1 Yuda amyu" qobo wa jo, to' mhaug' thaung: , be, laug ceim we' tung" to" ra". Ai wa yao: bam: nhag' myid khug: laug the: mae re: , xeim: ngaui" phain khyug2 mae re: tung" xam" to: veko" ra". – Zoshao qe lao" re: myhao: ra" bug gaung dao mae" nyug lao qam" ra" sag' gae nhae mae jo; ra" xeim: phain jham , Ashera: alho jham re3 myid: beim: ba: ako". – Din" yo mae jo; ra" Nga" bam jham we" ni" jo, nho" we' qaung" to" ra" jo, nho: jham re re: damang" geim" mae nao zai" shaid' nghung" ra" mathao mae re: , myhao: ra" jo, qo mae" ni" goe; pa" jao: re re: zai gyo" jham poe" nae" Ngo4 qhaug' pye' va". – Nao yao: re: Ngo byid' dai kham Ma mae qui" lo" byaug: li" nae". Nao maba: ra" mang: mae gyevo: lo, mae jeim toe' pye' nae". Khoru: ga" re Nga" nhag' gyid' ru we' khonhae" re: nga" nae" myi: ru: naonhaung" maid: to: veko" ra".5 Mo"so ceru: ga: mho: ra". Byu re lam mung: sosu byu mae ngha yang: nhag' myid khug mae Mo"so mae" phao: thug' lo" ra" yaug wa nhang: kheim: phau: main:6 qi" yaug ngaid: ra". – Ai: yaug wa din" yo mae yaug: jo; ra" sag' gae akyaug' re" ru: boe" mung: agai joe" ru re maba ngaid: ra". Khag' re: mana: ra" gaoso yo , kyaug' ho: ra" din" pyaid' yo mae qhug' na: li" nae". –7 Mo"so re lam lam" ra" yaug , Mo"so re yao" khug ngha qo boe" nhao: ra" yaug kam" wa na gai: ru re khae: yu nae" yaug ngaid:8 ra". – Ai: yaug kam" wa qid yae mae qho: mung: qid yae mae agyi: cin" yang: zin vo kheim: laung yo, joe" nae" ru gaung mayug ngaid: ra". Avho' re: manyhug' majhoe' mug: maqu nae" ru re maci" lo: malam: lai: ashi: zaui: ba: ra" sag' gae we' dau: ra".9 Nhag' myid wa zai yo alhab' tho' mae kaui: thao" ru ngaid: ra". Gyai makhyang" ru ngaid mung: ai re khoyaug qo" myao:10 ba nae" i"? – Byu yaug nge, wa yao: yaug yao" ave, mae cao" yang: qo" khae: yu ang: ra" aphug' re byid: nae" tau: mae Mo"so wa nhag' myid we' sang: kheim jham re11 ca: qu" ba: ra". – Ngho' yhau" wa yao: yao: makhyo" ra" ngho' au" re ab' ru re" ru: matin: ma-ang: ra" khyo" jo, nho" qaung" ra" yaug wa zoqae: yo, mae lao" myaung sho" lo" mung: lo" thao" byu vhang: zi" boe" li" nae".12 Ngonhaung" shao lho" ra" yham wa geco' ne, mae" myhao: ra" jo, qo mae to"13 to" ra" ham" hung: la kin ngaid: ra". – Israel amyu" myid: nghae: jao: ngaid: ra" Mo"so we" AsAng re to: co' ko" ra" mo, alhab' qho' phau: genae". Ngo mae" phao: thug' lo" ra" mo, wa myid gaung mae tung" to" ru qhug' genae". Khoru: ga" re kao so' qid baug: ga" ra" Mo"so re shepye' ko" mung: ngaid: ra".14 Mo"so we" nga" no dae re gai nhao la, . Alao" ngo gai: lo: li" nae". Ngo re khyaid' yu la, . Alao" ngo khyaid' yu: ru qhug' nae". AsAng wa ngo caung: khin" jao:15 