1 Yuda mang: Yerusalem: vo we' tin: mung: Amo" yao: zo: Esaia myao: ra" myo, myhung" wa ,2 Lo" thao" ra" ayo, abang: mae Mo"so: yham jo; ra" bam wa bam zang bam zo: jham: dao mae je: myhao mung: byumyu" cao jab wa ai: vo khyo yain" vao lo mung:3 ham: na: li" genae". – Byu mo, thaui: mo" jham re: li" geri: . Mo"so: bam , Yaku' amyu" Mo"so: yham khyo do, ye: gelang: . Yao" akhyo jham re naonhaung" re mho" shid' mung: yao" gau: khyo mae ngonhaung" cao" ye: nae" ga: khyo su: zo" ta" li" genae". Tarha" mung dao: wa Ziun: bam mae" re: , Yerusalem: mae" re: Mo"so: mung dao:4 thug' li" nae". – Mo"so wa byumyu" qe re tarha" dao: phyid' mung: byu mo, thaui: mo" jham re mho" shid' yang: yao: bam: shae re kheim khyae: , lhae taid' re lagam: kaid' pye' li" genae". Damang: we' damang: gye majho" khe' lo: thao phyao: gye mau" mho" ru majo, lo: nae".5 O" Yaku' amyu" qe li" geri: . Mo"so:6 bo" bao re cao" ye: gelang: . – Gegai: yao: Mo"so wa Yaku boe: bao: ngaid: ra" yao" amyu" jham re shepye' ava". Khoru: ga" re yao: bam wa ba thug' shaid' bao" ave, re cao" ru we' Philisti qe we' dakhyo: boe, phyid' yang: labug: byumyu" qe we' zam"7 khug na ye, veko". – Yao: bam: mang: din" wa ngaui hhang thug' mung: yang: yao: bam: jo, nho" wa matho' ta" lo: sho' myo" laug: jo; ako". Yao: bam: mang: din" mae myao: gyai qo" mung: myao: lhin" re:8 matho' nghe' lo: sho' myo" laug: ra". – Yao: bam: mang: din" khug mae gyoe: sulho byang" jo; ra". Yao: bam wa yao: bam: lo, mau" we' lo, nyhug' yang kaid' boe" to" ra"9 ru re goe; pa" veko" ra". – Khyag' mathaid' mo, re: goe; gam" mung: phug' de; ra" yaug re: jung" khyoe' ru qhug' li" genae" Yao: bam: qobo re re: Mo"so wa khyaid' byid:10 nae" mangaid: . – Mo"so: kheim: so' qam: o: we' phung bao bao: qhi: jo; ra" mathao mae laug aug' khug khyo goe; vao mung:11 phaui: lhug bam mae vho' na wa, . – Ai: ayo, akhin: mae ngaid beim" ra" myo, nho nga: lao: gyoe; gyo" genae". Nhag' lam: qao: ra" mo, re: nhau" pye' ca" nae". Mo"so yao: za: caung: khin" ra" khyo joe" li" nae" ngaid: .12 Khoru: ga" re nhag' lam: qao mung: geim kaid' ra" mo; dao mae re: , ngaid13 beim" ra" mo; dao mae re: , – Sag' myhao gae ngaid: ra" Lebanon: shaug' gae alhab' dao mae re: , Bashain: lashe' gae alhab' dao14 mae re: , – Myhao beim" ra" bam jham: adao mae re: , myhao: ra" bug gaung jham:15 adao mae re: , – Myhao: ra" gye byu gai" lam: khao: ngo" adao mae re: vokham"16 khao: ngo" dao mae re: ,– Tarashi' qid lha khao: ngo" dao mae re: , qu" yaung" sho' ra" lha nau" jham: dao: mae re: thain" madaui: Mo"so: ba na ayo, wa deim" khyoe' khyo"17 ru qhug' genae". – Ai: ayo, abang: mae ngaid beim: geim kaid' ra" mo, nyham: gyo" mung: byu qe: nhag' lam: myhao: ru re deim" zag: pye' ca" nae". Mo"so yao: za: ai: ba mae nga: yhe' ru qhug' li" nae". –18 Ai: ba mae gyoe: sulho jham wa shao" lo"19 byaug: li" nae" ngaid: . – Mo"so wa myid gaung re lhaui" nhain" ke' nae" to" ye; li" ra" au: yao" gyaug: din pho: we' bao qhi: ra" phung bao: mathao mae byu jham wa laug khyaung we' myid sao: dung: khyo20 vao lo" li" genae". – Ai: ayo, abang: mae byu jham wa yao: bam goe; pa" nae" tau: yao: bam: lo; yang kaid' to" ra" ngaui sulho , hhang sulho jham re qug hhug' we' pho' hhid' jham mae shepye' to: co' li" genae". –21 Mo"so wa myid gaung lhaui" nhain" nae" ga: to" ye; li" au: yao: re gyaug nae" kheim: so' we' bao qhi: ra" phung bao: mathao mae byu jham wa laug jhe' laug khyaung22 khug khyo tao" vao: lo" li" genae". – Nho khyo" so' she: ra" Xaosu byu re dalam ge, . Yao: pe" khyag' thaid' yaug mangaid: .