1 Yuda jhaung zug:Uzia , Yotham:Ahaza: we' Hezekia bam: ta mae Amo"yao: Zo: Esaia wa Yuda mang: we' Yeru-salem: vomo" we' tin" ra" myo, myhung"myao: ru Wa,2 Gug: mang: dae gam gu: Mo"so kheim:dao: jhau: na mung:, o" mug: gaung we"gyo: wa,. O" myid gaung we" tae" gyo:wa, . Ta" ra" kheim: dao: wa Ngo khau:qhi" ke' ra" Z0: myid: qe Ngo re tau: lhain:3 veko". - Nung: jaung lao" yao" asang reba: ra". Myao: re: yao: yao" asang: myao:yham re ba: ra". Israel qe kam" wa Ngore maba ko" Nga" byu qe kam" wa maba:4 myid: beim: lo: ko". - Makhyang: mashab:ra" amyu", qobo qola: vin nug: ra" mo,zhain, nhag' lam: kaui: ra" Z0: dau qeboe" byaug vegenhaung . Mo'"so re naungphaug' veko". Israel shao gyang" ra" Mo"sore lhaui" pye' co' mung: gao" lin: lo"5 vegenhaung. - Naonhaung"qug:khai:kyi" khyag' qhug' nae" ru ba gau mae pe"mung: tau: lhain" na shi: ko" i" Au: jaid:jaid' ci mung: nhag' myid qam: o: mabo6 lo: ko".- Khuvo: mae" au: dai joe" sho'qao" zin" ru pe" mabo . Jaid: byi: lo" ra"mau byin: . The' zao" thaung: mung: qae"ra" dae jaid: byi: yhoe: lo" ra" dae cin cinngaid ko" ra". Ai: dae khu jham re magai:myhag', magai: soe' . Mai cug' yang magai:thab'. Xau gyaid yang: makye' magai:7 qhid' nae". - Naonhaung" mang: din" wacae: jhug' tag ngaid: na va". Naonhaung"vomo" jham wa nga" gyoe; gyo" va". Labug:byumyu" qe naonhaung" mug: myid jhamre naonhaung" myo, qao: tae mae yao: sangzo" pye' na veko". Gyevo: yang phyo' paui:pye' ru re" ru: byu sheim manae cae: jhug8 tag boe" byaug: ava". - Ziun: tang: shain:zomyi: wa sabyi' khyae mae" zao ru: ,lakhu: yo mae" jo byu gai" ru: , gyevo qe li" lhang" kham" to" ra" vogaung: re" ru:9 boe" byaug: ra". – Gug: mang: din" gam ug yaug Mo"so wa naonhaung" mae byu qhung: dajhid' za: matang" to: ngaid: re Sodom: vo ru: boe" mung: Gomora' vo we' dau zai ngaid: ra".10 Sodom: vozug: qe we" Mo"so: dao: re tae" gyo: ge, . Gomora' vobyu qe we" ngonhaung" Mo"so: tarha" re gyo" yu11 ge, . – Mo"so mho: ru wa naonhaung" ngaui" ra" xeim: alhab' re Ngo we' matin: . Phaid' ngaui" byid' ra" yao xeim: dau: , xau: nyam sho' khau: to" ra" gug' nyhug' jham: xau thaung: re Ngo nghang: va". Nung: jaung we' yao nau" caid' be, jham:12 sa: re Ngo ma-o ngaui . – Naonhaung" wa myo, nho ci: qhu" nae" tau: li" ra" au: Nga" kyae" kham: mae vao: zab nae" khag' yang nhao ko" i"?13 Akeim aseim ngaid: ra" xeim: daci: li" lo ge, . Naonhaung" phaid' ngaui" sheim nae pyo" ru re Ngo ca' ra". Lho" xin" ne, , dug no: ba: volo ham phaung re re: Ngo ca' ra". Qobo we' lhau: lhag' mung: pa" caung" ra" phaung re Ngo matho' zang: qhao" lo:14 ngaid: kyi: . – Nga" sozo: wa naonhaung" lho" xin" ba we' tau" phyid' to" ra" poe jham re Ngo ma-o ngaui . Ai wa Ngo re nhaung" khoe' byid' ru za: aboe" ra". Zang:15 qhao" ru: yang myaung: dug: ra". – Naon- haung" lo, khae khae ko" ra" au: Ngo maqu" mageim