1 Mo"so wa tung" the: alu re yu mung: ai mae Mahera-shalala-hasbed' ga" tung" ce' re byu tung" ra" khyo: tung" to: wa, ga: ngo2 re mho: ra". – Sagso: boe" nae" tau: mae lam ga" ra" khin jhaung Uria we' Yeborekh- ia' yao: zo: Zakharia shid' zo: re ngo khai3 nhao: to: va". – Ai: thao mae ngo wa khin jaung myhi" re ye: zam" mung: yao: wa gaung la" li" mung: yaug gai zo: khau va". Mo"so re: ai: zoshao re Mahera-shalala-4 hasbed' ein: mang mhang" wa, . – Khoru: ga" re ai: zoshao wa myhi" we' pho" we" ga: myain" maboe" shi: re Damasku' vo: jo, nho" Samari vo mae" lhaid' yu: ra" jo, nho" jham re Asuri' jhaung zug: wa sham" tai: lo" li" nae" ga: mho: ra".5 Mo"so ngo re dam: mho: ru wa ce: amyu" wa yin yo za: yug: ra" Shilo: qid6 gyaung: re ha: pye' mung: – Rezin: we' Yemalia yao: zo: mae bongaui bau: ge7 mung: – Mo"so wa Asuri' jhaung zug: we' yao" kheim: so' qam: o: phung bao ga" qid: yang yao: bam re nghoe' gam nhao mung: ai: qid zang gyaung" qid wa gyaung: zo:8 jham re nhug' lo" mung: – Yuda mang: joe" sho' yug: lo" yang: lang zang: joe" sho' sho' ngaid: li" nae". Yao" daung re phyid: lhu: ke' ru wa ni" mang: din" geim" re nghoe' gam: lo" li" nae". O" Emanuela' we" ga: mho: ra".9 Byumyu" jham we" mo, phaung kaid' mung: mug' na ge, . Mug: va" mang: mae" mo, we" tae" gyo: ge, . Phyid' cui: cui" ci gengaid yang: re: nag: khyug' pye' ru qhug' genae". Phyid' cui: tang za: cui" ci gengaid yang: re: nag; mhain" pye' ru10 qhug' genae". – Naonhaung" byin nyang yang: juyi khyug' gengaid qere: magang" tang byo, qeim: lo" li" nae". Khoru: ga" re ngonhaung" shaid' mae Mo"so bona: na: .11 Ce: byumyu" qe: cao" khyao jin kham mae macao" nae" tau: phung bao bo: ra" Mo"so: lo; yang ngo re mho" shid' ru wa –12 Mo, kho' ru ga: ce: amyu" qe ta" ru we' dakhyo: mo, kho' ra" ein: naonhaung" dabo: ta" ge, . Yao: bam gyaug din ci" ra"13 ja: re daci" ge, . – Gug: mang: din gam Mo"so re phug' myao: ge, . Ai: Mo"so re14 za: gyaug phug' ge, . – Ai ru: ngaid: re Mo"so wa naonhaung" khug ngha jao: boe" nae". Ngaid qere: Israel shid' myu" tha" lang: nae" laug baui , shaid' nghung: nhao nae" laug baui , Yerusalem: vobyu qe15 mae lha" we' dam: zo: boe" li" nae". – Byu myo: sho' mo, wa tha" thu: lang: mung: qug: gyug: nae bai" ru , lha" mae myi" ru qhug' li" genae".16 Ce: sagso: wa Nga" naungcao qe mae qaung" to: mung: khang" dao: tarha" re17 so: te' be; to: wa, ga: mho: ra". – Ngo wa Yaku' amyu" yham khaung re naung phaug'18 ra" Mo"so re myid: so" lao" na nae". – Ce mae ngo we' Mo"so ngo re byid' ra" zo: dau jham na: bam: . Ziun: bam dao mae thain" madaui na: na: ra" gug: mang: din gam Mo"so mae" Israel amyu" mae ve, lho we' mug' pho: boe" nae" tau: byid' to: va" ra".19 Yui vao mo, kheim: ke' ra" mo, mae khug ngha ge, ein: naonhaung" re mho: ngaid: re byu wa yao: yao" Mo"so mae magai: khug ngha i"? kao daui: na mo; mau" re shid mo, re gai: myid: nae" i"? –20 Tarha" re re: , sagso: dao: re re: , tae" gyo: gelang: . Yao: bam: ta" dao: wa mung dao: we' madau nyang re yao: bam: tau: mae21 ne, seim ga: ru jo, nae" mangaid: – Yao: bam wa myaung: dug: ru we' vae: moe; phau: mung: lai: lo" byaug: li" genae". Moe, shab' ra" au: yao: bam: nhag' lam: yaug mayo mung: yao: yao" jhaung zug: we' yao: yao" Mo"so re nhang: myain: nhang: thoe22 mung genae" ngaid: ra". – Mug: tho' khyo nghao" qu" qe re: myid gaung re qu" qe re: qug: khai: no, tang: lang" ru za: ngaid: ra". Yao: bam re no, tang: lang" ra" mug: caid' yo khyo keim" thug' ke' ru qhug' li" genae".