' kham: dung: nhae mae" Hinnom: zo: qe: lao: khaung: khyo ye: mung: Ngo mho: ru we' dakhyo: ta" hau" kyo: nae" dao: kheim:3 jham wa – O" Yuda jhaung zug: jham we' Yerusalem: vobyu qe we" Mo"so: amyin" dao: re tae" gyo: ge, wo" Israel AsAng gug: mang: din" gam ug Mo"so mho: ru wa lau dao: qhug' the' gyo" ra" mo, yaug nge, no: gyo: mayo lo: sho' Ngo ce: jo, qo mae qug:4 khai: khyo" ke' nae". – Khoru: ein: re yao: bam Ngo re shelhaui: veko". Yao: yao: re: maba , phug' pho" qe re: maba , Yuda jhaung zug: qe maba: ra" gemang: gedin" bao" mo"so: qhid' kheim: ce: jo, qo mae sheim nae pyo: nam myi: ngha" hab' ko" mung: ce: jo, qo re gemang: gedin" mug: myid poe" pye' veko". Qobo maqo" ra" mo; sa" yang ce: jo, qo mae byang" sheim: nhao5 veko". – Yao: bam wa Ngo mata" mapin: to: Ngo ma-o ngaui: ra" Bala' mo"so: qhid' kheim: mae yao: bam yao" zo: dau qe re myi: ngha" hab' ngaui" nae" tau: mae bug6 gaung mae" pa" jao: re kaid' veko" ra". – Ai ru: mung: Mo"so mho: ru wa ai: jo, qo re Tophed' jo, qo ein: magai: mhang" nae". Hinom: zo qe: lao: khaung: ein: re: magai: mho nae" , byu se' lao: khaung: ga: mhang"7 nae" ayo, akhin: joe" lo: li" nae". – Yuda mang: byu , Yerusalem: vobyu jham myid: tau" da: to" ra" ru re jo, qo mae Ngo phyo' qheim" nae". Gyevo: shae lhae mae re: se' nae" qho ko" ra" mo; lo, mae re: yao: bam re Ngo mho" nae". Yao: bam: su shid mao jham re mug: le; phyo: mae" ngho' jham we' zoqhid jham: zo: pho: poe" pye'8 nae". – Ce: vogaung: re re: byu mana cae: jhug tag gaui mho shao" pyao jo, qo poe" pye' nae". Su" du" lai: lhau mo, alhab' wa ce: vogaung: phau" ra" ru re myao ko" au:9 mug' ru we' jung" dao: ta" genae". – Gyevo we' yao: bam re se' nae" mo, yao: bam re li" lhang" kham" to: mung: kyi" khyag' qug: khai: qhug' nhao ko" mathao yao: yao" zo: dau qe: gaung sho: re zo: nhao nae". Yao: cao: dayaug: gaung sho: dayaug zo: ca" li"10 genae" ga: ta" mung: . – Nao we' daga" ye" lo" ko" ra" mo; qhid' kheim: mae qid am re11 be; kho' qhu" wa, . – Gug: mang: din" gam ug: Mo"so ceru: ga: mho: ra" , madam: gai: byao: yu lo: sho' qid am re be; kho' sin" re" ru: ce: byumyu" qe na: ra" ce: vo re be; mhain" kho' pye' nae". Tophed' jo, qo mae jo, qo majo, lo: sho' mao nyhab'12 genae". – Ce: vogaung: re re: , ce: vobyu jham re re: Tophed' jo, qo re" ru: Ngo poe"13 pye' nae". – Yham khaung dao mae mug: gaung mae de; ra" ja: jham mae nae ham" ja: ngha" hab' ngaui" mung: getau: mo"so jham: qhid' kheim: mae vhe' sheim" jhaung qhu" xeim: ngaui" ko" ra" yham jo, mae" jo, we' daga" Yerusalem: vo mae" yham jham , Yuda jhaung zug: qe: yham wa Tophed' jo, qo re" ru: mashao malho" boe" nae" ein: yao: bam re ye: kai" ta" kyo: wa, .14 Mo"so lapa dao: ye: ta" kyo: nae" Tophed' jo, qo mae" Yeremia dam: lo mung: Mo"so: yham khyae dao mae ye,15 yang: . – Israel amyu" AsAng gug: mang: din" gam ug Mo"so: mung dao: wa , ce: vobyu qe wa Nga" dao: matae" gyo: lo: sho' yao: bam au: qao: na ko" mathao Ngo ta" to: va" qug: khai: kyi" khyag' alhab' geim" re lhang" gam: nae" vogaung: jham: dao mae re: Ngo khyo" ke' nae" ga" ra" amyin" re volo byu jham re paug' yang: kai" zhao: kyo" ra".