ngaid: ra". – Mo"so: mung dao: wa khai: mae jo; i"? Ana" phoe' qhu" veshao: ga: ce:16 byu jham ngo re ta" ako". – Ngo Ni" gaung tha" yao zaung" yaug boe" nae" tau: macao" khe' , magai malho" ba na re mamyid: nghae: , Nao ba: na gau , nga" nhaid' mae" thug' ra" dao: kheim: jham wa Ni" qhid'17 kheim: mae ngaid: ra". – Ngo re dagyaug: din nhao la, . Qug: khai: kyin" nhaung" qhug' ra" ba mae AsAng wa nga" khug ngha18 jo, qo ngaid: ra". – Ngo re yhin" pyam" mo, qho' phau: geshao: wo". Ngo kam" wa qho' maphau: veshao: , yao: bam wa nhag' lam: thao" vegeshao: wo". Ngo kam" wa nhag' lam: byo; ru maqhug' shao: yao: bam: dao mae qug: khai: kyi" khyag' ayo, khyo" ke' mung: apaug' apyae shao" sho' nai: mhain" pye' byid: la, .19 Mo"so ngo re mho: ru wa- Yuda jhaung zug: jham vao thug' ra" mang: byu qe: kham: dung: mae re: Yerusalem: kham: dung: alhab' mae re: ye: ye; jo, mung: –20 Byu jham re ta" kyo: nae" ru wa ce: kham: khyo" vao thug' ra" jhaung zug: qe we' Yuda mang: byu Yerusalem: vobyu alhab' bam we" Mo"so: mung dao: re tae" gyo:21 ge, . – Mo"so mho: ru dug no: ba mae naonhaung" qo mavin mavo, nae" we' Yerusalem: kham: dung: khyo" davin: vao ,22 maci: thug' nae" tau: lha" ge, . – Dug no: ba mae naonhaung" yham khug mae" pe" re: daci: thug' ge, . Pe" mau" re: dakaid' dazaui: ge, . Naonhaung" phug' pho" jham re Ngo pin: to" ru we' dakhyo: dug no: ba23 re shao kyang" ge, . – Yao: bam matae" gyo" cao" , magyo" yu lo: na ko". Magyo" yu: ru we' mho" shid' ru re makhae: yu nae" khyo: au: qao: na ko" ra".24 Mo"so ceru: ga: mho: ra". Naonhaung" wa dug no: ba mae ce: kham: dung: khyo" pe" re: mavin: vao mavin: thug' pe" mau" re: makaid' mazaui: lo: dug no: ba re shao kyang" veko" qe re: Nga" dao: re gelho: tae"25 gyo: ko" ngaid: re – Davi jhaung zug' la kin tao" dao mae zaung: ra" myao: lhin" jui: , myao: jui: jui" jhaung zug: , jhaung zug: nau" mae" ru yao: bam: khaung: mhao: , Yuda mang: byu , Yerusalem: vobyu qe wa ce: vo kham: khyo" vao thug' genae". Ce: vo re: malam: lai: gang" tang: jo; li" nae". –26 Phaid' ngaui" xeim: mae" ru getau: ngaui" xeim: , gaug zo xeim: jhaung qhu" ngha" hab' xeim: jham , caung: khin" xeim: jham re ci: li" mo, wa Yuda vogaung: jham , Yerusalem: lhang" mae" mo, bam mug: mae" mo, Benyamin: mang: jao: dae mae" mug: za: shaid' mae" zang" lo li" genae". –27 Ngaid qere: naonhaung" wa dug no: ba mae qo vin mung: Yerusalem: kham: jham khyo" mavao mathug' lo: dug no: ba re shao kyang" ko" ngaid qe re: naonhaung" Nga" mho dao: re matae" gyo" cao" ko" re Ngo wa ai: vogaung" kham: jham re myi: ngha" mung: ai: myi: mashid lo: Yerusalem: vo mae" yham jham nga" gyoe; lo" li" nae".