1 Mo"so wa jid: mo" khyang: yang qo; ra" phyid' cui: lo" yu mung: phyid' dam: mae cui" ci wa, . Qid: yang dacid' ga: ngo2 re mho: ru we' dakhyo:. – Aire" ru: ngo wa phyid' cui: lo" yu mung: phyid' dam: mae3 cui: va". – Mo"so: mung dao: shid' lhang ein: lhang ngo jhao" dam: joe" li" mung: –4 nao cui" ci: ra" phyid' cui: re Uphared' qid gyaung: khyo lo" mung: laug khyaung mae lo" nyhab' nyham" to: co' wa, ga: mho:5 ra". – Mo"so mho: ru we' dakhyo: ngo wa to" ye" lo" mung: Uphared' qid yae mae lo"6 nyhab' to: co' va". – Ai: thao ga" ga" zo: myao" lao" Mo"so wa nao Uphared' qid yae khyo to" ye" lo" mung: Ngo nyham" to: nhao: ra" phyid' cui: re lo" yu: qu" wa,7 ga: mho: ra". – Ngo re: Uphared' qid yae khyo lo" mung: nyham" to" ra" jo, qo mae lo" dau" pug yang: phyid' cui: re phoe' yu: qu" au: phyid' cui: wa qeim" main" mung: ci magai lo: boe" byaug: ra".8 Mo"so: mung dao: ngo jhao" dam:9 joe" mung: mho: ru wa – ai re" ru: Yuda mang: mae" ngaid beim: geim kaid' ru re re: , Yerusalem: vo mae" ngaid beim" nghao" ko" ru re Ngo qeim" ze" lo" nhao10 nae". – Nga" dao: re matae" gyo: lo: nhag' lam: qao mung: yao: yao" nhag' myid khyo" cao" mung: getau: mo"so re lam khug goe; pa" nae" tau: cao" lo" ko" ra" ce: mashab makhyang" ra" amyu" qe wa ci magai lo" ra" ce: phyid' cui: re" ru: boe" genae". –11 Ce: phyid' cui: wa byu: phyid' dam: mae cui" ci: re" ru: Israel amyu" na mae: na we' Yuda amyu" alhab' wa Nga" amyu" Nga" mang khyao: phung bao boe" genae" tau: Ngo mae khug ngha nhao ngaid qere: yao: bam wa matae" gyo" cao" ko" ga: Mo"so mho: ra".12 Israel amyu" Mo"so dam: mho: ru wa shoqid am lam: khao: ngo" mae sabyi' qang: byang" vin" genae" ga: mho: ra" ein: nao wa yao: bam re ta" kyo: wa, . Shoqid am khao: ngo" sabyi' qang: byang" vin" nae" ga" ru re ngonhaung" maba genhaung13 i"? Nao re dam: tau: ko" re – Alao" nao yao: bam re Mo"so ceru: ga: mho: ra". Davi la kin tao" mae zaung: ra" jhaung zug: mae" ru lapa , khin jaung , Yerusalem: vobyu na mae" na we' mang: din" byu alhab' geim"14 re zo" yid shaug' yid nhao nae". – Ai: ayo, mae mao: nhaung: yao: cao: , yao: pho" yao: zo: jho" kaung: kag' nhao nae". Ngo nhag' mamyain: , pe" o: mado. Makhyaid' makhyi lo: yao: bam re phyo' qheim" mhain" nae" ga: Mo"so mho: ra".15 Mo"so: mung dao: jo; ra" , tae" gyo: ge, gyo" xam" yu ge, . Geim kaid' nhag' myid16 dabo ge, . – Mo"so mug: caid' re manhao: ke' shi: re , mug: caid' jo; ra" bam dao mae naonhaung" matha" thu: lang: shi: re naon- haung" bo" bao re myid: nghae" na ko" au: shid zug' bao qaung re maboe" nhao shi: re naonhaung" Mo"so: phung bao re caung:17 khin" na ge, . – Naonhaung" matae" gyo: lo: na ko" re kam" naonhaung" ngaid beim" mathao: yang Nga" nhag' myid solo wa de: de: mamyao: ra" jo, qo mae kaug' ngug nae". Mo"so: yao zhan re sham" tai: pyaung" lo" ko" mathao nga" myo, jid' wa saung" ngug yang: ngug byid yoe: nae" ngaid: ra".18 Yao: yao" gaung re nyham: khyo" yang: zaung: na: jo, ge, . Naonhaung" mae phung qi" ra" lhugmaug wa naonhaung" au: mae" gyo" byaug: li" genae" ein: jhaung zug: we'19 zug: myhi" jham re ta" kyo: wa, . – Mug: za: shaid' mae" vogaung: jham re jhid' pye' ru qhug' mung: khag' qo" phung" genae" mangaid: . Yuda mang: byu alhab' geim" re sham" pyaung" lo" veko". Gain sho' yao: sham" pyaung" she: lo" veko".20 Nghao" qu" ke' wa, . Mug: am: khyo" li" ko" ra" yaug re zhaug' qu" wa, . Nao re Ngo byid' to" ra" yaung" lho" yao zhain wa21 khai: mae i"? – Nao yao: mho" shid' ra" ba nam sang: cao: qe ni" dao mae zug: kaid' nae". Yao: khyin: to" ngaid: re nao pe" ta" cang bo lo" i"? Zo: khau no no: ra" myiqe:22 re" ru: nao phau: nae" mangaid: i"? – Nao re: pe" mung yang: ngo ceru: thaung" qhug' i"? ga: ni" nhag' khug mae beim" re ni" qobo saung" xo yang: ni" mai shae" khyaid' pye' qhug' mung: ni" khu-nhag' thaung: thao ajaid akhao: boe" qhug' ra". –23 Ethiopia byu wa yao" ave, akhyao re re: , lo:tin: wa yao" gaung mae" ataug' atung" re gai: tha" nae" i"? Gai: tha" ngaid: re zai" shaid' qobo lhaung" ba: kaid' yaug re: gai24 lho" shaid' gai: tha" gezai ngaid: ra". – Ai ru: mung: khupyao: re la hug' yang hug' tao" lo" re" ru: ai bam re Ngo hug' tao" pye'25 nae". – Nao wa Ngo re to" myhid' pye' mung: mhug' dao: vhain" dao: mae ngha: na: ra" mathao ni" tau: jao lag: qu" yang:26 byid: nae" ru wa ceru: ngaid: ra". – Ai: ru we' dakhyo: nao qho' phau: nae" khyo re bao bao de: de: myao nae" tau: ni" mai shae" re khyaid' pye' byid: mung: nao qho'27 phau: nae" ngaid: ra". – Din" pyaid' yo mae" bug gaung mae nao kaid' ra" maca' majhaid' ga" ra" lao shaid' myi: shaid' ru we' mashao malho" phavae mau" re Ngo myao va". Yerusalem: vo we" nao byu xa: vo: qoe, va" ra". Nao mashao malho" ru khomyhao" joe" sho' kaid' na shi: nae" i"? ga: Mo"so mho: ra".