1 Nga" akhyo re mamyid' ra" mo; dao: re ngo tae" gyo: va". Ngo re maqho: ra" mo, wa ngo re the' myao veko". Ngo re qu" ge, qu" ge, ein: nga" mang khyao: re makhai: ra" amyu" qe re Ngo mho va". –2 Yao: yaug yao: o ngaui: khyo: magai: ra" gau: khyo cao" mung: ngag: ha ba: ra" amyu" re myo, nho qang yang: nga" lo,3 re daba gyam tau: vhag' va". – Ai: amyu" wa khyae khain mae xeim: ngaui" mung: zho: phaid' thaung: dao mae lo: bain: re ngha" hab' gemung: ngo re ayo, khao: ngo"4 nhag' gyid' nhao: ako". – Yao: bam wa lab bug mae na mung: mang: khung: mae yab ba: ako". Yao: bam wa vo, sho: zo: mung: anyain: avho: ngaid: ra" nung: sho: kyug'5 qang: shaug' ako". – Yao: bam re: nao wa gethaung: sain na wa, ngonhaung" jhao" date' li". Ngo wa nao tho' je: shao lho" ga: yang: ta" ako". Ai ru" ra" mo, wa nga" nho mae myi: khug' re" ru: mathang nga" na:6 ra" myi: re" ru: boe" ko" ra". – Nga" qhid' kheim: tung" xam" to: ko" ru mung: ngo wa sae za: na nae" mangaid: qobo dae byid:7 nae". – Naonhaung" shaid' nghung" ru we' bam dao mae lo: bain: re ngha" mung: bug gaung dao mae ngo re jung" ko" ra" naon- haung" phug' pho" jham shaid' nghung" qobo re naonhaung" lo, mae qhaug' byid: nae". Amung: ngo wa yao: bam: ave, we' dakhyo: yao: bam: lo, mae ngo lag yang: byid: nae" ga: Mo"so mho: ra".8 Mo"so ceru: ga: mho: ra". Sabyi' poe mae sabyi' qang: the' myao: re dazai" qheim" ge, min bo: ra" ga: mho: ru we' dakhyo: nga" daui mung mo; so' ha" tau: ngo kaid' nae". Alhab' re dazai" qheim"9 ge, . – Ngo wa Yaku' kaung mae" myug: shi: Yuda, amyu" khug mae" nga" bam re Ma khae: yu nae" ra" yaug re nhao: thug' ke' nae". Ngo khyin: yu mung: Nga" daui mung mo, ai mae khug ngha: na genae". –10 Ngo re qho: ra" nga" byu qe: tau: sharon: jao: gyu" wa yao jham: gyo, zo: jao: Akho: lao: khaung: wa gug' nyhug' jham ab' yab11 jao: boe" nae". – Naonhaung" kam" wa Mo"so re shepye' mung: nga" shao gyang" ra" bam re to" myhid' pye' ru we' Gaid' mo"so zo: bo" nyhang" mung: Meni: mo"so re vhe' sheim" ngaui" nae" nyhang" seim"12 mo, ngaid ko" ra". – Naonhaung" au: pa lo, kyo' wa shae ngaid: ra". Alhab' wa se' ru khae: yu nae" tau: goe; gam" ca" genae". Khoru: ga" re ngo yao: ke' re matau: ko" ngo ta" ru re matae" gyo: ko". Nga" myo, qao: tae mae malho" ra" ave, Ngo ma-o ngaui: ra" ja: re khyin: yu veko".13 Ai ru: mung: Mo"so ce ru: ga: mho: ra". Nga" daui mung mo, qhug' zo: genae" Naonhaung" kam" wa moe, shab' genae". Nga" daui mung mo, qhug' shaug' genae" naonhaung" kam" wa qid shab' phau: genae". Nga" daui mung mo, ngaui bau: genae" naonhaung" kam" wa gyaug qho'14 ru phau" li" genae". – Nga" daui mung mo, wa zhao: yao: myid we' caung: nghaui" genae". Naonhaung" kam" wa nhag' kaug' ru we' zag: gyi: ngug mung: nhag' lam: thao" ru we' kaug' myain" qhu: thoe15 mung genae". – Naonhaung" wa yao: yao" mang re ngo khyin: yu: ra" mo, tau: nhang: kheim: boe" yang: Mo"so wa naonhaung" re se' jheim" pye' li" nae". Yao" daui mung mo, kam" wa mang khyao: getau mhang"16 nae" ngaid: ra". – Myid kin dao mae yao: yao" gaung re min byid: nug yaug wa Mo"so mae ngha yang: min yu veshao: . Mug: myid: dao mae jham tang: nug yaug wa dang main" ra" Mo"so: mang re lao: mung: jham tang" li" nae". Khoru: ein: re qhid' phyao: mae" akhyo re to" myhid' pye' ca" nae" ai wa nga" myo, qao: tae mae baui" lo" byaug nae".17 Qu" wa, mug: gaung sag' we' myid gaung sag' re ngo phain: phaug' nae". Qhid' phyao: mae" mug: gaung myid gaung re myid: beim: lo: nae" mangaid: . Myid:18 qu" ca" lo: nae" mangaid: . – Ngo phain: to" ra" khyo re naonhaung" khonhae" re: ngaui bau: nhag' dag: na: li" genae". Yeru- salem: vo re ngaui bau: nhao nae" we' vo byu qe re ngaui bau: yaug yo nhao nae"19 tau: ngo phain: to: va". – Ngo wa Yeru- salem: vo mae ngaui bau" na mung: Nga" byu qe: mathao ngaui bau: zhao: yao nae". Ai: vo mae thao phyao: ngug byid ngug nhe' we' kaug' ngug: ra" thoe the' gyo:20 lo: nae" mangaid: . – Ai: vo mo" mae kao ngai: ra" zoshao mana nae". Kao mabyang" ra" mao: zo: re: mana nae". Kao dayo zin ngaid mung: shid: ra" yaug re zoshao ga: genae". Qobo qo" yaug kao dayo zin mae shid: ngaid: re nhang: kheim: phau: yaug21 ga: ta" geshao: . – Yao: bam wa yao: yao: kaid' ra" yham mae na genae". yao: qho" ra" sabyi' khyae: ashi: re zo" li" nae". –22 Yao: bam yham kaid' yang: getau: byu qe na zai mangaid: yao: bam sabyi' khyae kaid' mung: getau: byu qe qhug' zo: nae" mangaid: . Nga" byu qe: kao wa sag' gae re" ru: boe" mung: yao: bam kaid' ra" lo, mau" mae zin na myao" myao" the' khae:23 yu genae" ngaid: . – Yao: bam wa akeim aseim mae mau" zau: genae" mangaid: kao lang" ra" zo: dau qe re khau genae" mangaid: . Yao: bam yao: mae" re amyu" akaung jham wa Mo"so byid' ra" min: jhaung: re the' khae: yu: ra" mo, boe"24 genae". – Ngo wa yao: bam mayao shi: ge mae" tau: byid: nae". Yao: bam mata" shi:25 gemae" gyo: byid: nae". – Zag ne we' yao nau" jham wa daga" za: gyo, zo: genae". Lo: tin: wa nung: jaung nau" re" ru: mhin: zo" li" nae". Lhao maui kam" wa phaui: lhug re za: zo" li" nae". Nga" shao gyang" ra" bam gam: sho' mae yao: cao: pyam" yhin" ru phyo' qheim" ru majo, lo: nae" ga: Mo"so mho: ra".