1 Yeremia jhao" joe" li" ra" Mo"so: mung2 dao: wa – to" wa, . Myid zhai: ug' kaid' yaug jhao" gyo" ye: wa, . Ai mae Ngo nao3 re mho: kyo: nae". – Alao" ngo wa ug' kaid' yaug: yham khyo ye: mung: ai: yaug wa sheim: zung we' mau" kaid' na: ru re4 myao: ra". – Ai: myid zhai: ug' wa ug' kaid' yaug: lo, mae go; lo" ra" mathao dam: nyhang" byao mung: getau: ug' re dam: kaid' yu: ra".5 Ai: au: Mo"so: mung dao: ngo jhao"6 joe" li" mung: Mo"so mho: ru wa – Israel amyu" we" ug' kaid' yaug kaid' ru re" ru: Ngo naonhaung" re maqo" kaid' nae" jho ko" i"? Israel amyu" qe we" ug' kaid' myid zhai: nyha, ug' kaid' yaug: lo, mae jo; ru we' dakhyo: naonhaung" wa Nga" lo, khug7 mae na ko" ra". – Khomyu" khomang: din" re naid: lhaui" pye' nae" , phyo' qheim"8 pye' nae" tau: Ngo ta" na: – Ngo mho nae" we' tin" ra" amyu" wa yao: bam: makhy- ang: mashab: ra" ru re to" pye' ko" ngaid: re Ngo naung myid qo" yang: yao: bam re byid: nae" seim" to" qobo dae re byid: lo:9 zai mangaid: . – Khomyu" khomang: re10 re: Ngo de" to: nae" ein: ta" na qere:, – Ai: mang: din" wa Nga" dao: re matae" gyo: , Nga" qhid' kheim: mae makhyang: mashab: ru kaid' ko" ngaid: re yao: bam: so' ha" re Ngo byid: nae" ein: bo: ra" jeju re ci: qhu"11 lo: nae" mangaid: . – Ai ru: mung: Mo"so ceru: ga: mho: ra". Naonhaung" tau: mae" qug: khai: re Ngo seim" nyhang" to: va". Yaug nge, wa yao: yao" mashab makhyang" ra" gau: khyo yaug nge, dam; lhang: lo ge, naonhaung" su" ye" ra" gau: khyo we' cao" ra" ave, re din: za: jhao" ge, ein: Yuda mang: byu re kai" ta" kyo: wa, .12 Yao: bam re: myid: nghae" jao: majo, lo: yao: yaug yao: o: khyo: cao" naeva". Ngon- haung" nhag' lam: qao: ru we' dakhyo: kaid' naeva" ga: mho ko" ra".13 Ai ru: mung: Mo"so mho: ru wa ai ru" ra" mau" khoyaug the' gyo" qu" ko" ein: labug: amyu" qe re myid' qu" ge, , Israel tang: shain" zomyi: zo: wa gyai: yao: mashao malho" mau" re kaid' va"14 ra". – Lebanon bam mae" gyu: qid wa jao: dae mae" laug baui re majhug' dag nhao i"? Va: mae" yug: gyo" lo: ra" ngin" ra" qid15 gyaung: wa gai: kin" lo" nae" i"? . – Nga" byu jham wa Ngo re to" myhid' mung; pe" khyag' mathaid' ra" mo"so jham: qhid' kheim: mae sheim nae ham" ra" ja: phaid'16 ngaui" veko". – Ai re" ru: kaid' ko" mung: yao: bam: mang: din" wa cae: jhug tag jo, qo malam: lai: lo" jung" khyoe' thoe gyo" na: ra" jo, qo boe" nhao ko" mung: su" lai: lhau mo, mug' ru we' au: nghoe" nghoe" li"17 genae". – Ngo wa ba thug' la re" ru: yao: bam re gyevo: qhid' kheim: mae ci: dao" lo" nhao nae". Yao: bam qug: khai: qhug' ra" ayo, mae qhid' kheim: maqhu" lo: nhaung thao" re za: qhu" nae".18 Alao" yao: bam wa li" geri: . Yeremia re juyi khyug' gelang: , khin jaung wa tarha" mau" mae , lapa wa ta" kyo" ra" mau" mae aseim" maboe" nae" li" geri: . Yeremia re sho: yang be, gelang: . Yao" dao: re matae" gyo" khae: yu lo: na gelang: ga: mho ko" ra".19 Mo"so we" ngo re qu" gam la, ngo we' gye kaid' ra" mo, re xam" to: byid: la, . –20 Gai kaid' ra" mathao qobo gai: byid: zai: i"? . Yao: bam wa nga" kao so' tau: dung: gyain: dau: veko" ra". Ngo wa yao: bam so' ha" qo" nae" tau: yao: bam: shaid' ye, yang: yao: bam mae" nhag' gyid' ru lhai: ke' nae" tau: ni" qhid' kheim: mae ye; ru re ngaid21 beim" la, . – Ai mung: yao: bam: zo: dau qe wa bao" khug' phau: mung: yao: bam yao: re: shae lhae mae shid vegeshao: . Yao: bam: yham sang myhi" jham wa bug daung: mung: cug' mo" mo" geshao: wo". Ade, qe wa se' pye' ru qhug' mung: zoqae jham wa mang: zin: poe mae shid vege-22 shao: wo". – Gye mo, thaui: mo" jham re yao: bam jhao" nyag tin" labaug joe" nhao: ke' ra" au: yao: bam: yham byu qe zag: hug' yhai geshao: wo". Khoru: ga" re ngo re myhi" nae" lha" re thaung: khae: to: veko"23 ra". – Mo"so we" ngo re se' nae" ga: yao: bam seim" na ko" ru re AsAng ba gau ngaid: ra". Yao: bam: qobo dalhoe' byid: , ni" qhid' kheim: mae yao: bam: shaid' nghung" yug: no qobo re dasoe' pyaug' khyo". Ni" qhid' kheim: mae yao: bam na: gain: thao" lo" vegeshao:. AsAng nhag' yo" au: yao: bam re pyam" wa, .