kaid' nae". Naonhaung" khoqhi" jhaung: xe: mho' gengaid yang: re: matae" gyo: byid: nae". Naonhaung" lo,16 mae sa: de; ra". – Yao: yao" gaung re cid' shao ge, . Yao: yao" gaung re shao kyang" ge, . Naonhaung" zai" shaid' nghung" qobo re Nga" myo, le, sham" shao: khyo" pye' ge, . Makhyang: mashab: ra" ave, re tha"17 lhaui" pye' ge, . – Gai: ra" mau" zaui: nae" mho" xeim: yu ge, . Din: main" ra" khyo re cao" khe' qho: yu ge, . Qug: khai: kyi" khyag' qhug' na mo, re bao" yu ge, . Cug' zo: nau" qe: tau: dang main" ra" khyo" dao: phyid' ge, . Cug' mo" jham: mau" re gai: ra" khyo" ta" sho' byid: ge, .18 Mo"so mho: ru wa , li" geri: , jho" ta" ngag: qu" gelang: , naonhaung" qobo sa: ru: ne ngaid qere: gyu: ru: phyu genae". Gyang ru" ru ne mo, ngaid qere: yao mug' ru: boe"19 genae". – Naonhaung" tae" gyo: ko" ngaid: re myid gaung mae" qhovo: qhoshi: jham20 re qhug' the' zo: genae". – Ai ru: mangaid: lao" ngag: pye' mung: tau: lhain: ko" ngaid: re shae mae shid genae" ga: Mo"so: nhaid' thoe: yang ta" na: ra".21 Qhid' phyao: dang main" ru byang" mung: vin tang" ra" vomo" wa khoru: mung: yaug zhang: myhi" qe: na jao: boe" byaug: laug i"? Dang main" ru ai: vo mae jo; lai: lo" va". Ana" kam" wa byu se' mo,22 za: byang" sheim: na veko". – Ni" ngaui wa shae khyid' boe" byaug va". Ni" sabyi' qang: gyang" wa qid lhag' byaug: ava". –23 Ni" zug: qe wa tau: lhain: mo, boe" mung: khug' hab' qe we' zam" lo" veko". Yao: bam wa jhaung qhu" re myo, nyaid yang: khug vag: zo" na veko". Yao: bam wa cug' zo: qe: tau: dang: ra" khyo" dao: maphyid" ko". Cug' mo" qe: mau" re pe" shui manho byid: ko".24 Ai: mathao mae Israel amyu" mae phung bao qi" ra" thain" madaui gyag maqui: Mo"so mho: ru wa , gegai: yao: Ngo re gye kaid' mo, re sham" khyo" pye' mung: Ngo re manug mangaui: ra" mo, re loge,25 phaug' nae". – Ngo nao re she: yu mung: ni" gyid: nug' ru re shao kyang" pye' yang: nao mae" jao re qab: lhaui" pye' nae". –26 Ni" tarha" agyi qe we' khaung: mhao: qe re genhae" mae" re" ru: Ngo dam: na nhao nae". Thao daba re ni" mang wa tarha" din: main: vin tang" ra" vo ga: hau" nhao" na:27 li" genae". – Ziun: vomo" wa tarha" din" ra" khyo" re: vobyu qe wa din: main" ra" khyo" yang re: khyaid' khyi: yu: ru qhug'28 li" genae". – Aphaug' alhain: kaid' ra" mo, we' shaid' nghung" ra" mo, kam" wa byo, qeim: khyo daga" za: joe" mung: Mo"so: yang shepye' qhug' ra" mo, wa aseim boe"29 genae". – Khoru: ga" re naonhaung" myid: o: qu" ra" lashe' gae: mathao qho' phau: mung: naonhaung" khyin: yu: ra" khyae: mathao mae myo, nho nga: gyoe, genae". –30 Khoru: ga" re naonhaung" wa avho' jhoe' byaug: ra" lashe' gae re" ru: qid majo; ra"31 khyae ru" ru boe" genae". – Lau: gai qe wa jid: mo" ru: yao" mau" zo" wa seim ru" ru boe" mung: yao" lo, mau" wa myi: bu: boe" yang: shid' ja" geim" daga" nga" genae". Ai: myi: re khag' re: maqo" se' nae".